رواية #طريق_إلى_النار
//بقلم.. نرجــس صــادق //
خالد... ع الباب اتاني اشكثر ع الباب
عودو علي عودو يغياب
ريم... حسره وبالكلب كل يوم تتكسر
الدمع رايدله حيل وانه مااكدر
ـــــــــــــــــــــــــــــــــــــــــــــــــــــــــــــــ
علاء...
اتصلت على عباس واني احس نفسي ضايع.. شنو اسوي والله لعبت نفسي من حياتي.. كوتله يجيني..
وصلت للاستيديو نزلت ودخلت جوة... واني انتظر عباس يجي..
دخلت عليه بنية صغيرة بالعمر وحسيتها خايفة..
علاء... تفضلي
نورس... انت هم تعرف تركب فيديو فتوشوب
علاء... امممم ليش واي نوع فوتوشوب قصدج
نورس.. عندي صورة بنية واريدك تركبها على فيديو
علاء... ليش وشبيها هذي البنية
نورس... انت بس اشتغلها فدوة وشكد متريد انطيك لأن سمعت هذا الاستيديو كولش زين
علاء... لازم اعرف اسباب طلبج يله اكدر اشتغل
نورس... هذي بنت صديقتي ورطتني بشغلة وهسة تهددني فاني اريد اسوي هذا الفيديو حتى تجفيني شرها
علاء... ليش تورطين نفسج هيج ليش ما تقدمين شكوى عليها
نورس... لا لان راح تحجي كولشي لاهلي ويذبحوني
علاء... انتي متورطة ويه ولد
نورس... لا شنو هالحجي
علاء... مبين ميحتاج تنكرين
نورس... اي صح فدوه ساعدني
علاء... شوفي اني ما اسوي هيج انواع فيديو مو ما اعرف لا اني اعرف هيج شغل بس مستحيل اسوي... بس انصحج حاولي تتوصلين لجهاز الولد الي متورطة وياا واني راح اساعدج.
نورس... يعني إذا جبتلك جهازة شراح تسوي
علاء... جيبي واني راح احذف كل صورح وفيديواتج منه
طلعت البنية وحسيتها تجذب وعدها غاية بالفيديو الي طلبته.. شوية واجاني عباس وهو ضايج كولش..
علاء... خير الحبيب
عباس... بالريش
علاء... اممم ويه الوالد
عباس... اي ماكو غيره
علاء... يا اخي على شنو يضغط عليك
عباس... على بنت اخوو والا اني اخذها
علاء... خلي صالح ياخذها
عباس... ميقبل إلا اني اخذها
علاء... اكعد ويه بنت عمك وحاجيها انه انت متريدها وما مفكر بالزواج
عباس... حاجيتها وهي كامت تبجي عبالك عدنه فاتحة
علاء... يعني هي تريدك
عباس... اي خرب حظي واني ما اطيق اباوعلها
علاء... إذا انت مرافق سحورة تباوع على بنت عمك بعد
عباس... نجب انت تريد تكحلها عميتها
علاء... زين ليش ما تتقبلها وتاخذها
عباس... لا بارك الله بيك عبالي حل بي حظ
علاء... لعد شاسوي يخوي سالفتك ما تسولف
ضلينه نسولف وعباس ضايج وماله خلك لكولشي.. حجيتله على صار وياية وكلي..
عباس... عوفها عليه اني اجيبلك معلومات عنها
علاء... بس بسرعه حب
عباس... ماشي
علاء... اني اليوم جاي على والدك بلكت يقتنع
عباس.. ياريت والله لعب نفسي واني كولشي ولا اعصي أمر ابوي بس هالمرة طكت روحي.
علاء... ان شاء الله تدلل
كملت شغلي ورجعت للبيت.. دخلت جوة البيت هدوء، رحت لغرفتي لكيت ودق نايمة.. تقربت يمها واني حاس ودق مريضة مو من عوايدها تنام هيج وكت.. ووجها أصفر..
قررت خلاص باجر اصالحها حتى إذا ما اعتذرت أخاف يصير بيها شي..
رحت للمطبخ ولكيتها ما مسوية غده... عرفتها تسوي عناد بيه.. طلعت ورحت لبيت فاطمة..
دكيت الباب وطلعلي زوجها ورحب بيه... وفاطمة اجتي وزوجها طلع..
فاطمة.. حبيبي شلونك
علاء... الحمدلله مشتاقلج انتي شلونج شخبارج
فاطمة... الحمدلله بخير بشوفتك
علاء... اخييج جوعان كومي خليلي غده
فاطمة... سودة عليه حبيبي ليش جوعان
علاء... واالله اجيت من الاستيديو كبل عليج وما رحت للبيت رغم ودق خابرتني وكلتلي مسوية غده بس كوتلها اتغده يمج لأن كولش مشتاقلج (كفووو أبو موسى ما ينطي بمرته العوبه)
فاطمة... اي هلا بيك اجيت بوقتك احنه لسه ما متغدين
كعدنا سوة تغدينا وضليت اسولف اني وزوجها وشوية وترخصت ورحت للاستيديو مباشرة...
إيمان...
بعد مرور اسبوع وشيماء راحت هي والغثيث وبقينه اني والكوبرا سرى...
طول الوقت وهي تتربص تريد تدخل يم خالد واني منتظرتها ت
أنت تقرأ
طريق إلى النار
Ficción Generalمزيج من الألم لحكاية تروي لنا كيف هي مصائب الدنيا وكيف يُقسم الله الأقدار فَمنا من يكون نصيبه الفراق ومنا من يبقى تحت الاختبار حتى يتفوق فيه.. رواية #طريق_الى_النار تحكي عن فتاة في عمر الأحلام رأت اختها تحترق امامها.. وحينها تكتشف حب كان مخبأ في...
