رواية #طريق_إلى_النار
//بقلم.. نرجــس صــادق //
خالد... زعلان بس يازعل
لمن ترد للصدگ گبل المناده اجي
وشلون جيه اجي
اركض ركض محترك
ريم... مُره ... مُره
والمرارة تزيد للما يلگة فيّ
وينتچي اعلة الشيب عمره
كون أذب ثوب الحزن وانة بشبابي
والحزن عالخد أسطره
ـــــــــــــــــــــــــــــــــــــــــــــــــــــــــــــــ
ايمان....
مر 4 اشهر على سفري اني وخالد وما اوصفلكم الحياة هنا صح صعبة لأن غربة بس حلوة لأن استقرار وخالد مو بس اخوية جان الي اب وام وصديق وكولشي...
فديوم جانت يمي نورهان...
نورهان... شنو رأيج نطلع سفرة اسبوع نفتر تركيا كلها
ايمان... حلوو عجبتني الفكرة
نورهان... خلي يرجون اوس وخالد ونكوللهم
ايمان... حلوو ان شاء الله
ضلينه نسولف سوية وشوية ترخصت وطلعت... كمت سويت غده وكعدت أكل لأن اعرف خالد ميجي يتغده..
بقيت اتصفح بموبايلي واني اتذكر امي وفاضل شكد ضلموني بس اشتاقيتلهم...
اجاني اتصال من رقم غريب..ما جاوبت رجع اتصل وما حبيت اجاوب..
للعصر رجع خالد وهو جايب عشه...اخذت الاكل منه ورحت حضرته بالمطبخ...رجعت واني شايلة الأكل لكيت خالد لازم جهازي ويكلب بي... كوتله...
إيمان...ليش لازم موبايلي شبيك أول تالي تفتش وراية
خالد...نجبي شنو افتش وراج انتي روحي واكو واحد ما يثق بروحه
إيمان...لعد ليش تكلب بجهازي بدون اذني حتى
خالد... اجاج اتصال وكمت اشوف منو المتصل نقطع الاتصال واجتج رسالة مكتوب عليها...إيمان جاوبي اني فاضل فردت اعرف منين جاب رقمج واخاف جذاب.
ايمان...فاضل شيريد مني وليش يتصل عليه بالضبط
خالد...ما اعرف خلي اتصل علي
اتصل خالد من جهازي على فاضل.. جاوبه...
خالد... الوو فاضل
فاضل...شلونك خالد
خالد...اهلاً شتريد
فاضل... خالد امي بين الحياة والموت وتريدكم والي تعبها فراكم
خالد...والي سوته بنتها
فاضل...مو وكت هذا الحجي خالد هذي امك ولك لا تصبر عاق
خالد...انب مو عاق بس انتو ضلمتوني وضلمتوا ايمان
فاضل...اني ضلمت إيمان وهسة عرفت خطأي
خالد...تمام راح نرجع ان شاءالله
غلق الاتصال خالد واني متفاجئة..سألته..
ايمان...شكو خالد ليش نرجع
خالد... امي مريضة ولازم نرجع
ايمان...صدوك تحجي خالد باجر نرجع حباب
خالد...ان شاءالله بس مو باجر
مر يومين حظرنا كل غراضنا وباجر نرجع للعراق واني كلبي يم امي ياربي ما عندي غيرها...
ومرت الساعات وطلعنا للمطار وبعد ساعات هبطنا بمطار بغداد واحنه كلوبنا نار على امي... كملنا كل الاجراءات واخذنا تكسي وبوجهنا للبيت... وصلنا هناك ودكينا الباب..فتح الباب فاضل وهو عيونه دم...حضن خالد وهو يبجي ويكوله...
فاضل...خالد امي بين الحياة والموت وماكو أمل لرجعتها حالتها كولش متدهورة.
أنت تقرأ
طريق إلى النار
Fiction généraleمزيج من الألم لحكاية تروي لنا كيف هي مصائب الدنيا وكيف يُقسم الله الأقدار فَمنا من يكون نصيبه الفراق ومنا من يبقى تحت الاختبار حتى يتفوق فيه.. رواية #طريق_الى_النار تحكي عن فتاة في عمر الأحلام رأت اختها تحترق امامها.. وحينها تكتشف حب كان مخبأ في...
