رواية #طريق_إلى_النار
//بقلم.. نرجــس صــادق //
خالد.. كالتلي كلشي نتهى كتلها جا واني
نجمه بحلاة الظهر يا هوا يلكاني
ريم... هلي خلوا الحجي مدثر
انه شبيدي العمر ركضه
هلي لو بيدي ما اكبر
ـــــــــــــــــــــــــــــــــــــــــــــــــــــــــــــــ
ودق...
كملت الدوام ورجعت للبيت واني ضايجة وعلاء طول الطريق ميحاجيني..
وبدت تمر الأيام واني كارهة كولشي بسبب علاء ولا يحن كلبه عليه..
لحد ما بيوم جمعة كعدت واني راسي يوجعني موت.. كمت غسلت ونزلت جوة لكيت ماما محظرة الريوك..
باوعتلي وهي ضايجة مني..
ام ستار... لشوكت تبقين هاملة زوجج
ودق... اني مهاملته هو ميريد يحاجيني
أم ستار.. روحي اعتذري منه لأن انتي الغلطانة
ودق... ليش غلطانة لأن كشفت سوالفه
أم ستار... نجبي صار 3 مرات تشكين بي وتسويلج سالفة على امور تافها
ودق.. انتي أبد متحبيني ولا تدافعيلي ودائما تحجين عليه كباله
عفتها ورحت اجيت اصعد فوك سمعت صوت ضحك من الاستقبال... تقربت حيل وخليت اذاني على الباب... هذا صوت علاء بس ويامن يضحك هيج.
ضليت واكفة واني مصدومة...
علاء... وهسة شتردين مني
بنين... اريدك تجي للمدرسة واطلع وياك وين متريد
علاء... هههههههه انتي شكد عمرج
بنين... بكد مرتك اني
علاء... شمعرفج بمرتي
بنين... اعرفها وياية بالمدرسة
علاء... وانتي شوصلج اليه
بنين... حبيتك وطلبت من ودق تنطيني رقمك وهي انطتنيا
علاء... اها هي انطتج رقمي
بنين... اي هي والله يساعدك عليها
علاء...ليش
بنين...من كد ما تسولف شتسويلها أنت اني حبيتك
علاء...شتسولف يعني
بنين...كولشي حتى الي يصير بالغرفة
علاء... امممم الدليل على كلامج شنو
بنين...تعال للمدرسة واسال الطالباا كلهن
علاء...ماشي باجر اجيج للمدرسة وين توكفين
بنين...بالباب الخلفية
علاء...ماشي
بنين...وين نروح
علاء...لشقة صاحبي
بنين... اممم اي عادي
ابتعدت عن الباب واني مصدومة...مثل الي خليتي فلفل بعيوني غوشت بعد ما اشوف شي..دكات كلبي ازدادت وكمت كوة اجر النفس...اخر شي شفته كبالي ماما وبعدها محسيت بشي.
بعد وقت مر صحيت واني بالمستشفى وعلاء فوك راسي..باوعلي بخوف واني كارهته ولعبانة نفسي منه..
تقرب يمي وكلي...شبيج بنيتي ليش وجهج أصفر
بعدت وجهي عنه وكوتله....مالك دخل بيه ولا اعرفك ولا تعرفني
علاء...ودق احترمي ولا تحجين وياي بهالاسلوب.
ودق...من تحترمني احترمك
علاء...سهلة نرجع للبيت واشوفج الاحترام شلون يصير
ابتعد عني وهو يدردم عليه واني كرهت حتى شوفته..رجعنا للبيت واول ما نزلت سحبني من ايدي وصعد للغرفة واني ورا يجر بيه..
دخلنا بالغرفة قفل الباب وما حسيت غير راشدي فر وجهي فر..لزمت خدي ونزلت دموعي واجه باتجاهي واني رجعت ليورة لزمني من شعري وهو يتنفس سريع وانفاسه تكفخ وجهي واني دموعي نار على خدي...حجه بنبرة تهديد وهو لازم شعري وعيونه دم ويريد ياكلني...
علاء...سمعي لج حيوانة اقسم بالله تجاوزي مرة ثانية ادفنج واخلص منج ولج ملاحظة نفسج واسلوبج انتي هم حاسبة نفسج مرة شهر كامل اني مثل المطي اطلع واطب ما كولتي خلي اعتذر منه وانتي الغلطانة واني متحمل تحز بنفسي اكول لعمتي غسلي ملابسي لشوكت يصير براسج حظ.
أنت تقرأ
طريق إلى النار
Ficción Generalمزيج من الألم لحكاية تروي لنا كيف هي مصائب الدنيا وكيف يُقسم الله الأقدار فَمنا من يكون نصيبه الفراق ومنا من يبقى تحت الاختبار حتى يتفوق فيه.. رواية #طريق_الى_النار تحكي عن فتاة في عمر الأحلام رأت اختها تحترق امامها.. وحينها تكتشف حب كان مخبأ في...
