رواية #طريق_إلى_النار
//بقلم.. نرجــس صــادق //
خالد.. وي غيري ادري انته رحت
بس كلي بيه شعايف
جا ليش نتلاكه بدرب خايف تلاكه بخايف
ريم.. ترى المشتاگ ما يفرق عن المحتاج
يرضى شما تحط بإيده
ـــــــــــــــــــــــــــــــــــــــــــــــــــــــــــــــ
علاء...
طلعت لبيت عباس واني متأمل تنحل هذي السالفة.. وصلت لبيتهم ونزلت دكيت الباب.. طلعلي ابو عباس لأن الولد كلهم ما موجودين...
رحب بيه ودخلت جوة واني منتظر عباس يجي حتى افتح الموضوع ويه والده... اتصلت علي رفضه... الظاهر مشغول
اجه والده وقدملي الضيافة... تشكرت منه وهو بده يسألني..
ابو عباس... شلونك بوية علاء
علاء... بخير دامك بخير عمي
أبو عباس... شخبار شغلك واني اسمع اخبارك من عباس
علاء... والله الحمدلله ماشي الشغل
أبو عباس... الله يوفقك بوية واني كل يوم اكول لعبيس ما تصير مثل علاء تزوج واستقر.
علاء.... ههههههه والله يا عمي الزواج رغبة اني شفت البنية وحبيتها وقررت اتزوج ولو ما حابها جان لحد الان اني ما متزوج.
أبو عباس... بوية هسة عباس المرة جاهزة بس خلي يوافق
علاء... صدك عمي اريد احجي وياك بهذا الموضوع
أبو عباس... اي بوية تفضل
علاء... عمي اني اعرف من حرصك على ابنك وحبك اله تريد تشوفه متزوج ومستقر بس يا عمي ما يصير تجبره... بيني وبينك عباس مو بنفسه هاي البنية ويكول مطايقها
أبو عباس... بوية ليش مطايقها شبيها مثلاً شو مثل الوردة
علاء... عمي بكل الحالات الولد مو بنفسه خاف ياخذها وتنضلم البنية وياا
أبو عباس... شلون يعني
علاء... عمي حتى جهالهم يصيرون ولد حرام لأن مدام عن اكراه صار الزواج يبطل صدكني
أبو عباس... شنو هذا الحجي بوية
علاء... عمي وداعتك اذا جبرت عباس على بنت عمه راح تضلم البنية بله عباس زلمة يكدر باجر ياخذ الي يريدها مرة ثانية والشرع محلله اربعة بس شنو ذنبها بنت عمه تنضلم وياا.
أبو عباس... لا بوية ما اجبره بس كلت بلكت يقتنع
علاء... عباس صاحبي واعرفه ما يريد يتزوج هسة البنية لا توكف قسمتها خلي ياخذها صالح.
أبو عباس... لا بوية صالح نفسه باختها والبنية هاي خليها تروح لقسمتها مدام عباس رافضها رفض قاطع
علاء... اي عمي هذا افضل حل لا تضلم البنية ويه عباس
أبو عباس... لا بوية ما اضلمها شنو ذنبها
علاء... اي والله عمي اني من حجالي عباس فكرت بالبنية ما فكرت بي.
أبو عباس... الله يبارك بيك وليدي
ضلينه نسولف اني وابو عباس لحد ما مرت ساعة.. بعدها ترخصت وكمت.. رجعت للاستيديو واني تعبان حيل..
بديت اشتغل وعقلي كله يم ودق... مشتاقلها حييل وقررت اليوم اسويلها مفاجئة حلوة.
ودق...
بعد ما عافني علاء وراح واني نار جهنم مشتعلة بصدري الله لا يوفقك خاين فوكاها بكل عين صلفة يصعدها وياي..ضليت افكر شلون اخلص منه...
بعد ما خلص الدرس الاول وصارت الفرصة..اختنكت وطلع بالساحة...
اجتي بنية باتجاهي اسمها سالي... كعدت بصفي واني ميتة قهر..
سالي... شلونج ودق
ودق.. الحمدلله حبيبتي
سالي.. شبيج ضايجة حبي
ودق... ما بيه شي
سالي... ودق اني اعرف انتي متحبين تكونين علاقات تخافين وهذا من حقج بس لازم ديرين بالج من نورس وبنين
ودق... شعليه بيهن
سالي... مخليات عينهن على زوجج واني سمعتهن يخططن على ياخذنه منج
ودق... شنووو
سالي... اي والله سمعت البنات يكولن خطيه ودق وكعت بأيد بنين ونورس وهذني عدهن ولد يسوولهن كلشي يريدنه.
ودق... وينهن
سالي... حبي اهدأي لا تصير مشكلة
ودق... كوتلج وينهن احجي
سالي... بنين اليوم ما مداومة بس نورس ذيج كاعدة كبالج
أنت تقرأ
طريق إلى النار
General Fictionمزيج من الألم لحكاية تروي لنا كيف هي مصائب الدنيا وكيف يُقسم الله الأقدار فَمنا من يكون نصيبه الفراق ومنا من يبقى تحت الاختبار حتى يتفوق فيه.. رواية #طريق_الى_النار تحكي عن فتاة في عمر الأحلام رأت اختها تحترق امامها.. وحينها تكتشف حب كان مخبأ في...
