طريق إلى النار
جدول المحتويات

    أنت تقرأ

    طريق إلى النار

    Ficción General

    مزيج من الألم لحكاية تروي لنا كيف هي مصائب الدنيا وكيف يُقسم الله الأقدار فَمنا من يكون نصيبه الفراق ومنا من يبقى تحت الاختبار حتى يتفوق فيه.. رواية #طريق_الى_النار تحكي عن فتاة في عمر الأحلام رأت اختها تحترق امامها.. وحينها تكتشف حب كان مخبأ في...

    #النار #الى #طريق

    بارت 64

    5 0 0 
                                            
    
                                                  
    رواية #طريق_إلى_النار
    //بقلم.. نرجــس صــادق //
    خالد... الهوى هذا اليمرني اتخيلك بي
    حتى التقي وياك منين ما جيت 
    ريم.... وتعلمت كلشي في سبيل انساك 
    بس فراك وجهك ما تعلمته
    ـــــــــــــــــــــــــــــــــــــــــــــــــــــــــــــــ
    إيمان....
    صحيت الصبح على صوت خالد وهو كاعد يمي ويكولي...
    خالد...صباح الخير عروستنا يله كومي حبيبتي
    إيمان...صباح الورد حبيبي
    خالد... يله اني رايح قبلج منتظرج 
    إيمان...تمام جاية 
    راح واني كمت وغسلت وبدلت ملابسي ورحت لكيت الكل مجتمع... كعدت تريكت وكمت واني احس نفسي دايخة ومالي خلك لكولشي..
    نظفنا البيت اني واخواتي وشيماء راحت للسوك حتى تحظر صينية المهر واني كملت كولشي ويه رواء وصعدت لغرفتي وجانت خالتي وبناتها كاعدات مثل الخطار...
    صار وقت الغده ورجعت شيماء وعزلنا الغراض الي جابتهم شيماء وكعدنا كلنا تغدينه سوة بس لاحظت سرى ماكو..
    صار بداخلي شك قوي بأنه سرى عدها شي واكثر من مرة شفتها تدخل لغرفتي... 
    اجتي رواء وجهزت نفسي ورحنا اني وياها للصالون... جنت افكر شلون راح يمر هذا اليوم وكانه كلبي حاس بالخطر..
    وصلت للصالون وكعدت انتظر تكمل بنت قبلي دتصبغ شعرها...شويه وصاحتني اكعد...رحت كعدت وكوتلها اريد مكياج خفيف كولش ومناسب لحفلات الخطوبة..
    مرت الساعات واني جوة ايدها لحد ما صارت الساعة ب6 كلتلي...
    ـ اللهم صلِّ على محمد وآل محمد تتهنين حبيبتي
    ـ تسلمين حبيبتي شكراً الج
    باوعت لنفسي بالمراية عجبني الشغل وحبيته كولش...كمت لبست الفستان ورتبت نفسي...اجتي رواء وغطتني بالعباية وخلت على راسي قطعة بيضة...
    بعد ربع ساعة اتصل خالد على رواء...
    خالد...واكف بالباب يله وينجن
    رواء...اجينه حبيبي
    خالد...بسرعة عندي شغلة اريد اروح
    طلعنا اني ورواء ومن شافنا خالد...نزل فتحلي الباب وصعدت...طول الطريق واني افكر بمصطفى...
    وصلنا للبيت ونزلتني رواء ونزل وراية خالد...دخلت جوة وشفت اكو كومة نسوان جايات...
    جيرانه واقاربنه واحس المكان خنكة كولش...مر الوقت وبعد ساعة سمعنا صوت السيارات واني بده التوتر عندي...
    صحت على شيماء وكوتلها تجيبلي موبايلي عفته بغرفتي...
    جابتلي موبايلي ولمن فتحت شفت رقم متصل عليه 10 مكالمات..دخلت لقائمة الهاتف لكيت كل المكالمات ممسوحة وباقية بس اتصالات الرقم الغريب هذا...
    زاد توتري واني افكر بالرقم...منو هذا وشيريد واني افكر رن الموبايل بايدي فزيت...
    باوعت نفس الرقم جاي يتصل رفضته وحضرته...اوف ما اعرف شنو سالفة هذا الرقم...رجعت للاجواء واني افكر بمصطفى..دخلن نسوانهم وهنة يركصن وفرحانات ويهوسن...
    اجتي عمتي الي هي ام مصطفى باستني وهي تهوس وتركص..
    وبنت عمو نور علكت اغاني وبدن البنات يركصن ويهوسن...لحد ما اجه خالد وكال..
    خالد...خلوو اابنية وره الباب السيد راح يعقدلهم.
    رواء...ماشي خوية 
    خذتني رواء وخلتني وره الباب واني اسمع السيد بده يتلوو ايات قرأنية وبعدها نص العقد ويعيد بالكلمات واني كلبي صار طبل...لحظات صعبة وحلوة بنفس الوقت...
    اخر كلمات سمعتهن وهي إذا جنتي موافقة فقولي نعم وانت وكيلي...
    بدون تردد كوتله...نعم وانت وكيلي 
    واخيرا صرت زوجته لمصطفى وتم عقدنا واني احس الفرحة ملكتني..نزلت دمعتي بس هاي دموع الفرح...
    بعد ربع ساعة صاحوا...راح يدخل الولد وهنا بده الخوف 
    اخذت الحجاب وخليته على جتافي لأن فستاني فاضح كولش...دخل مصطفى ودخل وياا خالد...
    تقدم كبالي خالد وهو يحضني ويكولي...
    خالد...واخيرا حبيبة اخوها كبرت وصارت عروس الف مبروك حبيبتي
    إيمان...الله يبارك بيك حبيبي
    خالد...مصطفى ميحتاج اوصيك منطيك قطعة من روحي 
    مصطفى...بعيوني اخليها
    طريق إلى النار حيث تعيش القصص. اكتشف الآن