رواية #طريق_إلى_النار
//بقلم.. نرجــس صــادق //
خالد...تصدك ما تصدك بقت يمك هاي
رايح بس بعدني اشتاكلك صدك
وبعدني اتخيل جفوفك ببابي ادك
وبعدني ومن يمر اسمك بذاك الصوب
اظل اتلفت الحد ما ركبتي اطك
ريم...ستثكلوني هدوم موته
وكلها رادت مني تخلص
ـــــــــــــــــــــــــــــــــــــــــــــــــــــــــــــــ
ايمان...
بعد ما خلصت الحفلة وصار وقت الزفة..شيماء حضرت غراضي ورواء حضرت نفسها تروح وياية..واني اديه ترجف والخوف ملكني وسيطر عليه..ما اعرف ليش اجه خالد على بالي...اخذت موبايلي واتصلت علي...مغلق
اجتي رواء وكومتني وجان باسم منتظرنه بالباب حتى ارجع لبيت اهلي...لأن خالد ميقبل تطلع الزفة إلا من بيتنه ويكولي متطلعين الا من بيت ابوج....
اخذنه باسم ورجعنا لبيتنا...وصلنا ونزلتني رواء جانت الطرحة على راسي ومغطيني وما اشوف شي..حسيت ايد لزمتني من الجهة الثانية...شعوري بداخلي يكولي هذا خالد...
دخلوني جوة ورفعت الطرحة وصار بوجهي خالد...كعد بصفي وحضني واني ابجي وهو يبجي جانت اسوء لحظة بحياتي واصعب لحظة... جان يبوسني براسي وهو يكولي...
خالد...منو الي غيرج
ايمان...فدوة ما اريد اتزوج وخليني يمك
خالد...لا يروحي صار وقت تكونين عائلة وتستقرين
بقيت بحضن خالد والعالم كلها ملتمة علينه لحد ما سمعنه صوت السيارات بره...كام خالد وطلع واني احس روحي نسلبت ما اعرف شلون راح افاركه...
شوية وسمعت الصوت اقترب غطتني شيماء واني خوفي زاد وروحي نرعبت وكانه اقترب موتي... صار الصوت قريب وامه تهوس ودخل مصطفى وكعد يمي...
كامت تهوس امه وخواته يهوسن وياها... شوية وكالوا يله اخذها... اجه خالد وصار كبالي... رفعت راسي وباوعتله ونزلت دمعتي...
نزلن دموعه ومد ايده ولزم ايدي وخلاها بايد مصطفى وكله...
خالد... سلمتك زهرة من بيتي إذا بيوم زعلتها وبجيتها مراح اسامحك العمر كله وراح اخذ حق كل دمعة منك.
مصطفى... لا تخاف بعيوني اخليها
خالد... ماشي
راح جاب علبة جبيرة وفتحها وجانت تخم ذهب كامل باسمي اني.. الكلادة محفور عليها اسم ايمان وكلهن... طلع الكلادة ولبسنياها والباقي انطانياهم وباسني من راسي وكلي...
خالد... ارفعي راسي وعينج على بيتج وزوجج
حضنته واني اشهك... دوم يبقى راسك مرفوع ان شاء الله
ضلينه متحاضنين لحد ما كال عمي...
ابو فارس... يله بوية تأخرنا
بعدت عن حضنه وهو نزلن دموعه ومسحهن... لزمني مصطفى وحسيته عصر ايدي حيل... طلعت واني احس فقدت شي وخلاص انتهى..
صعدني بالسيارة وهو ضايج... استغربت ليش ضايج قبل شوية كلشي ما بي
صعد يمي وهو مغثوث... ندسته وكوتله...
ايمان... شبيك
مصطفى... لو باقية حاضنة خالد احسن
ايمان... مصطفى خالد اخوي
مصطفى... اي اعرف بس اني اغار اريد بس اني احضنج
ابتسملي وهو يغمزلي... دنكت وحسيت نفسي توترت... الطريق كله وهو يحجي وياي على حياتنا الجديدة.
أنت تقرأ
طريق إلى النار
General Fictionمزيج من الألم لحكاية تروي لنا كيف هي مصائب الدنيا وكيف يُقسم الله الأقدار فَمنا من يكون نصيبه الفراق ومنا من يبقى تحت الاختبار حتى يتفوق فيه.. رواية #طريق_الى_النار تحكي عن فتاة في عمر الأحلام رأت اختها تحترق امامها.. وحينها تكتشف حب كان مخبأ في...
