طريق إلى النار

بارت 32

رواية #طريق_إلى_النار
//بقلم.. نرجــس صــادق //

علاء... شوفي تاه بقوس خصرج
استجني عيوني وأهدي

ودق.. نذر لعيونك
عيوني
وحنيني وكل بگايا الروح
ـــــــــــــــــــــــــــــــــــــــــــــــــــــــــــــــ
ام ستار... يمه ليش كمتي
ريم.. ما بيه شي ماما بس خفت عليج من هذا العار
ام ستار... يمه عباس الله يوفقه خوش ربا وادبه
ريم.. اي والله عاشت اديه بس خاف ستار يأذي
أم ستار... اني هم خايفة علي اخوج عار ويسويها..

دخلنا جوة اني وماما وريم وقفلنا الباب علينا.. خاف يجي ستار وبابا.
مرت ثواني ودخل بابا يصيح...
جمال... ك***** اليوم ادفنجن ادبسزيات تفزعن الغريب على اخوجن.

ماما كمزت تريد تطلع تحاجي.. لزمتها اني...
ودق.. ماما الله يخليج عوفي خلي يولي والله ميستاهل تجاوبي.
ام ستار... اريد اطلع اربيهم والله ما ارتاح إذا ما انومهم بالسجن.
ودق.. ماما الله يخليج لخاطري عوفيهم.

ضل بابا يصيح ويغلط ويكفر واحنه كاعدين بالغرفة ما فتحناها أبداً.. بعد ساعة هدأ البيت وماما تمددت على فراشها ونامت..

بقينا اني وريم كاعدات.. صفنت على حضي..باجر عرسي بس ما تهنيت مثل البنات... الوحدة الغيري هسة فرحانة وداير مدايرها صديقاتها وخواتها بس اني الي احس نفسي وحيدة ومحد حتى متذكر عرسي... اوف يمكن ما مكتوبلي الفرح...

ريم.. ودق حبي نامي انتي عروس حتى باجر دكعدين من الصبخ ناخذج للصالون.
ودق.. فاطمة كالت اني اجي اخذج ترحين وياية انتي اني استحي منها.
ريم.. لا حبيبتي عيب هي اخت العريس من حقها تروح بدالي
ودق.. انتي هم روحي ويانه
ريم.. لا حبي منو يبقى يم ماما نرتب البيت ونظفه
ودق.. اوف حتى صديقات ما عندي
ريم.. اني اختج وصديقتج وكولشي باللنسبة الج لا تضوجين حبي
ودق.. حبيبتي الله لا يحرمني منج
ريم.. لا تضوجين وافرحي مدام انتي وعلاء واحد يحب الثاني لا تهتمين لشي أبد
ودق.. أن شآءالله

خليت راسي على المخدة واحس الخوف من باجر بده يتملكني.. اوف ما اعرف بس احس متوترة وخايفة من هسة.. بعد فترة من التفكير كدرت انام.

كعدت الصبح على صوت ماما وهي دكولي...
أم ستار.. يمه ودق حبيبتي كومي غسلي وتريكي راح تجي البنية تاخذج.
ودق.. اي ماما كايمة..

كمت واني اشوف ماما وريم ينظفن بالبيت ويركضن عبالك بعد ساعة زفتي..
غسلت ورجعت لكيت ريم حبيبتي محضرتلي الريوك..اكلت ورحت بدلت ملابسي..
بعد نص ساعة اجتي فاطمة وهي فرحانة وبس تريد تركص..ضحكت على حماسها وهي تمشي وتركص..
ودق.. ولج شبيج راح اموت ضحك
فاطمة...حبيبي اضحكي اضحكي انتي مرت الغالي
ودق.. حياتي تسلمين
فاطمة.. ولج يوم السبعة الا اللعب جولة.
ودق.. هههههه ان شاءالله