طريق إلى النار

بارت 25

رواية #طريق_الى_النار
//بقلم.. نرجــس صــادق //

علاء .. عجب يم دورة اعيونـك
ولاتنگـال سـورة خـوف ..!

ودق.. اخافن تنحب من الغير
تعال بروحي اضمنك
حديثات السلف وكحات
بس تطلع يعشگنك

ـــــــــــــــــــــــــــــــــــــــــــــــــــــــــــــــ
ريم... كنت كاعدة بالغرفة واني افكر علاوي وزنوبة امانتي.. لازم اخذهم يمي.. ضليت افكر شلون اخذهم يمي..
اجه وسام ونزل نفسه من الكرسي على الجرباية.. وهو يباوعلي مستغرب..
وسام.. ريم بشنو تفكرين
ريم.. بجهال اختي اريد اجيبهم يمي
وسام.. اي ليش لا، نجيبهم
ريم.. صدوك وسام يعني عادي
وسام.. اي ليش لا
ريم.. شكراً وسام ما اعرف شلون اجازيك
وسام.. مراح تبطلين كلمة شكراً
ريم.. متعودة عليها والله
وسام.. تمام راح اسامحج هالمرة

رجعت لافكاري واني اتخيل.. اجيب علاوي وزنوبة يمي واربيهم على اديه.. اوف كولش مشتاقتلهم..
باوعت لوسام.. تفاجئت هو يباوعلي ودموعه بعينه.. انتبهلي ومسح دموعه..
ريم.. وسام شبيك
وسام.. ما بيه شي
ريم.. لا وسام لازم دكولي شبيك
وسام.. تعرفين شنو جنت احلم
ريم.. شنو
وسام.. انه اتزوج انسانة تحبني ويصير عندي طفلة واسميها ليان.
ريم.. باوعتله واني اشوف دموعه نزلت..
ـ اسفة وسام

وسام.. لا تعتذرين اعرف مراح تحبيني ولا راح تتحقق امنيتي.
ريم.. دنكت ودموعي نزلت واني اتذكر خالد.. كرهت نفسي لانه اني سبب عذاب وسام.

وسام.. لا تبجين فدوة اني آسف
ريم.. اني اسفة
وسام.. خلاص انسي لا تهتمين.
ريم.. وسام ممكن اطلب منك طلب
وسام.. كولي
ريم.. اريد اتصل على ماما بس ما اعرف رقمها
وسام.. اني عندي رقم امج من زمان اخذته منها.
ريم.. صدوك
وسام.. والله هسه اتصل عليهم وتحاجيهم..

اتصل وسام على ماما.. شويه وجاوبت
أم ستار.. هلا يمه وسام شلونك
وسام.. هلا بيج عمتي الحمدلله وانتي شلونج
أم ستار.. ريم شلونها يمه
وسام.. الحمدلله زينة هذي هي احجي وياها..
انطاني وسام الجهاز.. اخذته واني متلهفة على صوت ماما..
ريم.. الو ماما شلونج
أم ستار.. هلا يمه بعد روحي انتي شلونج
ريم.. الحمدلله انتم شلونكم ودق شلونها
أم ستار.. الحمدلله يمه كلنا زينين
ريم.. ماما جهال هبة وينهم
أم ستار.. يمه جبتهم وياية
ريم.. ماما صدوك يعني يمج همة
أم ستار.. اي يمه يمي
ريم.. ماما اريد اخذهم يمي فدوة
أم ستار.. يمه شتسوين خاف ما يرضون عيالج
ريم.. لا ماما وسام قبل ناخذهم إن شاءلله باجر اجي اخذهم.
أم ستار.. خوش يمه إن شاءلله

غلقت الاتصال من ماما واني نفسيتي شويه ارتاحت.. الحمدلله واخيرا راح يرجعولي زنوبه وعلاوي.

ودق.. مر الليل كله وما كدرت أنام وصورته تضرب بعقلي وكلماته وكل حركاته.. اوف علاء منين طلعتلي..
واني دافكر بي.. اجتي ماما وكعدت يمي...