طريق إلى النار

بارت 23

رواية #طريق_الى_النار
//بقلم.. نرجــس صــادق //

خالد.. يالبعـادك خنجَر بحـدّيـن
وسنيني ذبيحـَه..
شلون يالشوگك جبل بالـرّوح
ياچِلمة التّزيحه؟

ريم..محد يعرفلهن واحجي عنهن
البيه هواي احس ماگدرلهن

ـــــــــــــــــــــــــــــــــــــــــــــــــــــــــــــــ
علاء.. شنو أنت شدتحجي شنو تزوجها.
عباس.. خايب نجب تعلمني بيك اعرفك عاشكها تره عيونك فاضحتك.

علاء.. ارتبكت بعد كلامه هذا معقولة عيوني فاضحتني..
ـ عباس مجاي اتشاقه وياك

عباس... وبكدك اني واتشاقه وياك حبيبي مبين تحبها تقدملها وفضنا حتى ما ياخذوها منك وتضل تنوح يمي وتالي تلحك ذاك العار واحير بيكم اني.

علاء... عباس شو انت تتجاوز وماخذ الوضع باستهزاء
عباس...عمي وداعت أمي ما مستهزء جاي اكولك تزوجها وخليها تكمل دراستها يمك وفضت خلصت وخلوني ارتاح من مصايبكم.
علاء.. غصبا عليك تتحملنا لعد انت بس بالاسم اخوو.
عباس.. الله يطيح حظ هيج خووه ولكم ما من وراكم بس المصايب.

علاء.. هسة نجب وشوفلي حل
عباس.. وصارلي ساعة شاللغي اني
علاء.. ما اقتنعت بحلك
عباس.. يطبك مرض اتزوجها اني واسويلك فضل
علاء.. نجب كبر لهالشكل أي والله أنت ما تستحي تحجيها كبالي.
عباس... ها مو كلنا عاشك،، قابل صدوك راح اتزوجها بس ردت اطلع العاشك الي بداخلك.
علاء.. وسم حتى سم،، غثيتني الله ياخذك
عباس.. وياخذك وياي نتونس اني وياك بالكبر.

علاء.. كوم لا بارك الله بيك
عباس.. فوكاها يعني،، ولكم خوتكم ما تنراد وعلي لا تتصل عليه دكولي تعال اريدك
علاء... نعال عليك وعلى هيج خوة
عباس.. ولك اتشاقه وياك عمي أنت طلعت مو بس عاشك وغركان همين بس كون حظك مو مثل حظ هذاك العار.
علاء... هو هذا الخايف ما اتحمل العذاب اني انتحر.
عباس.. اي واحد ينتحر والثاني سايب بالدول،، امده هيج زلم اي والله.
علاء.. والله خليتها ابالي اتقدملها واخليها تكمل دراسة يمي.
عباس.. لعد شكلنا يخوي
علاء.. بعدها صغيرة ما أكدر احملها مسؤؤلية زواج
عباس... والله خاف على نفسك انت الصغير،، ولك بنات هالوكت ماكو صغيرة عمرها 10 سنوات وعقلها مالت وحدها عمرها 50 سنة.
علاء.. ما اعرف والله افكر.
شويه وعباس ترخص وطلع..واني عقلي افتر بالافكار اريد الكه حل غير هذا الحل بس ماكو كلها مسدودة.
اوف ما اريد اللوث برائتها بالزواج واني اريد اكبرها على اديه واريد اخليها تكمل دراستها واعوضها عن كل الم شافته بحياتها..
واني افكر اجت على بالي فكرة.. اي خلي افاتح امها بموضوع الدراسة واشوف إذا لكيت حل خير على خير وإذا ملكيت خلاص اتقدملها واخليها تكبر كبال عيوني.

ودق.. بعد ما رجعت للبيت واني منتظرة ماما وكولش،ملل وحدي وماكو احد يمي... كعدت بالغرفة وسرحت بعالم الخيال إلي دائماً يواسيني..
..عقلي صار يتخيل طوله وهيبته وابتسامته واني دارسمه ابالي،، صحيت على نفسي..
معقولة اني احبه.. لا لا مستحيل اني بعدني صغيرة خلي ابتعد عن هالسوالف.. بس كلبي يريده وعقلي يفكر بي.
ـ اوف اني شبيه اريد اعيد معاناة ريم وبعدين هو منو يكول يحبني مستحيل يحبني واني بنت جمال السكير.
ضليت افكر وكل تفكيري علاء.. خايفة يكون ميحبني،، خلي المحله وإذا عرفته يحبني اكوله عن حبي..