رواية #طريق_إلى_النار
//بقلم.. نرجــس صــادق //
خالد... شماته وليل غربـه
وچلمه الياحيف
يلتمن دمع ويطيحن بخدي..!
ريم... أحس روحي
ضوه مصلـوب
شـما جاستـه زلـوف الريح
يتـكسر بحضن الماي
وبهـداي أحترك بهـداي
كضه عمره الشمع من يحترك سكته
ــــــــــــــــــــــــــــــــــــــــــــــــــــــــــــــــــــــــــــــــــ
خالد.. ليش
اوس.. شنو ليش
خالد.. اخذوها
اوس.. منو
خالد.. بنيتي
اوس.. خالد منو بنيتك، شبيك شدتحجي
خالد.. اوس حرموني منها اخذوها وانطوها للمايستاهلها
اوس..
جنت اسمع كلماته وعرفت خالد شبي وصراحة جنت متفاجئ جداً لأن ما توقعت خالد يكون سبب حالته هو كلبه.
ـ خالد حبيبي ارتاح وباجر عندي موضوع وياك مهم.
تركته وطلعت واني الخوف متملكني أخاف يسوي بنفسه شي معقولة..لا ما اتوقع خالد يسوي هيج.
خالد..محد يسمعك محد يفهمك والي نحجي ميوصف الي يصير بكلوبنا..اني متحطم شاسوي حتى ارتاح، احس بروحي نار واريد أحد يدليني على طريق اطفي النار والله جاي احترك افهموني يا ناس..لحد يلومني لأن عفت اهلي وطلعت.. محد يفهم كلبي شبي ومحد يسمع صرخات كلبي..
جنت احجي ويه نفسي ودموعي نهارت..اوف ياريم بعدت حتى ارتاح ولحكني العذاب لهنا.
كمت غسلت ورجعت لفراشي وغمضت عيوني وعقلي وكلبي يم ريم.
ودق..صحيت الصبح على ايد علاء وهو يمسد بشعري..فتحت عيوني واشوف عيونه تخترقني..
خجلت ونزلت راسي..دنك يم راسي وهمس..
علاء..صباح العسل على نحلايتي
ودق..صباح الورد
علاء..يله حبيبي كومي حتى نتريك
ودق.. ماشي
كمت ورحت غسلت ورجعت للمطبخ..ساعدت عمتي بالريوك..
ورجعنا تريكنا وجان عمو أبو علاء موجود بس حسيته متضايق من وجودي..
علاء.. ودق حبيبي حضري نفسج اخذج للمستشفى تزورين ريم
ودق..ماشي
كملنا ريوك ورحت غسلت المواعين ورتبت البيت وحضرت نفسي ورحت ويه علاء..
وصلنا للمستشفى ونزلت.. دخلنا جوة جانت ماما يم ريم بالغرفة وعباس واكف بالباب..
سلمت على عباس ودخلت لغرفة ريم..
ودق.. حبيبي ريم شلونج
باوعتلي وجانت عيونها ذبلانة...
ريم.. هلو ودق شلونج وعلاوي وزنوبة شلونهم
ودق.. الحمدلله زينين
ضلينه نسولف اني وياها وماما.. شويه واجتي الممرضة..
الممرضة.. الحمدلله اليوم مريضتكم دتتحسن
أم ستار.. الله يبشرج بالخير يمه
الممرضة.. بس لحد يضغط عليها ولا تخلوها تنهار
أم ستار.. لا يمه اسم الله إن شاءلله نخليها ترتاح محد يحاجيها أبد
الممرضة.. وهذي الحلوة هم بنتج
أم ستار.. اي بنتي الثانية
الممرضه.. مشاء الله حلوات فدوه الله يحفظهم
أم ستار.. الله يخليج ويسلمج حبيبة
الممرضة.. شكد عمرها هذي الحلوة
أم ستار.. 12 سنة
الممرضة... يااا ولا مبين عبالي هي هذي الجبيرة مشاء الله تاخذ بالطول.
أم ستار.. اي من تشوفها الناس عبالهم عمرها 20 سنة
الممرضة.. الله يحفظها
أنت تقرأ
طريق إلى النار
Fiction généraleمزيج من الألم لحكاية تروي لنا كيف هي مصائب الدنيا وكيف يُقسم الله الأقدار فَمنا من يكون نصيبه الفراق ومنا من يبقى تحت الاختبار حتى يتفوق فيه.. رواية #طريق_الى_النار تحكي عن فتاة في عمر الأحلام رأت اختها تحترق امامها.. وحينها تكتشف حب كان مخبأ في...
