رواية #طريق_إلى_النار
//بقلم.. نرجــس صــادق //
خالد.. جذاب ملكه الفرح جذاب
مكاود مدارس حده للباب
ريم... نشاز الكايد ايدك شفته من إبعيد
لطمة حمة يم شفه
ـــــــــــــــــــــــــــــــــــــــــــــــــــــــــــــــ
إيمان...
صار الليل واني وسرى وشيماء كاعدين بغرفتي ونسولف.. تذكرت خالد هسة كعد، كمت ورحت لغرفته.. لكيته كاعد..
تقربت يمه وهو باوعلي وكلي...
خالد... جوعان
إيمان... يروحي هسة اسويلك اكل
خالد.. جيبيلي ملابس وخلي مصطفى يجيني
إيمان... تدلل حبيبي هسة اصيحه
طلعت واني رايحة للصالة.. دخلت وشفت مصطفى متمدد على التخم وهو يكلب بموبايله... تقربت يمه وكوتله...
إيمان... احم احم العفو خالد يريد يغير ملابسه ويريدك
مصطفى.. ماشي رايح
كام واني اجيت امشي.. صاح وراية... باوعتله واني مرتبكة.. تقرب يمي وهمس..
مصطفى.. عطرج قوي كولش بدلي
إيمان... هذا الشي خاص بيه وعلى اي اساس ابدله وبشنو ضارك عطري
مصطفى...عطرج يدوخ هم لازم تحترمين ودكولين وياي ولد بالبيت
إيمان...هم نزل وهم يدبج على السطح مدكول لنفسك انه انت كاعد بيتي فلازم انت الي تتبع هذي القوانين.
مصطفى...لسانج احترمي ولو ما كاعد بيتكم جان كصيت لسانج الطويل هذا
إيمان...عشتو اني اخوي مضاربني لليوم تجي انت تريد تكص لساني
مصطفى...قليلة أدب
عافني وراح واني نار وشبت بين ضلوعي اريد اذبحه...اكره واحد يحاجيني هيج الكل يكولي مغرورة بس اني مو مغرورة بس لان مدللة واشوف حب خالد الي صرت اكره كل واحد يستفزني...
رجعت يم البنات واني ضايجة..اتمنى اللزم هذا الي اسمه مصطفى واطيح حظه..
شافتني شيماء واستغربت..حاولت تعرف شكو بس ما كوتلها.
مر يومين واني احاول ما اللتقي بوجه هذا مصطفى وكلما يطلع كبالي اختفي...
وبيوم كاعدين كلنا سوة بس مصطفى ما موجود ودنسولف وسرى ترخصت وراحت..تجاهلتها ما حبيت اكوم وراها..
تقربت يمي شيماء وكلتلي..
شيماء..إيمان لشوكت تبقين بدون زواج عمرج 22 سنة
إيمان...ما اريد اتزوج واعوف خالد
شيماء...تبقين العمر كله يم خالد اريدج تتزوجين حتى ازوج خالد وارتاح بلكت ينسى شويه
إيمان...ما اريد اتزوج شبيج اريد ابقى يم اخوي
شيماء...نجبي وشيلي هالفكرة من راسج بس وافقي والعريس يمي.
إيمان...منو هذا تعيس الحظ
شيماء...الي مطينة عيشته بسوالفج ومواقفج ويا
إيمان...منو ولج
شيماء...لا عبالج مصطفى مسولفلي على كلامج ويا وصراحة عيب ايمان الولد خير زايد منه يجي يساعدنه باخونه وذاك اخوج عايف خواته واخوو المريض ونايم يم مرته.
ايمان... وشنو يعني واذا كلج يستاهل يريد يتحكم بيه وهو كاعد بيتي
شيماء...نجبي كبر تره الولد نظراته واضحة ولان ابن أصل كلشي جاي يصير يجي يكولي وهو كلي الولد شاريج ويريد يتقدملج بس منتظر خالد يكوم بالسلامة
ايمان...شنوووو هذا معجب بيه ويريد يتقدملي، عشتو لو يموت
شيماء...ليش شبي الولد وإذا تزوجتوا تكعدين يمي بالبيت.
ايمان... مغرور ومتعجرف لو يبقى بس هو.
شيماء...منو كلج مغرور انتي متعرفينه والله ماكو مثله وردة مال الله حتى احسن من باقي اخوته.
ايمان...شيماء تعرفيني ما احب واحد يتحكم ويفرض شي عليه فرض
شيماء... لعد شتردين هاي احنه لان بنات بغداد وبنات دلال هيج دكولين اني مثلج أول ما تزوجت وجان زوجي يغار غيرة موت واني انزعج من غيرته واتخبل ومشاكل كل الوقت بس بعدين فهمت احلى شي بالرجال غيرته.
ايمان...ما اريد اني سمعت اهل الجنوب معقدين.
شيماء...انتي منو زارع براسج هالافكار
ايمان...محد
شيماء...رجعي لعلقج وفكري صح وين تلكين ناس زينين مثل عيالي والله ما شفت مثلهم والنسوان كلها تشكي من عيالها.
أنت تقرأ
طريق إلى النار
Genel Kurguمزيج من الألم لحكاية تروي لنا كيف هي مصائب الدنيا وكيف يُقسم الله الأقدار فَمنا من يكون نصيبه الفراق ومنا من يبقى تحت الاختبار حتى يتفوق فيه.. رواية #طريق_الى_النار تحكي عن فتاة في عمر الأحلام رأت اختها تحترق امامها.. وحينها تكتشف حب كان مخبأ في...
