طريق إلى النار

بارت 48

رواية #طريق_إلى_النار
//بقلم.. نرجــس صــادق //

خالد... انت من كلشي خذوك
شمعنى خلوك اعله بالي ..؟

ريم... الله يرحمه كالوا مات ذكراهم
وما و فقنه الله و ما نسيناهم

يتعمدون فوك كلوبنه يدوسون
وكرهنه كلوبنه بس ما كرهناهم

نحلف نبتعد بس ندري جذابين
يضيع الزعل من نتلاكه و ياهم

ـــــــــــــــــــــــــــــــــــــــــــــــــــــــــــــــ
علاء...
الساعة ب10 بالليل رجعت ميت تعب بعد عناء بالمحكمة حتى اخلص هذي البنت من أهلها والحمدلله أمنت عليها وعفتها بأيد امينة..

دخلت للبيت وجان البيت اضلم وفارغ وكانه ماكو احد بالبيت.. صحت..
علاء... ودق حبيبي وينج
ماكو صوت رحت لغرفتنا ماكو باوعت بكل البيت ماكو حتى عمتب ام ستار ما موجودة.. اتصلت على رقمها مغلق..

رجعت انتبهت لكيت رسالة منها... دخلت عليها ونصدمت..
جان مكتوب....
ـ شكراً الك على مفاجئتك الي والي بيناتنا انتهى باجر اريد ورقة طلاكي.

اني الج يا ودق وين وليتي.. خلي الكاج وشوفي شراح اسوي.. اتصلت على عباس..
جاوبني واني فاير غضب..
ـ عباس انت وين
ـ شبيك علاء شصاير
ـ كوتلك أنت وين
ـ اني راجع لبيتنا بعدني ما وصلت
ـ اني جايك للبيت
ـ ماشي هلا بيك

طلعت بوجهي لبيت عباس واني روحي مشتعلة نار...اتمنى اللزمها إلا اخلص عليها.

عباس...
تفاجئت من مكالمة علاء وجان عصبي كولش عرفته متعارك ويه زوجته...رجعت للبيت واني ادخل للبيت نصدمت من وجود ودق وامها كاعدات..

شافتني ودق وطفرت الي..
ودق...خويه احلفك بداعت امك علاء جان بالمحكمة
عباس...اي بالمحكمة بس شصاير خوية
ودق...عرفته سواها وتزوج عليه موو الله لا يوفقه
عباس...خويه شتحجين انتي شتزوج عليج
ودق...الله يخليك لا تدافعله اعرف بي تزوج عليه.
عباس...خويه والله ما تزوج لا تخربين بيتج وارجعي والي وصلج هالكلام نيته يدمركم.
ودق...اعرف لان صاحبك جاي تدافعله بس ما ابقى عنده لحظة وحدة
عباس...والله ما ادافعله بس خوية ما تزوج علاء لا تضلمينة

كملت كلامي واتصل عليه علاء عرفته واكف بره هو...طلعت اله وشفت عيونه دم وهو يكولي...
علاء... ودق ما موجودى بالبيت ودازتلي رسالة تطلب مني الطلاك.
عباس...علاء مرتك هاي هنا يمنه
علاء...شنوووو شجابها يمكم بسرعه صيحها وكوللها انتظرها بره.
عباس..علاء اهدأ لا تتهور والبنية فاهمة غلط اكو من وصللها الكلام بصورة خطأ
علاء...صيحلها وخلاص
عباس...ماشي بس اهدأ

ودق....
بعد ما حجيت ويه عباس وحلف انه علاء ما متزوج تندمت على تصرفي...وحسيت ما جان لازم اتسرع واطلع من البيت بهالسرعة..
طلع عباس وضليت اللوم بنفسي وامي ضلت تحجي عليه وكلتلي..امشي خلي نرجع لبيتج