رواية #طريق_إلى_النار
//بقلم.. نرجــس صــادق //
خالد... الليل يبدي وأبدي أدور الشَگگتهن
حتى چلماته التغثني أستاحشتهن !
ريم... ع الباب اتاني اشكثر ع الباب
عودو علي عودو يغياب
ـــــــــــــــــــــــــــــــــــــــــــــــــــــــــــــــ
إيمان...
بعد اسبوع وخالد تناقش ويه فاضل وعمامي وانطو موافقتهم واني فرحانة كولش وخالد اتصل على عيال شيماء وانطاهم الجواب...
وشيماء بدت تحضر للمشية الي متفقين عليها اليوم العصر... شيماء حايرة شنقدم بس تفاجئنا بخالد موصي على ضيافة مصايرة...
جان احلى كلمات سمعتهن منه...
خالد... متطلعين منا إلا وانتي مرفوع راسج والكل يحترمج
إيمان... الله يحفظك الي حبيبي
صار العصر واني متلهفة اشوف مصطفى... الكل اجو علينه.. خالتي تخزر بيه وسرى تتلزك بخالد.. وعلا الحية الثانية تذب حجي..
سمعنا اصوات السيارات ودخلو زلم كبار معكلين وبعدهم دخلوا زلم لابسين قوط ودخلوا كومة شباب ودخل وياهم مصطفى وهو لابس زي عربي وطالع يجنن...
حديقتنا نترست ترس وخلوا بالساحة كراسي همين جان العدد كلش هواية...
كملوا كلامهم وقروا الفاتحة وبعدها بدو بتقديم الضيافة جان خالد متكفل بيها وتعجبت على طريقة التقديم والضيافة جانت فخمة كولش واول مرة اشوف ضيافة.
سمعت علا وسرى يدردمن وراي... وشيماء ورواء ذب بسامير خلنهن يتكامزن...
شيماء... اي وآلله وتستاهل امونة حبيبتي شنو هالضيافة والتقديم والمشية... فدوة لطولج يلوك لبنت الدلال احسن من بعض الناس طلعوا من الفكر وصار براسهم حظ.
رواء... اي طبعاً شعدنه غيرها مدللة بيتنا والصغيرة نطلعها مرفوعة راس مو مثل ذولاك الناس.
كوة كاتمة ضحكتي وخواتي ما قصرن واشوف سرى وعلا يترادمن وحدة بالثانية.
كملت المشية والعالم راحت وبقوا بس عمامي وخوالي وخالد وفاضل...
دخل علينه خالد وهو يفتحلي اديه... رحت لحضنه وهو يكولي...
خالد... مبروك يبعد اخوج
إيمان... الله يبارك بيك يروحي
خالد... راضية حبيبتي
إيمان... أكيد بوجودك بكولشي راضية
خالد... خوش اريدج ترحين وتسلمين على فاضل وتنهين هذا الخلاف
إيمان... بس هو ميحجي وياي
خالد... معليج اني حاجيته وهو متندم
أيمان... ماشي
رحت لكيت فاضل كاعد بالاستقبال... دخلت ووكفت كباله وهو باوعلي والدمعة بطرف عينه هو حنين بس مرته حية وهو يحبها..
إيمان... اسفة فاضل عمري ما كرهتك ولا شلت حقد عليك بس انت اذيتني
فاضل... حقج عليه يبعد اخوج
كام حضني وباس راسي وهو يكولي..
فاضل... انتي هم سامحيني حبيبتي اني نسيت انتي امانة ابوي وامي واخر وصية وصه بيها ابوي هي انتي وكال..
ـ إيمان الي يأذيها معناها مأذيني
السموحة بوية حبيبتي جان المفروض اصير ابوو الج بس أذيتج وتندمت.
حضنته واني الفرحة مسايعتني واخيرا رجعت لمة اخوتي.
ودق...
الأيام تمر واني صارلي اسبوع اتقيأ وشاكة بنفسي حامل والامتحانات قربت واني ذبيت نفسي على الدراسة ما اريد يروح تعبي وتعب علاء على الفارغ...
ماما رجعت من يم ريم وهي ضايجة من ريم وحجتلي على السبب واني انطيت الحق لريم... لأن ريم مضلومة مثل ما وسام مضلوم.
باجر اول امتحان من امتحانات اخير السنة وجنت اقره وروحي مفرفحة لان اقره ومجاي اللحك...
جنت شايلة شعري وكاعدة واني مخبوصة والغرفة كلها دفاتر واقلام... جانت الساعة ب5 العصر..
دخل علاء وهو مخترع ويصيح..
علاء... نيوتن على كيفك شنو هاي شمسوية بالغرفة
ودق... يروحلي فدوة نيوتن اكبر اكتشافاته الجاذبية اما اني اكتشفت المغناطيس الأكثر جاذبية واللتصاق فوق الأرض.
علاء... اي حب اطربينه شنو هذا المغناطيس المكتشفته
ودق...عيونك حبيبي
علاء...استري على روحج جاي تتحارشين وانتي جاي تقرين
ودق...لا جذب بطلت كلشي ما اكتشفت
علاء....هههههههه جبانة
أنت تقرأ
طريق إلى النار
Fiksi Umumمزيج من الألم لحكاية تروي لنا كيف هي مصائب الدنيا وكيف يُقسم الله الأقدار فَمنا من يكون نصيبه الفراق ومنا من يبقى تحت الاختبار حتى يتفوق فيه.. رواية #طريق_الى_النار تحكي عن فتاة في عمر الأحلام رأت اختها تحترق امامها.. وحينها تكتشف حب كان مخبأ في...
