رواية #طريق_الى_النار
//بقلم.. نرجــس صــادق //
خالد..
تسئليني على جروحي
وسبب كل الجروح انتي
ريم...
من شفتك وحكك تيهت دربي
ماكلك متت بس نخمش كلبي
شني نكظي الدرب
بس التفاتة روس
لو ادنه كربك لو تجي الكربي
(😁😁 بدأت قصة قيس وليلى)
ـــــــــــــــــــــــــــــــــــــــــــــــــــــــــــــــ
إيمان..
ضلت خالتي أم ستار تسولف هي وماما واني كل بالي يم خالد.. اخوية واعرفه يموت بدونها ..
واني فكري يم خالد وتذكرت لما كانت ريم عمرها 10 سنوات..
كانت يمنا وهي تلعب ويه بنات عمي الي كانوا يمنه وبالصدفة شفت نظرات خالد الها مو نظرات عادية..
كنت افكر أخاف يتهور وهو شاب صغير لكن شفت خوفه وقلقه عليها ومن يضربوها بنات عمي يضربهم ودائماً ياخذها بحظنه ويضل يسولف وياها..
ـ أوف ياربي شلون اكوله بهالمصيبة.
راحت خالتي أم ستار واني تخربطت احوالي.. خالد على لحظة يجي شلون بيه شاحجي شاكول...
نص ساعة وخالد دخل..
خالد.. السلام عليكم
أم خالد.. وعليكم السلام هلا يمه شلونك
خالد.. الحمدلله يغالية بس شويه تعبان
إيمان كومي حضريلي ملابسي...
ايمان... كنت صافنة واني افكر شلون افاتحه بالموضوع وصحاني صوت خالد..
خالد... شبيج ولج مو احجي وياج
إيمان.. اسفة بس جنت صافنة..
خالد... الصفنة مو الج ههههههههه الصفنة لابو صابر.
ايمان... خالدددددددد
والله أزعل تره..
خالد.. يله عيني كولشي ولا تزعلين روحي حضريلي ملابسي.
ايمان.. صار
رحت بخطوات بطيئة وكانه اريد الزمن يتوقف ولا تجي اللحظة إلي اضطر اكوله بيها..
كام سبح ورجع لغرفته... واني، مترددة أروح اكوله لو اسكت
حسمت قراري... لازم اكوله والي يصير خلي يصير
اتجهت لغرفته واني خايفة حيل..
ـ احم احم ممكن أدخل
ـ ادخلي..
ـ خالد عندي موضوع وياك
ـ شنو ايمان حبيبتي شبيج اليوم ما اعرف شبيج
ـ خالد اني اختك وبمعزتي عندك وبمعزة ماما عندك ما اريد تضوج ولا تاذي نفسك.
ـ خوفتيني إيمان شكو... فاضل بي شي
ـ لا حبيبي محد بي شي بس الموضوع أكبر
ـ تحجين لو شلون ولج فهميني شكو..
ـ خالد ريم نخطبت وبعد شهر زواجها..
كانت نظرات خالد مثل الي ما مصدك كلش خفت علي من شفت نظراته..
ـ أكيد هذا مقلب مو احجي ايمان اعرف بيج وبمقالبج..
ـ خالد حبيبي على كيفك بس لازم تتقبل هالشي مو بايدي ولا بأيدك..
ما حسيت غير خالد نكلب وحش وهو يصيح (لا لا تحركون كلبي بيها لا يربي لا تختبرني بيها).. دفعني حيل وقفل الباب.
أم خالد.. ولج يمه إيمان شنو هالصياح
إيمان... ها ماما لا ماكو شي بس خالد جاي يتعارك ويه صديقه.
أم خالد... يااا ولج يمه اخوج عمره ما انهار هيج ولج خاف صاير شي وما ترضين تكليلي..
إيمان..لا ماما ماكو شي هسه يهدأ
عوفي يصيح ويطلع حركته..
ما حسينه غير صوت تكسير وصرخة هزت البيت هز.
ام خالد... يمه وليدي راح من ايدي
إيمان...ركضت ماما للغرفة وهي تدك بالباب وتصيح( يمه خالد شبيك يمه سودة عليه احجيلي منو وياك)
اجيت لماما...
ـ ماما لا تخافين ما بي شي كوتلج جاي يتعارك.
ـ نجبي ولج أبن بطني واعرفه..صياح اخوج مال واحد كلبه مكسور... شتعرفين وضامه عليه يمصخمة.
ـ ماما شبيج شاعرف قابل خالد يحجيلي شي..
ـ لعد ليش من طبيتي على اخوج وطلعتي وراها تخبل.. شكتيله ولج وسودنتي اخوج..
ـ ماما شبيج ما كوتله شي الي عرفته هو جان يحجي ويه صديقه..
ضلت ماما تدك بالباب وماكو جواب بس صياح وتكسير وجانت كلماته مثل الجمر على كلبي..
لا يربي ارحم بحال اخوية وبرد كلبه.
أنت تقرأ
طريق إلى النار
General Fictionمزيج من الألم لحكاية تروي لنا كيف هي مصائب الدنيا وكيف يُقسم الله الأقدار فَمنا من يكون نصيبه الفراق ومنا من يبقى تحت الاختبار حتى يتفوق فيه.. رواية #طريق_الى_النار تحكي عن فتاة في عمر الأحلام رأت اختها تحترق امامها.. وحينها تكتشف حب كان مخبأ في...
