طريق إلى النار

البارت السابع

رواية #طريق_الى_النار
//بقلم.. نرجــس صــادق //

خالد..
آعيونج مثل شمس_الله
آليباوع بيهن.آيدنگ🥀💚

ريم..
شكثر لچمات ونگول الفرح باچر
ياروحي شبعد باچر

ـــــــــــــــــــــــــــــــــــــــــــــــــــــــــــــــ
ريم..
كعدت الصبح على صوت ماما وهي تكعدني
ـ يمه ريم اكعدي حبيبتي
ـ ماما اليوم شنو مترحين للشغل.
ـ اي يمه ما اروح كلت خاف يجن النسوان يشوفنج
ـ تمام

كعدت رحت غسلت ورجعت مشيت خطوات قريب من غرفة ستار..
سمعته يحجي بالموبايل.. تقربت بهدوء وحبيت اعرف ويامن ديحجي..
ـ ولا يهمك خلي يجون نسوانكم يشوفوها وهي موافقة اصلاً
واني ما كوتلها منو العريس.

الله يا خذك يا ستار الله أعلم المن منطيني ووين راح يورطني...
رحت لماما كوتلها على الي سمعته..

ـ ولج يمه اقبلي بقسمتج واسكتي ولا تورطينه ويه ستار.
ـ ماما داكولج ابنج بايعني بيع الله أعلم منو العريس .
ـ ريم يمه قبل شويه اتصلت عليه جنات وكلتلي صباح يريد ياخذج ومخليج براسه.
ـ شنووو يريد ياخذني...حلم ابليس بالجنة لو يموت هالعار اقبل بي.
ـ لعد يمه اقبلي بقسمتج واسكتي حتى تخلصين منه.
ـ ماشي ماما الله كريم
كعدت واني الافكار تجيبني وتوديني..
اني جنت اتمنى اتزوج واخلص من هالقهر بس ليش هسة ما اريد اتزوج ما اعرف احس اكو شي ديمنعني...واني سارحة بافكاري تذكرت خالد من كنت صغيرة كان يشيلني على ضهره ودائماً يشتريلي ويلعبني.. جان حباب وهو صغير بس هسة مزعج حيل ومغرور...
ـ يووو ريم عوفي هالافكار وكومي كملي الشغل..
حجيت بكلبي وكمت كملت شغل البيت ورجعت اسبح..

في بيت صباح....
جنات.. كعدت الصبح على صوت عمتي كالعادة.
أم قاسم.. شلون يعني ما ناوية دكومين مو متنه جوع.
جنات..اي عمه كايمة
أم قاسم.. صلوات على محمد من كمتي.
جنات...
سويت لعمتي ريوك ولجهالي وكملت كل شغلي.

صارت الساعة ب10:22 دقيقة
نزل صباح..
صباح..جنات سويلي ريوك
جنات.. تمام
أم قاسم.. اي يمه شوكت ترجع جهالك.
صباح.. بعد يمه خلي تطلع الاربعين مالت امهم.
أم قاسم.. وليش تنتظر للاربعين.
صباح.. حتى أكدر اعقد على ريم.
أم قاسم.. ومنو كلك راح تقبل بيك.
صباح.. ههههه يمه راح تقبل لخاطر جهال اختها.
أم قاسم.. اي إن شاء الله تقبل.

جنات.. الله ياخذكم فوك ما موتو اختها تردون تموتوها هي هم...

في بيت جمال..
الأم.. يمه ريم انتي راح تتزوجين واني اشتغل اختج والجهال وين اوديهم.
ريم.. ماما اخذيهم وياج.
الام.. يا يمه وين اخذهم قابل اني اشتغل بيت ابوي واخذهم وياي.
ريم.. لعد شلون ماما لا تخليهم هنا وانتي تعرفين ابوي طول النهار سكران واخاف يضربهم.
الام.. لا ما اخليهم بس حايرة وين اوديهم.
ريم.. ماما خليهم يم بيت ام خالد.
الام.. يمه عيب نزحمهم للعالم.
ريم.. ماما نسيتي اني خلصت طفولتي يمهم وهمة جيرانه وام خالد صديقتج..
الأم.. يمه والله اكول صعبة وبعدين اختج شوفيها شطولها ولا يكولك عمرها 11 سنة عبالك مرة وابنهم خالد ولد اعزب والشيطان قوي يمه.
ريم.. ماما خالد مؤدب وحباب وما عنده هيج سوالف
اني من جنت صغيرة جان يشيلني ويلعبني.
الأم.. يمه اعرف خالد ذهب ماكو مثله وجنت أتمنى اخوج يصير مثله بس يمه الشيطان قوي والولد اعزب.
ريم.. ماما ماكو غير هذا الحل.
الام.. الله كريم.