رواية #طريق_إلى_النار
//بقلم.. نرجــس صــادق //
خالد... والله لو تدرون
شــ بگلبي عليكم
چا بچيتوا
ريم... كل هل مسافه البعد
وسوالفك تنسمع
جن احنه حلك بحلك
ـــــــــــــــــــــــــــــــــــــــــــــــــــــــــــــــ
ودق...
بعد مرور أسبوعين واني طول هالفترة الحمل دمرني لدرجة حتى امتحاناتي خلصت واني ما فاهمة منها شي وما اعرف اذا راح انجح لو لا...
نفسيتي تعبت هملت نفسي وهملت علاء ورجعت نفس الحالة تلعب نفسي وما اخلي يتقرب مني..
علاء خلال هالاسبوعين يركض من الشغل للمستشفى عمو حالته خطرة ومتوقعينه يموت على لحظة... ويرجع للبيت بالليل وبعض الاحيان يلكاني نايمة يضوج ويكعد الصبح ضايج وميتحاجه..
بيوم من الايام اجه من وقت...
دخل للغرفة وهو تعبان كولش.... اخذ ملابس وراح للحمام سبح ورجع ذب روحه على الجرباية وتمدد وجها ثكيل عليه...
كولت خلي ابادر اني واحاجي واشوف شبي...
ودق... حبيبي مشتاقتلك
باوعلي بطرف عينه ورجع يباوع بالموبايل...
ودق... مو احجي وياك شبيك
علاء... نعم ودق تعبان واريد أنام
ودق... شبيك وياية
علاء... ماكو شي
تقربت يمه وشفته يراسل ببنية تشتغل عنده جلسات تصوير... ضجت بس اني اشوف كلامه عادي وياها بس هي مو راحة تمنيت لو يمها جان كفشتها.. جان اسمها ليلى...
ليلى... علوش اريد أنت تصورني
علاء... ان شاء الله بس اني مشغول هذي الأيام
ليلى... انتظرك من تفرغ لان محتاجة هذي الجلسة كولش وانت ايدك بالتصوير تصير تخبل
علاء... ماشي الله كريم
ليلى... علاء شنو اسم القاعة الي داخللها
علاء... يا قاعة
ليلى... قاعة حديد لأن عضلاتك تجنن واحلى شي بيك دمارات ايدك يموتن
علاء... ما داخل قاعة وشكراً على المجاملة
ليلى... مو مجاملة والله بس اني معجبة كولش بجسمك
علاء... شكراً اترخص عيوني
ليلى.. براحتك
طلع من المحادثة وسد الجهاز وتمدد واني احس دخان يطلع من راسي بديت افور صح هو ما انطاها مجال بس إذا تبقى ورا اموت غير... كرهت نفسي لأن هاملته وهاملة نفسي..
قررت ارجع ودق القديمة الي كل اهتمامها علاء ونفسها... لازم اضغط على نفسي حتى اذا الحمل يتعبني...
تقربت يمه وفتحت اديه وهو متمدد وتوسدت على صدره هو ما انطه اي ردة فعل ... ضجت بس لازم اتحمل واخلي ترجع ضحكته...
رفعت نفسي وهمست باذنه... حبيبي زعلان مني
رفع ايده عن وجها وصارت عيونه بعيوني...
علاء... اي زعلان
ودق... اممم لعد لازم اراضي حبيبي بس اول شي خلي اشرحله السبب
علاء.... اممم راح تضحكين عليه بجم كلمة
ودق... ههههههه حشاك حبيبي محد يضحك عليك
شوف ياابو ابني انت حبيبي وزوجي بس ما قدرت حالتي وانت تعرف حملي صعب اعترف اني هاملتك وهذا حقك واني اسفة على تصرفاتي بس هسة اني مشتاقتلك.
علاء... اريد تعويض
ودق... مو بس، تعويض تعويضات يروحي
علاء... لعد تعالي
سحبني لحضنه ووو....(هيج ماكو شي منتظرين اكوللكم هههههه)
صحيت الصبح واني استنشق عطره لعلاء جان حاضني ومحاوطني باديه رفعت نفسي من صدره وانطيته بوسة بخده واني اتلمس بلحيته بعدها اجيت اكوم مااكدر ايده ثكيله.
اجاني صوته وهو يكولي...
علاء... لا تحاولين دكومين اليوم تبقين بحضني
ودق... ههههههه من شوكت انت كاعد
علاء... من بوسة الخد
ودق... ههههههه خبيث مدكولي انت كاعد
علاء... اريد اشوفج شتسوين بعد بس طلعتي فاهية اكبر انجازاتج بوسة بس
ودق... لعد شتريد عيني
علاء... تعالي اعلمج شاريد
اجه يحاوطني واني نهزمت وهو يتوعدلي... هههههه ركضت ونزلت وهو يكولي... اللزمج وين ترحين مني مثلاً.
نزلت للمطبخ وجانت ماما كاعدة ومخلية الاكل على السفرة... باوعتلي وكلتلي...
ام ستار... امشي كعدي رجلج وتعالو تريكوا
ودق... ماما اريد اروح للصالون اليوم ارتب وجهي واسوي جلسة تنظيف واغير صبغ شعري.
ام ستار... صلوات على محمد منين طالعة الشمس اليوم
ودق.... هههههههه والعصر نروح للسوك عندي كم شغلة اريد اجيبهم
ام ستار... شتجيبين يمه
ودق... ملابس ومكياج وعطورات وهيج شغلات
ام ستار... يمه طالعلج عقل جديد
ودق... ماما شنو السالفة
ام ستار... يمه غير فرحانة بيج امشي صيحي رجلج وتعالو تريكوا... صعدت للغرفة ولكيت علاء بعده متمدد على بطنه..
تقربت يمه وكوتله...
ودق... حبيبي ورق اريد فلوس
علاء... خير ان شاء الله شكو
ودق... اريد اروح للصالون وللسوك
علاء... يعني قصدج تردين تقطيني وتطيحين حظي
ودق... هههههههه حبيبي تورق لو شلون
علاء... شكد تردين حبي
ودق... ما اعرف بس 500 اقل شي
علاء... اشتعلوا اهلج ولج فلست معناها
ودق... علااااااء ليش تحسسني متريد تنطيني
علاء... لا يروحي الفلوس جوة رجلج روحي للكنتور واخذي براحتج
ودق... احبك
تقربت علي وبسته بخده ورحت للكنتور... طلعت فلوسه ووديتهن اله... كوتله...
ودق... ذني شكد
علاء... احسبي حبي متعرفين تحسبين
ودق... لا اعرف بس ما احب احسب فلوس يدوخن
علاء... جيبي
اخذهن مني وحسبهن وجانن 700... انطاني 500 وكلي رجعي الباقي..
رحت لماما ومقررة اليوم اغير من نفسي حتى اعوضه عن ايام اهمالي اله... كملنا ريوك وهو طلع لعمو بالمستشفى واني حضرت نفسي ورحنا اني وماما للصالون.
أنت تقرأ
طريق إلى النار
Ficção Geralمزيج من الألم لحكاية تروي لنا كيف هي مصائب الدنيا وكيف يُقسم الله الأقدار فَمنا من يكون نصيبه الفراق ومنا من يبقى تحت الاختبار حتى يتفوق فيه.. رواية #طريق_الى_النار تحكي عن فتاة في عمر الأحلام رأت اختها تحترق امامها.. وحينها تكتشف حب كان مخبأ في...
