رواية #طريق_إلى_النار
//بقلم.. نرجــس صــادق //
خالد... مشتاكلك ..
بس الجرح حارجني
كلما اطلعلك عذر كدام ناسي يذلني
مخليني بالساعه رمل
بس اوكف .. يطيحني ⌛️
ريم... ياهو منكم شاف روحي
وياهو منكم يندل بيا عين طافت
وياهو منكم صادف عيوني العفتهن رصعه بخدود الـ هويته وتيهيته
ـــــــــــــــــــــــــــــــــــــــــــــــــــــــــــــــ
عباس...
طلعت ورحت لسحر واخذتها برة... جان السم صاعد براسي واريد اطفي ناري بيها اني بسببها انضرب بس جنت اشوفها محتارة لهذا ضليت ساكت...
عباس... سحر شبيج وشجابج هنا
سحر... عباس فدوة محتاجتك اني متفقة اروح ويه ستار بس الحقير كايل لسعدية وهسة دزت عليه زلمها كلبو المنطقة كلب عليه صار يومين كاعدة يم صديقتي ومتنكرة.
عباس... هسة شاسوي اني
سحر... اريد ابقى يمك بس هاليومين لحد ما ادبر طلعتي خارج العراق
عباس... سحر انتي شلون تجين لبيتي صدك تحجين حلو الموقف الي خليتيني بي كبال اهلي
سحر... مو قصدي والله بس حباب ساعدني
عباس... سحر ما اكدر اخليج بيتي
سحر... الله يخليك عباس لأول مره راح اكولها لا تخليني اتندم على اليوم الي حبيتك بي.
عباس... شنووو انتي حبيتيني
سحر... صدكني حبيتك من كل وكلبي بس ادري مراح تتقبل وحدة مثلي... اي صح الي مثلي مالها حق تحب.
عباس... المهم تعالي اخذج للشقة تبقين بيها كم يوم بس ممنوع تفتحين الباب بس إلي.
سحر... ماشي
دخلت للبيت واخذت سويج سيارتي واني روحي طالعة... اجيت اطلع وصاح وراية والدي رجعت يمه وهو يسألني...
ابو عباس... شتريد وشعدها جاية عليك
عباس... تريد مكان تبقى بي لحد ما تطلع من العراق
ابو عباس... وانت شكو جايتك متعرف احد بس أنت
عباس... لا بس اني تثق بيه
ابو عباس... ماشاءالله الثقة واصلة مستوى
عباس... شنو السالفة حجي البنية تريد تخلص من عيشتها وناوية تنهزم وهسة دازين ناس عليها حتى يرجعوها ما لكت غيري انسان تثق بي.
أبو عباس... روح الها لا بارك الله بيك نزلت من عيني
عباس... مشكور بوية رحم الله والديك
عفته وطلعت واني احس راح انفجر واريد اطلع القهر الي بصدري تخبلت واني اتذكر كلام ابوي... رحت لسحر وكتلها اصعدي...
صعدت وياية شويه وحجت...
سحر... اسفة مو قصدي اسببلك مشاكل
عباس... مصار شي
سحر... زعلت عليه
عباس... لا على شنو
سحر... عباس أحبك صدكني والله ما شفت انسان مثلك
عباس... ماكو داعي لهالحجي سحر
سكتت واني سكتت والهدوء عم المكان شويه ووصلت للشقة.. نزلت وكوتلها نزلي... نزلت وراية واني فتحت الباب وهي دخلت واني دخلت وراها... رحت للمطبخ وشفت الثلاجة ما بيها شي لازم اروح اجيبلها شي يكفيها بهذا الاسبوع..
طلعت وهي تسألني...
سحر... وين رايح
عباس... اجيب مسواك ماكو شي بالثلاجة
سحر... لا تعذب نفسك مو جوعانة
عباس... هسة انتي مو جوعانة باجر متجوعين
سحر... عباس شكراً على كلشي
عباس... واجبي
أنت تقرأ
طريق إلى النار
Fiksi Umumمزيج من الألم لحكاية تروي لنا كيف هي مصائب الدنيا وكيف يُقسم الله الأقدار فَمنا من يكون نصيبه الفراق ومنا من يبقى تحت الاختبار حتى يتفوق فيه.. رواية #طريق_الى_النار تحكي عن فتاة في عمر الأحلام رأت اختها تحترق امامها.. وحينها تكتشف حب كان مخبأ في...
