رواية #طريق_إلى_النار
//بقلم.. نرجــس صــادق //
خالد.. ها يدمعي شعطلك شو ماجريت
شنهي ما حسيت ما يردونه
ببيش اذكرهم اذا حان العتاب
واحنه ما حاجين بس بعيونه
وجانوا يفهمون عيني شماتكول
هسا نحلف خاطر يصدكونه
ريم... ليش انت باقي وما رحت
ما دامك انت الي خذت
حلمي و هويتي و مأمني من درت عني عيونك
ـــــــــــــــــــــــــــــــــــــــــــــــــــــــــــــــ
ودق...
بعد ما عباس اخذ علاء واني روحي راحت ويا.. كعدت بالكاع مهدود حيلي وضميري اكلني وروحي مشتعلة نار لطمت على وجهي وصرخت وبجيت وما طفيت نار كلبي... رفعت اصبعي بتهديد على نفسي..
ـ والله اذا صار بي شي اموت وراا ولا راح اسامح نفسي اني حقيرة اني ما افتهم اني ضيعته مني.
ضليت اصرخ اريد نار كلبي تطفه ماكو روحي تعلعلت وصرت اشهك اريد هوة ماكو...
لميت نفسي لحضني واني افكر.. هسة شلونه شصار بي أكيد بعد ميريدني أكيد ميحبني بعد.
ما اعرف شكد مر وقت وندكت الباب.. ركضت فتحتها وصارت عيونه كبالي وجها ذبلان وعيونه حمر دم مثل الي باجي ومنتجي على عباس.. صحاني صوت عباس وهو يكولي..
عباس... سويلي طريق خويه خلي اودي لغرفته ورجاءا ما اريد ضغط علي تره الله ستر وتلاحكنه ضغطه صاعد كولش.
رحت قبله وهو جابه وراي وخلا بالصالة وانطاني العلاج علمني علي وطلع...
رجعت لكيت علاء متمدد بفراشه بالكاع ومخلي ايده على عيونه ونفسه منتظم بس عرفته ما نايم..
صعدت لغرفتي جبت ملابسي ودخلت سبحت وطلعت لكيته منطيني ظهره ونايم ووجها للحايط... رحت وتقربت يمه.. شفته مغمض عيونه..
دنكت بسته بخده وفتحت الغطه وحشرت نفسي وره ظهره بفراشه جان هو ماخذ الفراش كله فاني صرت على الكاع... ما حسيت غير ايد حاوطتني وسحبني على الفراش وهو يحضني لصدره...
اجيت انطق بس هو قاطعني وكلي..
علاء... اششش لا تحجين اي شي تعبان واريد ارتاح وبس بحضنج ارتاح.
سكتت واني دموعي تجري وبنفس الوقت فرحانة لأن بعده يحبني... بعد ساعتين حسيت بي وهو يوزع بوساته على وجناتي.. فتحت عيوني وصارت عيوني بعيونه وهو وجها ذبلان..
باوعلي وهو مبتسم وكلي..
علاء... نحلت العقدة يعني هسة اني خاين وابو النسوان موو
ودق... اسفة والله اني غبية بس والله اثق بيك بس ما اعرف شبيه اغار حيل وما اعرف اتصرف
علاء... هي لأن غيرتج نار تخليج متعرفين تتصرفين
ودق... سامحني بعد ما اعيدها
علاء... اسامحج بشرط
ودق... شنو
علاء... راح اكولج عليهن وحدة اثنين ثلاثة تتبعيهن وبدون نقاش..
ممنوع تجاوبين رقم غريب ومن اجي دكوليلي فلان اتصل عليه
اي شي يصير واي شي تسمعي تجين دكوليلي
إذا عندج شك بيه ولو لحظة تجين تتفاهمين وياي تمام
وممنوع تحجين لصديقاتج أو للطالبات عن حياتنا
ودق... ماشي صار
علاء... احبج واموت على ربج وما اعرف الله هيج متمعن من خالقج.
ودق.. كافي علاء خجلت
تقرب عليه وتجرأ أكثر واني دفعته وكوتله...
ودق... لا عيب علاء وخر
علاء... انتي ليش محسستني أنه اني صاحبج مو رجلج بابا اني زوجج وانتي كلج حلالي بطلي كلمة عيب ومرة ثانية لا تدفعيني واني جاي اتقربلج واضح.
أنت تقرأ
طريق إلى النار
Genel Kurguمزيج من الألم لحكاية تروي لنا كيف هي مصائب الدنيا وكيف يُقسم الله الأقدار فَمنا من يكون نصيبه الفراق ومنا من يبقى تحت الاختبار حتى يتفوق فيه.. رواية #طريق_الى_النار تحكي عن فتاة في عمر الأحلام رأت اختها تحترق امامها.. وحينها تكتشف حب كان مخبأ في...
