رواية #طريق_إلى_النار
//بقلم.. نرجــس صــادق //
خالد... ياهو وياك؟
منو غثك؟
منو حاچاك ؟
أموت انـه امن اشوفن فّيِ ورد وازاك
ريم... 🌸🎬
امــس ضاگ الحچـــي وبــ الدمـع عاتبــتك
امــس غنيــتلك بــ الـــروح
بــس بــ الچــذب ما ردتك
امـــس عفتـــك ومــا عفتــك
ـــــــــــــــــــــــــــــــــــــــــــــــــــــــــــــــ
ريم......
صار يوم زواج وسام وحوراء واني حسيت نفسي مختنكة مثل الي ما الي دور بالحياة وجودي من عدمه واحد..نفسي ضاق ودموعي نزلت وما اعرف هذي دموع اشتياقي لخالد لو قهري على زواج وسام...
حاولت استجمع قوتي واطلع وما ابين انكساري لاحد..طلعت وبدت التحضيرات والبنات اخذو العروس للصالون واني ساعدت خالتي بالشغل ورجعت لغرفتي...
مرت الساعات واني بالغرفة وما حبيت أطلع ولا اريد اشوف الشفقة بعيون الكل...اريد عذر حتى اصرخ بداخلي صرخة والم..ثواني ودخل وسام اخذ ملابسه وطلع...
واني عرفت رايح لغرفته الثانية حتى يحضر نفسه وحتى ما باوعلي...بجيت بحركة وتمنيت لو أكدر امنع كل هذا محد يحس بعذابي.
بعد ساعة البيت هدأ وبس اسمع اصوات قليلة...اعتقد طلعت الزفة والكل راح وياهم...طلعت بره ولكيت بس الحجية كاعدة ويمها هم مرة جبيرة بعمرها...شافتني الحجية وصاحتلي اجي اكعد يمها...
رحت كعدت بصفها وذيج الحجية سألتني..
ـ شبيج يمه شو صفيرة ومبينة باجية منو وياج
ـ لا حجية ما بيه شي
كامت بيبية وسام لغرفتها وصاحتني اروح وراها...كمت ورحت وراها وهي كعدت على جربايتها وكلتلي..
الحجية...ريم يمه احجيلي شنو قصتج وليش اشوفج حزينة والي اعرفه لازم تفرحين وسام انتي ما تردينه واني زوجته وبعدته عنج واني ادري بي يحبج.
ريم... لا ماكو شي حجية
الحجية...شوفي يمه احسبيني امج صح اني بيبيته لوسام بس احجي ليش دوم عيونج مورمة من البجي.
ريم...حجية اني نجبرت على وسام وما اكدر اتقبله ومو سهلة عليه اعيش هيج
الحجية...تردين تتطلكين منه
ريم...لا ما اكدر لأن اخوي يذبحني
الحجية...وشناوية تسوين
ريم...مثل ما تشوفين حجية ماكو حل غير اقبل بالواقع
الحجية...ما يهون عليه اشوفج هيج
ريم...حسيت بيج حنية امي
دنكت راسي وبجيت وحضنتني وكلتلي...
الحجية...اني امج حبيبتي اي شي تردينه تجين دكليلي خوش
ريم...ان شاءالله
طلعت الحجية وطلعت وراها وبعد ساعتين سمعت اصوات وهوسة عرفت اجت الزفة... رجعت لغرفتي وقفلت الباب وروحي اشتعلت نار....ليش ربي اني شنو ذنبي مالي نصيب من السعادة بشنو افرق عن غيري.
نزلت دموعي واحس النار اشتعلت بضلوعي وروحي تريد تطلع...جنت اريد حجة حتى اصرخ واصيح واطلع كل هالالم الي جاي ياكل بيه...صرخت بكل صوتي ولطمت وبجيت واني اضرب عل صدري واريد النار تطفى...ندكت باب الغرفة وسمعت صوت وسام وهو يصيح...
ـ ريم افتحي الباب شبيج
أنت تقرأ
طريق إلى النار
Genel Kurguمزيج من الألم لحكاية تروي لنا كيف هي مصائب الدنيا وكيف يُقسم الله الأقدار فَمنا من يكون نصيبه الفراق ومنا من يبقى تحت الاختبار حتى يتفوق فيه.. رواية #طريق_الى_النار تحكي عن فتاة في عمر الأحلام رأت اختها تحترق امامها.. وحينها تكتشف حب كان مخبأ في...
