رواية #طريق_إلى_النار
//بقلم.. نرجــس صــادق //
خالد.. اريد اغفه وتصحيني
صورك وين أؤديها..؟..
چم بسمار أحط بيها؟
اعلگها وترد تتعلگ بعيني!
تره اصورك تحاچيني!
ريم.."احـٌط مـْوعد النسيانـِگ
واجـٰي اردود!!
احـٌط للموعد البـٓيه ننسـه مـْوعد
ودق..اتانيكم بعدني
وهيچ ع المامش رگض
كلساع افك ال باب
علاء... كلشي ميت روحه ترجعله
بس يحس لمسآت اديچ
ابقي طفله اشما كبرتي
بـ دآعت عيوني عليچ
ـــــــــــــــــــــــــــــــــــــــــــــــــــــــــــــــ
الصبح الساعة ب8:00..
ودق... صحيت على صوت ماما وهي دكولي..
أم ستار... يله يمه اكعدي علاء خابرني باجر نروح للمحكمة نفض هالسالفة.
ودق... شنو يعني خلاص بعد ميريدني
ام ستار... اي يمه هو كال هيج
ودق... ماما الله يوفقج كولي غيرها روحي معلكة بي.
ام ستار... يمه انسي مو قسمتج هالولد
ودق... لا ماما االله يوفقج خابري خلي احاجي
ام ستار... يمه عوفي وخلاص ماكو مخابرة
كمت واني اجر الحزن وراي..ليش ياربي حتى ما تهنيت بي، احبه وهيج جازاني...
غسلت ورجعت لكيت ماما مسويه ريوك..
ودق... ما اريد ما اشتهي
ام ستار... اكلي ولا تعاندين
ودق... كوتلج ما اريد ماما فدوه عوفيني.
عفت الاكل ورجعت للغرفة...نزلن دموعي واني اتذكر لمساته وكلماته وحبه، وين راح حبك وانت حتى ما صدكتني..قررت اروحله للبيت واحجي ويا...
رحت لماما وكوتلها...
ودق... ماما اني رايحة لبيت عباس اريد اكوله شغلة يوصلها لعلاء خلاص كولشي انتهى بيناتنا.
ام ستار.... اكعدي واسكتي ماكو طلعة
ودق... ماما فدوه اروحلج خلي اروح
ام ستار... شتسوين رايحة يمه عوفي
ودق... ماما حبابة ما اتأخر
ام ستار... ماشي بسرعة قبل لا يجون ذولة السكارى
ودق... إن شاء الله
لبست حجابي ورتبت نفسي وطلعت ركض... واني طلعت وقفلت الباب نداريت وشفت علاء واكف بابنه..نصدمت شيسوي هنا..
نزل واجه يمي...
علاء... اصعدي
ودق... وين
علاء... اصعدي وراح تعرفين كولشي بعدين
ودق... ما اروح وياك ولا اريدك
حجيت هذا الكلام وهو سحبني لصدره حيل وكتف اديه وهمس بأذني...
علاء... اياج تعيدين كلمة ما اريدك ادفنج ولا تصيرين لغيري واضح
ودق.. عوفني يله مو انت الي مصدكتني وضربتني
علاء... الضربة جانت حتى تتعلمين متضمين عليه شي بعد
ودق... كوتلك عوفني وخر الله لا يوفقك
علاء... من لسانج احلى من العسل اصعدي ولا تعبيني
سحبني من ايدي وصعدني بالسيارة وقفل الباب واني مصدومة..هذا شبي البارحة جان شكل واليوم شكل...
تحركت السيارة وهو ما نطق حرف واحد... واني كسرت الصمت وكوتله...
ودق...شتريد مني خليتني احبك وتزوجتني وعيشتني لحظات احلم بيها وبعدين تضربني وحتى متصدكني واني بريئة
أنت تقرأ
طريق إلى النار
Algemene fictieمزيج من الألم لحكاية تروي لنا كيف هي مصائب الدنيا وكيف يُقسم الله الأقدار فَمنا من يكون نصيبه الفراق ومنا من يبقى تحت الاختبار حتى يتفوق فيه.. رواية #طريق_الى_النار تحكي عن فتاة في عمر الأحلام رأت اختها تحترق امامها.. وحينها تكتشف حب كان مخبأ في...
