رواية #طريق_إلى_النار
//بقلم.. نرجــس صــادق //
خالد... الشفه العطشت بطاريك بيها شچم فرات يعيش
ريم... مشيت وياك
متعوب ويحب متعوب
ـــــــــــــــــــــــــــــــــــــــــــــــــــــــــــــــ
إيمان......
بعد ما طلعت من بيت أهلي واني كلبي يم خالد وكل تفكيري بي وحتى ناسية مصطفى الي كاعد يمي...تقريباً بعد مرور 3 ساعات من الوقت وصلنا لبيت شيماء الي هو بيتنا اني ومصطفى...
نزل واجه فتحلي الباب ونزلني وهو يغطي بوجهي اختنكت واريد بس ادخل جوة.. جان اسمع صوت طلق ورمي واني ختلت بحضن مصطفى...
حضني وهو يضحك عليه...كلي...
مصطفى...حبيبتي اهدأي بعيد هذا الطلق
إيمان...فدوة دخلني بسرعة أخاف من الضرب
دخلني جوة وجان فارس يكولي....
فارس...اوكفي عروستنا
إيمان... ليش
فارس...حتى أذبح الطلي على رجلج
إيمان...لا فارس الله يخليك يععع أخاف لا تقربه مني
فارس....ههههههه لا تخافين شبيج ميت مياكلج
ذبح الطلي ومسح الدم برجلي واني لعبت نفسي اجيت اكلب على راسي...
دخلنا بالصالة وكعدت على التخم وكعد مصطفى يمي واجن النسوان يسلمن علي... وهو يكوللهن...
مصطفى... لحد يتقرب لمرتي سلمن عليها من بعيد
العمة... ليش عمة خاف نكرصها على كيفك عيني
مصطفى... لا عمة مريتي رقيقة ما تتحمل هاي الأجواء
عافتنا وراحت واني حسيت زعلت وجوهن نكلبت عليه شويه واجتي رواء كعدت يمي ومصطفى طلع بره للزلم...
بعد ساعتين خلوا العشه وكعدت الناس تاكل وإني ميته جوع شويه واجتي شيماء وجابتلي لفة وهي دكولي...
شيماء...اكلي لكمة خاف تموع روحج
رواء... اي امونة وراج شغل حبي ههههههه
إيمان... رواءءءء شبيج عيب
شيماء...ام العيب نوب انتي تعلمينه ههههههه
ضلن يصنفن عليه واني ميته خوف وحسيت بطني تلويني صار عندي مغص بطني وما كدرت اكملها اكلت لكمة وحدة وانطيتها لرواء...
رواء... ليش حبيبتي ما اكلتي
إيمان... ما اعرف صار عندي مغص وبطني توجعني
رواء... اسم الله حبيبتي هذا من الخوف لا تخافين شبيج
إيمان... مو بايدي رواء والله احس رجليه خيوط صارن
رواء... راح اجيبلج قران اقري شويه حتى ترتاحين حبي
إيمان... أي حبي بلكت ارتاح شويه واهدأ
بعد ساعة اجتي شيماء وكلتلي...
شيماء... يله حبي راح يدخلونه الولد
إيمان... وين
شيماء.... شنو وين لغرفتج حياتي
إيمان... فدوة اخاف ما اريد اروح
شيماء... ياااا ولج شبيج شنكول للولد مثلاً
إيمان...ولج احس راح افقد والله
شيماء...حياتي على كيفج اهدأي اقري قران شبيج حبيبتي
إيمان... ما اعرف
اخذتني هي ورواء للغرفة واني احس راح اوكع نفسي كامت تلعب... كعدت على الجرباية وشعور غريب كولش وما اعرف شنو سببه حاسه نفسي اكره مصطفى...
دقايق وسمعت صوت الهوسات والصوت يقترب من الغرفة... دخل ابوو ولازم ايد مصطفى ودخلن النسوان وياهم وهنة يهوسن ويركصن... شويه وكللهن عمي...
عمي... يله خلوهم ياخذون راحتهم
طلعوا كلهم واني بده الخوف ياكلني اكل بقت بس رواء وشيماء... رواء اجتي فتحتلي الطرحة ووخرتها وشيماء تحاجي مصطفى...
شيماء... مصطفى تره إيمان خايفة ديربالك عليها
مصطفى... ام ضرغام توصيني على روحي
شيماء... لا متحتاج توصية بس المهم وصلت الرسالة
مصطفى.... هههههههه ما ناوية تطلعين اصيح فارس يجي ياخذج وتعيدون ليلة عرسكم هسة.
شيماء.... هههههههه شبيك مستعجل جنك فارس بالضبط
رواء.... هههههه امشي خيه شيماء نطردنه من هسة
أنت تقرأ
طريق إلى النار
General Fictionمزيج من الألم لحكاية تروي لنا كيف هي مصائب الدنيا وكيف يُقسم الله الأقدار فَمنا من يكون نصيبه الفراق ومنا من يبقى تحت الاختبار حتى يتفوق فيه.. رواية #طريق_الى_النار تحكي عن فتاة في عمر الأحلام رأت اختها تحترق امامها.. وحينها تكتشف حب كان مخبأ في...
