رواية #طريق_إلى_النار
//بقلم.. نرجــس صــادق //
خالد... ناسيّني، بس هم أجي ابالكَ
واترس عيونك حزن وأتلاعب بحالك
ريم.. روحي ياروحي شبعد بيها ولمها
روحي داسو فوگها وكسرو عضمها..
ــــــــــــــــــــــــــــــــــــــــــــــــــــــــــــــــــــــــــــــــــــــ
ريم.. كنت كاعدة اللعب بعلاوي وزنوبة تلعب يمي واني ما منتبها لوسام من دخل..
وسام.. ريم أكدر احجي وياج بموضوع
ريم.. انتبهت علي كان عصبي وكلماته حادة كولش.. تفاجئت أول مره يكون وسام عصبي..
ـ أي تفضل
وسام.. عندي بيت خالو بكربلاء اريد نروح نسكن يمهم
ريم.. ليش شصاير.. شنو هالقرار المفاجئ
وسام.. افضل النا ممكن كولشي يصير حتى نكون بأمان.
ريم.. ما فهمت شنو نكون بأمان ليش هسة شراح يصير حتى منكون بأمان..
وسام.. ماكو شي بس اني قررت نروح هناك افضل.
ريم.. بس شلون اعوف أهلي
وسام.. لازم تجين وياي ريم
ريم.. ما اعرف اريد احجي ويه ماما
وسام.. هاج اتصلي على امج
ريم.. اخذت موبايله واتصلت على ماما.. ما جاوبتني.. خفت بس لا صاير شي الهم..
رجعت اتصلت.. جاوبتني واول مرة اشوف ماما فرحانة..
أم ستار.. هلا يمه ريومة حبيبتي
ريم.. شلونج ماما مشتاقتلكم
أم ستار.. يبعد امج الحمدلله احنه زينين.. انتي شلونج رجلج شلونه علاوي وزنوبة شلونهم.
ريم.. الحمدلله كلهم بخير.. ماما ودق شلونها
أم ستار.. ابشرج يمه ودق نخطبت
ريم.. شنو المن وشوكت
أم ستار.. يمه لعلاء أبن أم علاء جيرانه..
ريم.. صدوك ماما بس هي بعدها صغيرة
أم ستار.. يمه لو ما علاء خوش ولد ما ازوجها لو تنكلب الدنيا.. بس يمه علاء يتأمن خوش ولد.
ريم.. أي صحيح علاء وردة
أم ستار.. الحمدلله على كل حال
ريم.. ماما اريد اكولج على شغلة
أم ستار.. كولي يمه
ريم.. ماما وسام قرر نروح لكربلاء نعيش يم بيت خاله
أم ستار.. ياااا يمه ليش
ريم.. ما اعرف واني ما اريد اروح وابتعد عنكم
أم ستار.. يمه إذا رجلج مقرر لا تكسرين كلمته وروحي ويا واحنه هم يمج قابل بعيدين.
ريم.. بس ما أكدر افاركم
أم ستار.. يمه روحي ويه رجلج يجوز بيها صالح الكم.
ريم.. ماشي ماما
ضليت اسولف ويه ماما على علاوي وزنوبة وبعدها ترخصت منها ورجعت الموبايل لوسام..
وسام.. شكلتي
ريم.. ما اعرف بكيفك إذا حاب خلاص نروح
وسام.. ماشي اليوم بالليل احجي ويه ابوية
ودق.. بعد ما اجه خالو وبدو كلامهم ويه خالوا.. واني اسمع كولشي.. الشعور إلي حسيت بي واني اسمع عمو ابو علاء يكول لخالوا..
أبو علاء.. اطلب ايد بنت اختك ودق لابني علاء على سنة الله ورسوله.
كانت كلمات بس الشعور الي صابني واني اسمع هذي الكلمات شعور غريب كولش لدرجة احس نفسي بحلم.. كملوا كلامهم واتفقوا على كولشي وتقرر زواجي بعد 10 ايام..
بعد ساعة ترخصوا من خالو وماما وطلعوا.. طلعت اركض وسلمت على خالو..
ودق.. شلونك خالو
أبو مصطفى.. الحمدلله خالو حبيبتي انتي شلونج
ودق.. الحمدلله
أبو مصطفى.. كبرانة وحليانة
ودق.. ههههه مو لهالدرجة خالو
أبو مصطفى.. مبروك خالو الله يتممها على خير
ودق.. شكراً خالو
أنت تقرأ
طريق إلى النار
General Fictionمزيج من الألم لحكاية تروي لنا كيف هي مصائب الدنيا وكيف يُقسم الله الأقدار فَمنا من يكون نصيبه الفراق ومنا من يبقى تحت الاختبار حتى يتفوق فيه.. رواية #طريق_الى_النار تحكي عن فتاة في عمر الأحلام رأت اختها تحترق امامها.. وحينها تكتشف حب كان مخبأ في...
