رواية #طريق_إلى_النار
//بقلم.. نرجــس صــادق //
علاء.. كُل الغربة الـ بروحي وطنها عيونج الحلوة🕊♥️
ودق.. انتَ بعيونك محطاتي وأمان الدنيا كلها
ما أعيش بلاية گربك خذني شامات اعلى خدك
ـــــــــــــــــــــــــــــــــــــــــــــــــــــــــــــــ
علاء.. طلعت من البيت واني الدنيا مسايعتني واخيرا راح تصير ملكي.. الحمدلله ياربي ألف الحمدلله.
رجعت للاستيديو وكملت يومي بكل نشاط كانه ملكتني الدنيا.. خلصت شغلي ورجعت للبيت.. بدلت وطلعت لماما وهي دتسوي عشه بالمطبخ..
علاء.. حبيبتي طبعاً اني آسف بس ما تركتولي حل
أم علاء.. لا يمه مو مشكلة بس احنه خايفين على مستقبلك
علاء.. ماما على شنو خايفين صح ابوها موزين بس هنة البنات اخلاقهن على امهن.. بنات مؤدبات وخلوقات كولش.
أم علاء.. أي والله صدك يمه واني اشهد. أم ستار كولش خوش مرة.. بس شنسوي هذا تفكير ابوك.
علاء.. المهم هسة الحمدلله من وافق.
بست راس الوالدة وطلعت من المطبخ ورجعت لغرفتي.. اخذت موبايلي واتصلت على عباس..
عباس.. هلا بالعاشق
علاء.. ابشرك
عباس.. ها ولك وافق ابوك
علاء.. أي الحمدلله
عباس... خرب اصبر خلي اروح لامي اخليها تهلهلك.
علاء.. ههههههههههههه ولك اكعد
راح عباس لوالدته وكللها يمه هلهولة لعلاء راح يتزوج وامه مكالت لا... طكتنا بهلهولة زرفت اذني بيها..
ـ ههههههههه ولك عباس هذي مو هلهولة مدفع.
عباس.. شعبالك لعد امي سهلة.
علاء.. الله يحفظها يارب
عباس.. أي حبيبي شوكت أن شآء الله مقرر الزواج
علاء.. باجر نروح نخطبها وإن شاء الله كولشي سهل.
عباس.. اي الله يتمم أن شآء الله
علاء.. حبيبي يوم الالك
عباس.. الله لا يكولها تريد تورطني
علاء.. ههههههه عود من تحب كول هيج.
غلقته من عباس بعد ما كعدنا نسولف شويه.. تذكرت اني ما كولت لعباس انه خالد اتصل، خرب إذا عرف اني مكايله يزعل عليه.
كولت باجر اكوله.. بس هسة خلي اتصل على خالد واكوله.
اتصلت على خالد.. مجاوبني خير ليكون صار بي شي..
رجعت اتصلت.. شويه وجاوبني..
علاء.. ها حبيبي وينك خوفتني
خالد.. جنت اكل وما لحكت اجاوبك
علاء.. الف عافية حبيبي
خالد.. الله يعافيك
علاء.. شلونك
خالد.. على الله وانت شلونك شخبارك
علاء.. راح اتزوج
خالد.. شنوو صدوك تحجي شوكت ومنو..
علاء.. أن شآء الله قريب كولش
خالد.. منو سعيدة الحظ
علاء.. احزر راح تتفاجئ
خالد.. والله حمستني دكولي منو فدوة.
علاء.. ودق اخت ريم.
خالد.. شنو معقولة، شنو الي خلاك تفكر بيها صغيرة بعدها.
علاء.. احبها ومن أول لحظة شفتها بيها
خالد.. معقولة علاء ما توقعتك والله
علاء.. ليش
خالد.. ما ادري بيك عاشك
علاء.. هههههه وهسة شنو رأيك
خالد.. خير ما اختاريت والله، الف مبروك مقدمةً بس اني مراح احضر عرسك واني الي جنت اخطط بعرسك اللعب فلك.
علاء.. أنت الي عفتني
خالد.. لا تفتح جروحي
علاء.. أنسى ولا تأذي نفسك
خالد.. شانسى علاء، ريم بروحي نايمة مستحيل أكدر انساها.
علاء.. خالد لازم تتقبل الواقع وخلاص حتى حرام عليك تفكر بيها الآن.
خالد.. حقك بهاي بس تعال اقنع كلبي كل مرة اكوله ربي كلبي ميقتنع سامحني.
علاء.. أوف ولك لا تأذيني والله كل الوقت بالي يمك.
خالد.. علاء ريم امانة عندك لا تتركها أي شي تحتاجه اريدك انت تكون سندها.
علاء.. تدلل حبيبي
خالد.. هسه اني اترخص حبيبي ان شاء الله بعدين نحجي.
أنت تقرأ
طريق إلى النار
General Fictionمزيج من الألم لحكاية تروي لنا كيف هي مصائب الدنيا وكيف يُقسم الله الأقدار فَمنا من يكون نصيبه الفراق ومنا من يبقى تحت الاختبار حتى يتفوق فيه.. رواية #طريق_الى_النار تحكي عن فتاة في عمر الأحلام رأت اختها تحترق امامها.. وحينها تكتشف حب كان مخبأ في...
