طريق إلى النار

بارت 35

رواية #طريق_إلى_النار
//بقلم.. نرجــس صــادق //

خالد... كل هل مسافه البعد
وسوالفك تنسمع
جن احنه حلك بحلك

ريم...احبك من جنت وياي
واحبك من صرت وحدي 💙

ـــــــــــــــــــــــــــــــــــــــــــــــــــــــــــــــ
ريم... صار الليل ووسام ما اجه لحد الان بعد ما طلع ويه صاحبه..
شويه ودخل وبايده علاكه.. رحت يمه، كوتله..
ـ وين جنت
ـ ويه صاحبي ليش
ـ لا بس كوتلي حضري غراضج
ـ اي باجر ننتقل لكربلاء
ـ ليش
ـ احسن اذا متردين كوليلي اعوفج يم اهلج
ـ شعندي باقية يم اهلي
ـ مبين معاجبج ترحين وياي
ـ لا اروح
ـ خوش حضري غراضج
ـ يعني شاحضر
ـ بس ملابس والي تحتاجي
ـ ماشي

رحت احضر بملابسي واني اشيل بملابسي وارتبهم بالجنطة انتبهت رقم علاء وصورته ماكو والرسالة الي كاتبلي بيها احبج..ضليت ادور ما لكيتهم..تخبلت وين راحوا ياربي.

اوف وين راحن...بس لا احد شافهن واخذهن، توترت كولش والخوف اكلني..ضليت ادور بهستيرية..انتبه وسام عليه..

وسام... شبيج على شنو تدورين
ريم..لا ما ادور على شي
وسام...لعد شبيج
ريم... ما اعرف حسيت احد فاتح الكنتور بغيابي
وسام... لا تخافين محد دخل للغرفة بغيابج
ريم.. ماشي

ضليت افكر معقولة وسام لكاهن واخذهن...لا لو هو جان كلي..منو الي اخذهن...تخبلت والافكار اكلتني..كملت ترتيب ملابسي وملابس علاوي وزنوبة.. ورجعت اريد اخذ ملابس وسام وارتبهم..كملت ترتيب كل غراضنا واخذت علاوي وزنوبة حتى انومهم ووسام تمدد على التخم واني خليت راسي على المخدة وهاجمتني الافكار من كل جهة..

مرت هذي الليلة بخوف وتوتر من جهة صورة خالد الي ما اعرف منو اخذها ومن جهة راح افارك اهلي واني حتى بدون ما اودعهم.
مرت الساعات وحل الفجر.. واني عيني ما اخذت نوم سمعت صوت الأذان وكمت... توضيت واجيت اصلي..
شويه وسمعت حركة وسام وهو يصعد على الكرسي.. طلع من الغرفة وما رجع إلا بعد ساعة.

وسام... يله كعدي الجهال وخلي نتوكل
ريم... منو ياخذنا
وسام.. صاحبي راح يوصلنا
ريم.. تمام

اخذت الغراض وانطيتهم لوسام.. طلعهم بره واني شلت علاوي وزنوبة مترضى تكعد.. اجه وسام اخذ مني علاوي واني شلت زنوبه..

طلعنا وصعدنا بالسيارة... تحركت السيارة ودموعي نزلت.. صعبة تترك المكان الي نولدت بي وعشت كل لحظات حياتك بي.. صعبة تروح لغير مكان بدون متودع أهلك.

ودق... جاي احضر بالريوك اني وعمتي وعلاء دخل للمطبخ وهو بعيونه النعاس وشعره مكفش..
علاء... حبيبي ليش مكعدتيني للصلاة
ودق.. والله نسيت وبعدين اني كعدت متأخرة
ام علاء... امممم لازم سهرانين البارحه
علاء.. اي والله يابوية شلون سهرة ههههه