طريق إلى النار

بارت 40

رواية #طريق_إلى_النار
//بقلم.. نرجــس صــادق //

خالد... گلي يا شوگ شبدينه

سكته تاخذنه وطواريهم تجينه

ريم... وين مبحر ...؟

الموج اعله من السفينه وخامه شراعك

ضباب
ـــــــــــــــــــــــــــــــــــــــــــــــــــــــــــــــ
عباس..
بعد ساعات مرت واني منتظر يكعد علاء اريد اسمع صوته.. طلعت بره واني افكر اكول لأهله لو لا بعدين كولت لا ما اكللهم إلا هو يكول...
اجتي الممرضة دخلت على علاء شويه وطلعت كالت..

ـ إذا تحب تدخل هو كعد
ركضت للغرفة واني ملهوف اسمع صوته واشوفه.. دخلت علي وجان تعبان وكوة يحجي..
علاء.. عباس انت هنا
عباس.. اي اني يمك يبعد اخوك لا تهتم ولا تحجي اي شي انت بخير وعدت سلامات
علاء... لا دكول لودق اخاف تتأذى
عباس.. لا تخاف حبيبي محد يدري بس اريدك ترتاح وتتحسن ودكول على طولك يالذيب
علاء... عرفت منو ضربني
عباس... اي ستار ماكو غيره
علاء... اي بس مو وحدة
عباس.. ارتاح وكوم على طولك وداعت غلاتك لاخليهم يتمنون الموت.
علاء... فدوه اروحلك أبن أمي ماوكفلي مثلك
عباس.. اسكت وما اريد اسمع هالكلام مرة ثانيه
يله حبيبي ارجع نام... طالع اشوف الدكتور شيكول..
رجع علاء نام... واني طلعت للدكتور...
ـ بلا زحمه دكتور منو نقللكم علاء للمستشفى
ـ اثنين شباب كالو لكينا بالشارع مشمور وخلو رقمهم هنا لأن سيارته وغراضه موجوده عدهم.
ـ انطيني رقمهم
اخذت الرقم وطلعت بالحديقة.. اتصلت على الرقم..
عباس... السلام عليكم
كاظم.. وعليكم السلام
عباس.. انت الي نقلت البارحه شاب للمستشفى وجان مصوب
كاظم... اي اني انت شتقربله
عباس... اني اخوو
كاظم... ماشي خوية تعال للمكان **** اخذ سيارته موجودة هنا.
عباس.. ماشي شكراً

طلعت وبوجهي للمكان الدلاني علي.. لكيت ولد شاب صغير واكف يم السيارة.. سلمت علي وتشكرته وراح..
باوعت السيارة بيها دم.. اخذت موبايلي واتصلت على ناصر..

ـ ناصر محتاجك بشغلة
ـ امرك حبيبي عبوسي
ـ عندي واحد ما مؤدب اريد تجيبليا للمكان المتفقين علي وتربطليا هناك... تمام
ـ مو تدلل بس منو هذا
ـ اسمه ستار وباقي التفاصيل راح ادزهم برسالة الك
ـ ماشي اعتبره اليوم بالليل مربوط مثل الجلب هناك
ـ كفوو بس ممنوع واحد يجيسه اني اربي.
ـ ماشي
سديت الاتصال واني شايل بكلبي على ستار بكد رحمة الله.. اخخخ يستار إلا اطلع قهر كلبي بيك وقسما بالله ما اهدك إذا ما اتاكد ملك الموت زارك.
اتصلت على حسين اخوي.. وكوتله يجي ياخذ سيارة علاء ويخليها بيتنا.

رجعت للمستشفى واني مرتاح واخيرا ستار راح يوكع بين اديه.

الساعة ب4:00 مساءا
ريم.. الوضع هادئ كولش وماكو شي بحياتنا وعلاقتي بوسام نفسها وخالد الماخذ عقلي وكلبي واني نفس حياتي الي مخلصتها لعلاوي وزنوبة..