رواية #طريق_إلى_النار
//بقلم.. نرجــس صــادق //
خالد... حِزن متربع بـّ طيني ، ضايع مآ عِرف ويني
ينشدوني وأگول بخير ، ودمعّ يتلولح بعيني .
ريم...
انتهينه ،
والسفينه الوصلتني لصوبكم
ردّت خذتني
السفن نفس السفن ..، والماي ماي
ما يفرّق بين ماشي ...، وبين جاي
ـــــــــــــــــــــــــــــــــــــــــــــــــــــــــــــــ
ودق ـ
كعدت الصبح على صوت علاء وهو يبدل ويريد يطلع للشغل.. باوعتله مبين ضايج.. عزة بس لا ضايج مني..
كمت تقربت يمه واني اشتميت عطره ولعبت نفسي.. يالله شلون بيه شنو هالنفس
خليت ايدي على خشمي وكتمت تنفسي حتى ما اشتم..
علاء.. شبيج تلعب نفسج مني
ودق.. شاسوي يا علاء ما جنت هيج بس من صار عندي حمل كامت تلعب نفسي من عطرك.. بدل العطر فدوة
علاء.. ماشي
طلع علاء وهو ضايج واجتي ماما عليه...
ام ستار.. يمه شبي رجلج ضايج
ودق.. لأن تلعب نفسي منه
ام ستار.. يمه انتي لا تحجينها بوجها ميصير
ودق.. ماما ما حاجية بس من يتقرب يمي اتخبل
ام ستار... اليوم العصر اخذج للطبيبة
ودق.. ماشي ماما
مرت الساعات وماما حظرت الغده وعلاء ما اجه.. قلقت علي وكولش ضجت ليش تأخر..
بقيت منتظرته للعصر وهو ماكو اخذت موبايل ماما واتصلت على علاء.. جاوبني..
ودق... حبيبي وينك ليش تأخرت
علاء... هسه جايكم بالطريق
ودق.. تمام انتظرك
نص ساعة ودخل علاء وبايده علاكة كتب.. تقربت يمه وغصبت نفسي وحضنته..
بعدني عنه وكلي...
علاء... رحت للسوك حتى اجيب غير عطري الي يأذيج
ودق.. صدوك تحجي
علاء.. طبعاً حبيبتي حامل ونفسها تتوحم وتكره عطري لازم اغيره.
رفعت نفسي لخده وبسته بخده وهو ضحك وحضني..
ودق.. شنو هاي العلاكة
علاء... جبتلج كتب ورحت للمدرسة حجيتلهم على وضعنا وسويتلج اجازة حتى ميعتبروج غياب من باجر تداومين تمام.
ودق... حبيبي فدوه اروحلك يعني مناسي موضوع دراستي
علاء... اكيد ما انسى اني اريدج تكملين واريد تصيرين دكتورة تعالجين قلبي الذايب بيج
ودق... ههههههههه واني منو يعالج كلبي
علاء.. كلبج علاجه يمي
ودق... حبيبي بس ما عندي ملابس مدرسة
علاء.. حضري نفسج اخذج للدكتورة ونروح نشتريلج ملابس همين.
ودق...شكراً حبيبي
علاء...لا دكولين شكراً اني وياج روح وحدة.
ودق...الله يحفظك النا
رحت بدلت ملابسي ورجعت لكيت علاء وماما منتظريني.. رحت للدكتورة وسوتلي تحاليل وفحوصات والحمدلله وظعي طبيعي بس كلتلي دير بالج على الطفل لأن صغيرة ولا تتحركين هواية لحد ما تكملين 3 اشهر حتى يثبت الطفل..
طلعنا من الدكتورة واخذني علاء للسوك واخذنا احتاجاتنا ورجعنا واني صدوك تعبت ما اعرف ليش يمكن بديت احس بالثكل من هسة من غير الوحام.
أنت تقرأ
طريق إلى النار
Ficción Generalمزيج من الألم لحكاية تروي لنا كيف هي مصائب الدنيا وكيف يُقسم الله الأقدار فَمنا من يكون نصيبه الفراق ومنا من يبقى تحت الاختبار حتى يتفوق فيه.. رواية #طريق_الى_النار تحكي عن فتاة في عمر الأحلام رأت اختها تحترق امامها.. وحينها تكتشف حب كان مخبأ في...
