طريق إلى النار

البارت التاسع

رواية #طريق_الى_النار
//بقلم.. نرجــس صــادق //
خالد.. اهلي ما فهموا ادموعي ومن بجيت
قمت احلامي انه بفكدك حضن
وانت لو كايلي احب دمعك يطيح
بلايه ما تمشي اطيحلك جفن

ريم...جرحي من الصغر شامه ...
لا ينزف ولا يلتم كسر جامه

ـــــــــــــــــــــــــــــــــــــــــــــــــــــــــــــــ
علاء.. دخلت لكيت خالد متمدد ومغمض عيونه.. بس اني ادري بي ما نايم.
ردت اطلع صاح وراي...
خالد.. علاء تعال اني ما نايم.
علاء.. اعرف ما نايم بس كلت اعوفك ترتاح.
خالد.. هاي ياراحة التحجي عنها ليش هي عيوني تقبل تغمض دقيقة..
نار تاكلني علاء نار فهمني شاسوي فدوة اريد حل.
علاء.. يعني والله حيرتني وياك شنو من حل مثلاً
مدام ريم ما تعرف بحبك شتتأمل مثلاً
خالد.. لا تحاجيني هيج علاء لا تقسي عليه
علاء.. لعد تريد اكولك اي و اي واصلا ماكو أمل لازم تتقبل الواقع.
خالد.. مستحيل اتنازل عنها لو تنطبق السماء على الأرض.
علاء.. شتريد تسوي
خالد.. اخطبها
علاء.. من كل عقلك دنكولك نخطبت والبنية موافقة شنو تخطبها.
خالد.. ريم مستحيل توافق أكيد ستار جبرها.
علاء.. اي حتى إذا ستار جبرها تريد تتورط ويه ستار أنت
خالد.. أموت وما اعوفها تصير، لغيري
علاء.. خالد تصرف بعقلانية اني وياك نعرف ستار شنو وويامن متورط.
خالد.. وتريد اسكت واني اشوفه يشمر روحي وبنتي لواحد الله أعلم شنو.
علاء.. أول شي خلي نعرف منو خطب ريم ونعرف كل معلوماته وإن شآء الله يصير خير
طلعت من يم خالد واني عقلي واكف.. راح يخبلني خالد اعرف بي يحبها من عمره 16 سنة جان يكولي هذي الطفلة احبها ما جنت اصدكه لأن جانت صغيرة كولش وكبر وكبر حبها ويا وكل يوم يكولي احبها بس ما رضه يعترفلها يخاف عليها.. إذا درت ريم بحبه راح تبادله الحب لو راح تتركه يتعذب وحده..

في بيت جمال..
ريم.. كنت كاعدة واتفرج على الجهال يلعبون وودق كانت كاعدة يمي..
ـ شعجب مدكومين تلعبين وياهم.
ـ بعد ما اللعب اني صرت جبيرة هيج ماما كلتلي.
ـ هههه حبيبتي لا تحرمين نفسج من اللعب بعدج صغيرة.
ـ بس اني اطول منج راح اصير يعني اني صدوك جبيرة
ـ ههههه والكبر بالطول لعد.. لا حبيبتي انتي عمرج 11 سنة بعدج صغيرة.
ـ بعد شهر يصير عمري 12 سنة.
ـ أي حياتي بعد شهر وتصيرين جبيرة ههههه
ـ بس انتي هم صغيرة وراح تتزوجين.
ـ هذا قدري حبيبتي شاسوي لعد
ـ ريم انتي تحبين خالد..
ـ كنت اتكلم مع ودق بس كلماتها الاخيرة فاجئتني.. درت راسي عليها
حبيبتي منو كلج هذا الكلام.. وانتي شمعرفج بسوالف الحب
ـ اني مو صغيرة واعرف انتي تتذكرين خالد دائماً معناها تحبينه.
ـ ودق تسكتين لو ابسطج عيب هذا الكلام.. بعدج صغيرة على هذي السوالف.
ـ لا مو صغيرة ولا تجذبين على نفسج انتي تحبين خالد
ـ خلصت كلامها وعافتني وطلعت من الغرفة... هذي شوكت كبرت وصارت تعرف الحب شنو..
بعدين اني صدوك افكر بي دائماً واتمنى اشوفه واتمنى اضوجه واشوف عصبيته بس ما اعرف شنو الحب معقولة هذا يسمو حب.. هذي الفصعونة تعرف الحب أكثر مني.
(ملاحظة ريم كانت دائماً تكعد تحجي بينها وبين نفسها بصوت عالي يعني فضيحة بين قوسين هههههه)