رواية #طريق_إلى_النار
//بقلم.. نرجــس صــادق //
خالد... هذا وجهي الذابل تعرفينه ؟؟
ناسيتني ؟ بعدج تذكرينه .؟
هواي مرن من بعد ذاك الوداع
ايام كظيناها مدري شبينه
خدج مورد ولا سهرانه يوم
الليل قاسي بالج تسهرينه
هذا عمري المنكسر يبجي عليج
كضن وي غيرج حسافه سنينه
ـــــــــــــــــــــــــــــــــــــــــــــــــــــــــــــــــــــــــــــــــــــــــ
ريم...يعني خلاص خالد طلعني من حياته وعافني وراح، ليش شسويتله وحرك كلبي هيج، ليش حرمني حتى من شمة انفاسه، فهموني ليش....
ودق.. ريم فدوه بس اهدأي واكعدي خلي افهمج..خالد سافر لأنه تعذب حيل ما يكدر يتحمل يشوفج كباله وانتي مو اله.
ريم.. ويعوفني ويروح واني عليمن عايشة، عايشة على كلماته، عايشة على الأمل واني كل يوم اكول يجي يوم ننجمع، الآن خلاص طلعني من حياته وراح.
ودق..فدوه ريم لا تسوين بنفسج هيج..
شكد أكدر احجيلكم على حالة ريم بس شكد ما احجي قليل وهي مثل الطير المذبوح.. تلطم وتصرخ وتشهك وكل شهكة شكت كلبي..اوف يا اختي راح يبقى عذابج طول العمر..
فجأة وهي واكفة ودتصرخ.. وكعت من طولها مثل الميتة.. صرخت..
ـ ريممممممممممم
وركضت الها اهز بيها اريدها تحاجيني.. تخبلت واني اصرخ..اجتي ماما تركض..
أم ستار.. اسم الله الزهرة شبيها اختج
ودق.. ما اعرف جانت واكفة ووكعت
ام ستار... دخيلك ربي بنيتي شبيها
ودق.. ماما خلي ناخذها للمستشفى
أم ستار...يمه منو يوديها
ودق.. راح اتصل على علاء
اخذت موبايل ماما واتصلت على علاء.. جاوبني..
ودق.. علاء فدوه بسرعة تعال ريم وكعت وما اعرف شبيها
علاء.. ماشي ثواني واني يمكم.
10 دقايق وعلاء دك هورن.. طلعت ماما تركض وصاحتله.. اجه شالها وخلاها بالسيارة...
صعدت ماما وتحركت السيارة...ضلت روحي تلوب..ياربي اريد ريم سالمة منك.
علاء.. جنت بالاستيديو اشتغل واجاني اتصال ودق وهي تصرخ..
طلعت اركض بعد ما أمنت الاستيديو عند صديقي..
وصلت يمهم اخذت ريم وامها.. وطلعت كبل للمستشفى...
وصلنا للمستشفى..نزلتها اخذوها مني بسرعة... رحت وراهم واني احاول اهدء بعمتي وهي تصرخ...
أم ستار.. ولج يمه بنيتي اسم الله على اسمج
علاء.. كولي يالله عمة ما يصير هيج تسوين
ام ستار.. يمه بنيتي ما اعرف عنها شي
علاء... عمة ان شاءالله كلشي ما بيها بس اهدأي
مرت ساعة واحنه واكفين.. طلعت الدكتور وهو يباوعلنا...خفت بسبب نظراته..
الدكتور... المريضة عدها ضعف بعضلة القلب بسبب الانهيار العصبي الي تعرضتله مما ادى الى اختلال بعض الوظائف وضيق التنفس إلي ادى إلى الاغماء.. كذالك حاليا ضغطها هابط والحمدلله لحكتوها..راح ترقد هنا كم يوم لغرض العلاج مدام ضعف عضلة القلب عدها مبتدئ ومن النوع الاول وما متضخم بعده..
أنت تقرأ
طريق إلى النار
Fiksi Umumمزيج من الألم لحكاية تروي لنا كيف هي مصائب الدنيا وكيف يُقسم الله الأقدار فَمنا من يكون نصيبه الفراق ومنا من يبقى تحت الاختبار حتى يتفوق فيه.. رواية #طريق_الى_النار تحكي عن فتاة في عمر الأحلام رأت اختها تحترق امامها.. وحينها تكتشف حب كان مخبأ في...
