طريق إلى النار

بارت 52

رواية #طريق_إلى_النار
//بقلم.. نرجــس صــادق //

خالد... ولا چنهن كواغـد بيهن وجوه
صوركم ياخذني لـ ذيچ الايام

ريــم... الهوء هذا اليمرني اتخيلك بي
حتى التقي وياك منين ما جيت
ـــــــــــــــــــــــــــــــــــــــــــــــــــــــــــــــ
إيمان...
رجعت لبيتنا وجانت شيماء هي وزوجها وحماها موجودين ورجعت اني ادخل لخالد بعد ما اعقم نفسي..
وكل شهر ناخذه للدكتور حتى نطمأن على صحته والحمدلله كل يوم جاي يتحسن..
بقت شيماء يمنه 15 يوم ورجعت لبيتها واجت بعدها رواء وبقينه هيج مثل الجدول تروح وحدة وتجي الثانيه وفاضل كل اسبوع يجي يشوفه ويروح..
بيوم جنا كاعدين بالصالة اني ورواء وكالت راح يجي زوجها ياخذها لأن عمو تمرض ولازم تروح وهي جنتهم الوحيدة..

اجه زوجها اخذها وراحت بقيت وحدي وكل يوم يجي عباس وعلاء يطمأنون على خالد ويرحون...

مرت الأيام واني وحدي لحد ما يوم خالد طلب مني يغير ملابسه... دخلت يمه واخذتله ملابسه أول مرة اني ابدله لأن كل مرة لو علاء لة عباس وإذا اخواتي موجودات فازواجهم يبدلوله.

كام يغير ملابسه حسيته مستحي مني بس لازم اساعده استحى كولش وكلي عوفي اني اكمل وبعدها... كلي..
خالد... انطيني موبايلي
ايمان...ليش
خالد...اخابر عباس
ايمان...ماشي
انطيته الجهاز وطلعت اعرف بي يستحي حتى لو اني اخته يبقى هو شاب واني بنت يعني أكيد يخجل مني اساعده.

شويه وندكت الباب... رحت فتحتها واجه عباس واني دخلت بغرفتي..
بعد دقايق مرت واختفى صوت عباس... طلعت ورحت لغرفة خالد...
ايمان... ها حبيبي كملت
خالد... اي تعالي
دخلت يمه واني اشوفه صافن بموبايله ونزلت دمعته... عرفت الي كباله صورة ريم..
اخذت الجهاز منه وكوتله...
ـ كافي ما مليت عيونك تعبت البنية صارلها سنة متزوجة شتريد منها بعد... خلاص انساها وابدي حياتك من جديد.
ـ ايمان انتي أكثر وحدة تعرفين بحبي وجاي دكوليلي انسى.. هو لو اكدر انساها جان نسيتها من زمان
ـ يعني شلون خالد ما اكدر اشوفك هيج والله كلبي نار عليك
ـ الله كريم

انطيته جهازه وطلعت...رحت لغرفتي قفلت الباب واني كوة اجر الهوة.. اختنكت بعبرتي ما اكدر اضل اتفرج علي وهو يذبل كل يوم بعذابه..
كعدت بالكاع وطلعت صرخة كلبي...ربي اخوي جاي يتعذب برد كلبه اللهي ما اكدر اشوفه هيج لشوكت يبقى بحسرته..

بجيت وطلعت كل العذاب الي بكلبي وروحي مثل الي بداخلها نار تحرك بيها..
طلعت غسلت ورجعت اخذت موبايلي واتصلت على شيماء.. جاوبتني..
شيماء.. ها حياتي ايمان
ايمان... شلونج شخبارج مشتاقتلج كولش
شيماء... حبيبتي الحمدلله انتي شلونج خالد شلونه ان شاء الله باجر يمكم اني وحماي
ايمان... وزوجج ميجي
شيماء... لا ميجي لان عنده شغل
ايمان... ماشي توصلون بالسلامة ان شاء الله
سديته من شيماء ورجعت اريد اروح لغرفة خالد.. اجاني اتصال.. باوعت رقم غريب..
ما ردت اجاوب بس لفت انتباهي نهاية الرقم اعرفها.. شكيت هذي سرى بنت خالتي... تعمدت اجاوب..
ايمان... الوو منو
سرى.. اني سرى حبيبتي ايمان
ايمان... اهلا بيج عيني
سرى... فاضل كال انتي وحدج بالبيت فاني جاية عليكم حتى اساعدج.
ايمان... ميحتاج حبيبتي لأن شيماء جاية بالطريق
سرى... ميخالف شيماء كم يوم وتروح اني ابقى يمج أن شآء الله
ايمان... هلا بيج