رواية #طريق_إلى_النار
//بقلم.. نرجــس صــادق //
خالد.. شچم حنين ينام وعيونه غريبه
وحزنه واصل مدري وين
وانه منهم
ريم... هـٌا يگلبي
بـُلة عـِوف الـِ يمــّكن وگلـِي نسـّونـِي ـــــــــــــــــــــــــــــــــــــــــــــــــــــــــــــــ
ايمان...
ثاني اليوم كعدت الصبح واني راسي يريد ينفجر... كمت غسلت ورتبت نفسي ونزلت لكيت شيماء متحظرة... زوجها جاي بالطريق..
ايمان... حبي اخذي غراضي وياج رتبيهم بالغرفة
شيماء... اي رتبتهن الجنط ان شاء الله اخذهن وياي
ايمان... خالد كعد لو بعده
شيماء... كعد وحتى ما ودعني وطلع بدون ريوك
ايمان... سودة عليه حبيبي والله ما اعرف شاسويله ويبرد كلبه.
شيماء... ما يبرد كلبه إلا ياخذها والبنية صار عدها طفل يعني مستحيل ترجع لاخوج
ايمان... اوف والله كلما اشوف دموعه احس كلبي يتفطر واتمنى لو اكدر اشيل شويه من وجعه.
شيماء... الله كريم ديربالج علي لأن هو ما يهتم لصحته.
بعد ساعة اجه فارس وراحت شيماء واخذت كل غراضي وياها وبقت بس جنطة صغيرة الي اخذها بيوم العرس.
ضليت افكر بخالد ووضعه واجت على بالي ودق وقررت اتصل عليها...
اتصلت وطلعلي الجهاز مغلق... تذكرت ما عدها موبايل... رجعت اتصلت على عباس اريد اخذ منه رقم علاء الجديد..
اتصلت وجاوبني...
ايمان... الو السلام عليكم
عباس... وعليكم السلام ورحمة الله اهلاً خوية
ايمان... ولو ازعجتك بس ردت اخذ منك رقم علاء الجديد اريد احجي ويه ودق.
عباس... اي خوية تدللين ثواني ويوصلج برسالة
ايمان... رحم الله والديك
عباس... براحتج خوية مع السلامه
سديته منه وبعد ثواني وصلتني رسالة بيها الرقم.. نسخته وحفظته ورجعت اتصلت علي..
جاوبني...
علاء... الووو منو
ايمان... صباح الخير خوية
علاء... صباح النور منو
ايمان... اني ايمان اريد احجي ويه ودق
علاء... اهلاً وسهلاً خوية هسة اكعدلج ودق
ايمان... إذا نايمة خليها
علاء... لا كاعدة بس ثواني
انتظرت يصيح ودق بس والله عيب مبين من صوته جان نايم واني كعدته... شوية واجاني صوت ودق..
ودق... هلو حبي شلونج
ايمان... هلا بالبذات الحمدلله وانتي شلونج
ودق... على الله والله حقج عليه بس تدرين ما عندي تلفون
ايمان... اي قابل راح تنقصين إذا اتصلتي عليه من رجلج
ودق... لا حبي زوجي متدين ما يقبل ارقام بنات بجهازه ههههههههههه
ايمان.... ههههههههههه خرب يومج حظرتج تصنفين والمحروس الي يمج طيرتي جبهته
ودق... اي شكو ماكو عرسج شوكت
ايمان... يومين بعد
ودق... جان حظرت والله بس تعرفين عمو صارلة 3 أشهر من توفى
ايمان... لا معذورة حبي بس ردت اسالج
ودق... كولي حياتي
ايمان... ريم شخبارها
ودق... زينة الحمدلله
ايمان... متأقلمة ويه زوجها
ودق... لا حبي نفس حالة اخوج وشكد حجيت وياها ماكو همة مكتوب عليهم العذاب
ايمان... اوف ولج ودق راح يموتني خالد والله
ودق... ماما زعلانة على ريم من ورة هالسالفة
ايمان... الله يبرد كلوبهم
ودق... اللهم امين يارب
ضليت اسولف ويه ودق واسألها على حملها وبعد ربع ساعة وترخصت منها لان مصطفى اتصل عليه...
رجعت اتصلت على مصطفى ورفضه... اتصل عليه وجاوبت..
