رواية #طريق_إلى_النار
//بقلم.. نرجــس صــادق //
خالد...
ليليّة الوجع يلتف على ضلوعي
وافك باب الصور
وتطيح منها طيور...
ليليّة الوطن يتسودن براسي
ليليّة بخلگ نجمة
بوجه شبّاچ اتانيكم
وارد وجه الصبح مكسور
ريم...
من فراك وجهك ذاك انام ودمعتي بگدي
واكولن أخ لو موجود وبسدّي
وانت اهناك
وانه عايش حلم مفتوگ كلشي تبده من عندي
وانت اهناك
واركض رگضة الفرجال وارد منين ما ابدي !
ـــــــــــــــــــــــــــــــــــــــــــــــــــــــــــــــ
بعد مرور شهر..
ودق..بعد ما طلع علاء من المستشفى وانتقلنا من بيت اخته لبيت عباس وعلاء تحسنت حالته ورجعلنا سالم والحمدلله... انتقلنا بيت وحدنا اني وماما وعلاء واستقرينا وصار شهر على انتقالنا بالبيت والوضع هادئ والحمدلله اني وعلاء حياتنا مستقرة..
بيوم من الأيام رجع علاء من الشغل واني ما سويت غده لأنه تعبانة ونايمة وجسمي متكسر...
دخل علاء للبيت وهو يصيح...
علاء...ودق حبيبي وينج
ودق...تعال حياتي هنا بالغرفة
علاء...يمه حبيبي مشتاقلج
ودق...علاء مدري شبيه اليوم كولش تعبانة
تقرب يمي وحظني وهو يسحب بخصلات شعري..
علاء...شنو الي يوجعج حبيبتي
ودق...ما اعرف دايخة واتقيئ
علاء...كومي اخذج للمستشفى
ودق... لا حبيبي هسه تجي ماما وتسوي غده اني ما سويت لأن تعبانه
علاء... عوفي الغده وبعدين اني مو كلت عمتي ممنوع تشتغل بعد
ودق... فدوة علاء حاجيها متقبل وهي كبرت وتعبت وما ترضى تعوف الشغل
علاء... اني رايح اجيبها بسرعة وبعد ممنوع طلعة
ودق... اروح وياك حبيبي
علاء... حبي انتي تعبانه شويه وارجع لا تتحركين
طلع علاء وراح يجيب ماما واني كمت انتجي على الحايط وما حسيت غير كمت اكلب على راسي... واتقيأ
اني من الصبح لحد الان مماكلة ومعدتي فارغة ليش داتقيأ ما اعرف.
شوية ورجع علاء وماما وجايب ويا غده جاهز.. اجاني علاء وسندني
تقرب يمي وكفخني عطره واني تخبلت ركضت للحمام واني اتقيأ.. اجه علاء يركض واني صرخت...
ـ علاء دخيلك لا تتقرب يمي تلعب نفسي منك
ـ شبيج ولج اول تالي تلعب نفسج مني
ـ اي ما اعرف شبيه ابتعد عني
طلعت واني امشي على كيفي واجتي ماما تركض على صوتي... باوعتلي وصفنت عليه..
ام ستار... يمه شبيج
ودق... ماما ما اعرف بس دايخة ولعبانة نفسي من ريحه علاء
كملت كلامي وامي طكتها هلهولة... صفنت عليها وعلاء يباوعلها مصدوم...
علاء... عمة دكولج مريضه وتكرهني وانتي تهلهلين
ام ستار... يمه المرة من تحبل دكوم تكره ريحة الرجال واني متاكده ودق حامل.
علاء... شنوووو عمة صدوك تحجين.
ام ستار...اي يمه النسوان بعضهن من يتوحمن يكرهن الرجال وهذي
ودق... ماما وانتي شمدريج
ام ستار... يمه شبيج اكو وحدة ما تعرف بنفسها حامل.
ودق... شمعرفني
ام ستار... يمه المرة عدها إشارة إذا غابت تعرف بنفسها حامل.
ودق... واني اكعد اراقبها شمدريني
ام ستار... يااا لعد انتي مو من النسوان خايب امده حظك يعلاء على هذي المرة هههههههه
علاء.... هههههههههه هسه ودق تنفجر عليج
امشي خلي ناخذها المستشفى والعصر للدكتورة.
أنت تقرأ
طريق إلى النار
General Fictionمزيج من الألم لحكاية تروي لنا كيف هي مصائب الدنيا وكيف يُقسم الله الأقدار فَمنا من يكون نصيبه الفراق ومنا من يبقى تحت الاختبار حتى يتفوق فيه.. رواية #طريق_الى_النار تحكي عن فتاة في عمر الأحلام رأت اختها تحترق امامها.. وحينها تكتشف حب كان مخبأ في...
