رواية #طريق_إلى_النار
//بقلم.. نرجــس صــادق //
خالد...
أحاول وبمحاولتي نهاية قصتچ وقصتي
تسأليني ع جروحي وسبب كل الجروح أنتي
ريم....
واعدتني وكتلي اعود وكلشي رد
خوفي
حسرتي
الحيرة
الظنون
العذاب
كلها ردت الا انت
شما اصد لدربك الكه الصورة تتحول ضباب
شما ركضت لنهرك ارجع مكتشف نهرك سراب...
ـــــــــــــــــــــــــــــــــــــــــــــــــــــــــــــــ
ودق...
اخذنا علاء اني وماما وطلع وضل ستار مربوط واديه تنزف دم واني ما اعرف وين ماخذنا علاء...
وكفت السيارة كبال بيت فاطمة اخت علاء.. نزل علاء ونزلنا بعده..
دك الباب علاء وطلعت فاطمة...
علاء...شلونج فطومة
فاطمة...هلا بيك حبيبي تعالو تفضلوا ليش واكفين بالباب
دخلنا جوة واني كولش ضايجة وكلبي يرجف مثل الي راح يصير شي..رحبت بينه وهي وحدها بالبيت لأن زوجها عسكري..
علاء جانت العصبية مسيطرة علي وكللها...
ـ تعرفين بالي سوو اهلج موو
ـ اي ماما خابرتني وكلتلي اخابرك واخليك تجي يمي لأن هي متندمة
ـ مراح يفيد الندم ولا راح يرجع دموع مرتي الي بجتهن بسبب سوايتهم.
ـ ما رضيت عليهم صدكني
ـ المهم عمتي ومرتي امانة يمج يومين وانتقل بيت وحدنا.
ـ بعيوني اخليهم أن شاء الله
كام علاء وكلي اجي ورا...كمت اني ورحت ورا..وكف ووصاني..
ـ ديري بالج على نفسج وعلى امج ولا تخافين يومين واجي اخذكم.
ـ وين رايح وين راح تبقى
ـ لا تهتميلي ابقى بأي مكان اني
ـ شلون ما اهتم فدوة علاء ابقى هنا
ـ لا حبيبتي هذا بيت اختي مو بيتي ما اكدر ابقى هنا.
ـ فدوة لا تطلع ستار مراح يسكت
ـ خلي يولي هالجبان شيريد يسوي مثلاً
ـ لا تعوفني علاء ابوس ايدك
ـ انت ليش تعرضيلي وبعدين اكثر من مرة اكولج لا تبجين ما اريد دموعج تنزل
ـ لعد ابقى هنا ولا تطلع
ـ حبيبتي ودق لا تعرضين وديري بالج على نفسج تمام
ـ ماشي بس مو تتاخر
ـ ان شاءالله
طلع واني كلبي يرجف وحسيت خلاص اكو شي راح يصير حتى نفسي ازداد... ما اعرف شاسوي اريد اطلع ورا واكوله ارجع وشي مانعني.. رجعت جوة يم ماما واني بالي يمه وكلبي يردد..ياربي احمي واحفظه.
في الاستيديو..
علاء...بعد ما طلعت من بيت اختي وودعت ودق رجعت للاستيديو وكعدت اشتغل جلسات تصوير..تذكرت عباس زعلان مني واني حيل مشتاقلة..اخذت موبايلي اتصلت علي..ميجاوب، عرفته زعلان..
طلعت وصعدت بالسيارة وبوجهي لبيت عباس...نزلت ودكيت الباب.. طلعلي حسين اخوو..
ـ شلونك حبيبي حسوني
ـ هلا بيك حبيبي تعال تفضل
ـ لا والله مستعجل بس صيحلي عباس
ـ اي هسة اصيحه.
شويه وطلعلي عباس ووجها ميتفسر..
عباس... شتريد
علاء... اكو واحد يكول لاخو شتريد
عباس... مو كتلك ما اريد اشوفك
علاء... ها ولك شو انت مسويها صدك
عباس... بكدك واجذب عليج
علاء... امشي وياي حبيبي خلي اشرحلك واحكم
عباس... ما اروح
علاء... امشي لا اخذك سحل والله
أنت تقرأ
طريق إلى النار
General Fictionمزيج من الألم لحكاية تروي لنا كيف هي مصائب الدنيا وكيف يُقسم الله الأقدار فَمنا من يكون نصيبه الفراق ومنا من يبقى تحت الاختبار حتى يتفوق فيه.. رواية #طريق_الى_النار تحكي عن فتاة في عمر الأحلام رأت اختها تحترق امامها.. وحينها تكتشف حب كان مخبأ في...