مصطفى... ويامن تحجين مشغول
ايمان... ويه صديقتي
مصطفى... منو صديقتج
ايمان... مصطفى شنو هالشك
مصطفى... هسة اني شكتلج بس كتلج منو صديقتج
ايمان... هي صديقتي وكبل
مصطفى... اممم ماشي
ايمان... اي شلونك حبيبي
مصطفى... بخير من سمعت صوتج حياتي
ايمان... مصطفى اريد اكولك شغلة
مصطفى... اي حبي كولي
ايمان... خلي نكعد هنا بغداد اني وياك فدوة
مصطفى... لا حبي مستحيل اني واخوية بالنص بالبيت واني مستحيل اعوف أهلي.
ايمان... لعد اني ما اكدر اعوف خالد لأن تعبان ومريض
مصطفى... كل اسبوع اجيبج
ايمان... أكيد
مصطفى... ان شاء الله تدللين
ضلينا نسولف اني ومصطفى وبعدها ترخّص وراح واني كمت سويت غده وكعدت انتظر خالد يرجع.
للعصر اجه فاضل واجت رواء وجان خالد كاعد... كعد فاضل وهو ضايج على خالد..
فاضل... بما انه كلنا كاعدين راح افتح وصية الوالدة ونشوف شنو بيها.
خالد... ماشي
فتح فاضل الوصية وبده يقراها النا... اول فقرة جانت تقسيم الورث بيناتنا لأن بابا الله يرحمه عنده بيوت هواية والفقرة الثانية جانت وصايا لخالد وفاضل يديرون بالهم علينه والفقرة الثالثة جانت زواج خالد من سرى والي بس سمعها خالد كام وراد يطلع وفاضل صاح علي...
فاضل... تعال وين رايح كلمتين راح احجيهن وتنفذهن ورجليك فوك راسك.
خالد... اني مو طفل تجبرني على شي ما اريده
فاضل... شوف كلمتي ما تكسرها أقسم بالله اتبره منك إذا حاولت تكسر وصية الوالدة.
خالد.. فاضل وصية الوالدة على عيني بس ما اريد اتزوج افهمني
فاضل... لا تتزوج وغصبا عليك كافي انتظرتك تعقل وترجع لوعيك 3 سنوات واني اكول باجر ينسى وباجر يعقة تالي زلمة شطولك شعرضك تركض وره مرة متزوجة متستحي.
خالد... انت تعرف الي جاي اعاني انت تعرف الألم الي بداخلي
فاضل... اي اعرف وكافي لازم تنهي عذابك واني كتلك كلمتين ماكو غيرهن باجر اجيب بنت خالتك وتعقد عليها هنا خوش البنية مكعديها علمودك لأن الوالدة منطيه كلمة تعقد عليها وتصير مرتك وبدون هوسة وعرس لأن انت حزين على أبو علاء والبنية تقدر هالشي اكيد.
خالد... شوف مدام تريد تدفني بايدك باجر من تجيب البنية عندي حجاية لازم يسمعها الكل.
عافنه وطلع وفاضل ضل يوصي بينه نقنعه ونهدي النفوس... راح فاضل ورواء هم راحت وبقيت انتظر خالد... ل12 بالليل وخالد ما اجه... اتصل علي مغلق جهازه...
وضل بالي يمه وين راح يالله... اخذت جهازي واتصلت على عباس... جاوبني...
عباس... الوو ها خوية
ايمان...خوية فدوة خالد يمك اتصل علي الجهاز مغلق
عباس... اي خوية هذا يمي وشوية ويرجع
ايمان...ديربالك علي خوية تعبان حيلل
عباس...ان شاءالله
سديته منه واني خايفة على خالد كولش... تمنيت بايدي شي أكدر اساعده وانسي.
أنت تقرأ
طريق إلى النار
General Fictionمزيج من الألم لحكاية تروي لنا كيف هي مصائب الدنيا وكيف يُقسم الله الأقدار فَمنا من يكون نصيبه الفراق ومنا من يبقى تحت الاختبار حتى يتفوق فيه.. رواية #طريق_الى_النار تحكي عن فتاة في عمر الأحلام رأت اختها تحترق امامها.. وحينها تكتشف حب كان مخبأ في...
