رواية #طريق_إلى_النار
//بقلم.. نرجــس صــادق //
خالد... روحـي ذابـت من هـضمـها و لجـمه ما تحـمل بعــد🖤🍁
ريم...
هنــه ظــلت گطـرتـين
وبعـد ما اوچـد دمعتي وياهـي عيـني🍃💔
واخر ...
وانــت تــدري العــين!!
من يثــگل دمــعهه اتسد جفنــهه🍃
ـــــــــــــــــــــــــــــــــــــــــــــــــــــــــــــــ
ودق...
حضني وهو يكولي...
ـ ما أكدر اشوف دموعج بس التصرف الي سويتي ما ينسكت علي بدون حتى ما تسمعين مني وليش لهالدرجة ما عندج ثقة بيه.
ـ اسفة سامحني بس شوف الرسالة الي اجتني وخلتني اتهور.
ـ انطيني الرقم منو هذا لازم اعرفه.. بعدين اكثر من مرة اكولج شيصير وياج كوليلي ليش تتجاهليني دائماً ومتحسبيلي حساب.
ـ اسفة ما اعيدها بعد... بس منو هاي البنية.
ـ تحبين اشرحلج السالفة كلها بالسيارة لو من ترجعين
ـ بالسيارة
ـ تمام
اجيت اطلع جان يصيحني...
ـ تعالي وين طالعة حبي امشي بدلي الصدرية لا احركج انتي وياها.
ـ ليش تحركني رايحة ابدلها عيني
رحت بدلتها ورجعت...طلعنا بالسيارة وحجالي عن شغلة هذي البنية..
علاء...بابا هذي البنية اجتني منهزمة من أهلها وهي تبجي وحجتلي قصتها وعرفت أهلها معنفيها كولش لاسباب ومنها لأن سامعيها تحجي مع شاب يحبها وتحبه واهلها ميقبلون تتزوجه ويردون يجبروها على ابن عمها..من اجتني جانت بحالة يرثى لها يعني جسمها كله آثار ضرب اديها ووجها..لحكوها أهلها وعرفوا هي يمي، طلبوا مني اسلمها الهم وما سلمتها لأن أعرف إذا انطيتها الهم معناها سلمتها للموت..فراحوا ورفعوا عليه قضية خطف بنتهم وبالمقابل اني رفعت عليهم قضية تعنيف وشكلت محامي وهذا سبب وجودي بالمحكمة حتى اشهد على الحالة الي وصلتني بيها البنت وعباس جان شاهد وبعد اجراء التحاليل تبين انه فعلاً ضرب واضطروا اهلها يوقعون تعهد بعدم لمسها مرة ثانية والا فراح يتصرف القانون وبعدها اخذت الولد الي يحبها ورحت لبيت أهلها حتى يخطبها ونجبروا الأهل يوافقون بسبب التعهد.. هذا كل ما في الأمر يا زوجتي العزيزة.
كمل علاء كلامه لكاني ابجي وهو ضحك..
ـ مريتي شكد رقيقة متتحمل هيج مواقف.
ـ وهسه وين البنية
ـ بكلبي
ضربته على ايده واني اكوله...
ـ علاءءء لا تحجي هيج
ـ ههههههههه غيورة
وصلني للمدرسة وقبل لا انزل...تقربت يمه وهمست باذنه.
ـ اسفة حبيبي
بسته من خده ونزلت اركض وهو صاح وراية...
ـ اشتعلوا اهلج اني اعلمج
ـ ههههههههه ضحكت ودخلت للمدرسة وبدأ الدوام.
ريم...
بعد مرور شهرين على حمل حوراء صارت تتحرك أكثر من قبل وتكوم تكعد ويانه وتفتر والحمدلله تحسنت..وتثبت طفلها.
بيوم من الأيام جنت كاعدة بغرفتي ودخلت عليه الحجية..
اجتي كعدت يمي وكلتلي..
الحجية...ها يمه ما طابت نفسج على وسام الولد متمنيج
ريم... حجية انتي تدرين اني ما اكرها بس ما أكدر
الحجية...ليش يمه خاف مسويلج عمل
ريم...لا ماكو هيج شي
الحجية...يمه لعد ابالج أحد
ريم... ارتبكت بسبب كلامها وكوتلها...
ـ لا ماكو ابالي اي أحد
الحجية...واالله ما اعرف شاكلج يمه ليش رافضته للولد خاف لأن مقعد.
ريم...لا اني ما افكر هيج
الحجية...والله حيرتيني وياج يا يمه لعد شبيج
ريم... إذا يريد اني مستعدة اصير زوجته وانطي كل حقوقه
الحجية... عن رضا يمه لو مجبورة
ريم...لا عن رضا
الحجية...خوش يمه راح اكوله
أنت تقرأ
طريق إلى النار
General Fictionمزيج من الألم لحكاية تروي لنا كيف هي مصائب الدنيا وكيف يُقسم الله الأقدار فَمنا من يكون نصيبه الفراق ومنا من يبقى تحت الاختبار حتى يتفوق فيه.. رواية #طريق_الى_النار تحكي عن فتاة في عمر الأحلام رأت اختها تحترق امامها.. وحينها تكتشف حب كان مخبأ في...
