رواية #طريق_إلى_النار
//بقلم.. نرجــس صــادق //
خالد... الصار منك مو شوية
من تفاركنة حجيت حجاية تكسر
ديربالك على روحك هيج كتلي
جا صرت زين ودرت بالك علية
ريم... وحك الما تنام الا وتغطيني
ونه تجيبني و ونه التوديني
كضن عمري الليالي شوكت يكضن ؟
ـــــــــــــــــــــــــــــــــــــــــــــــــــــــــــــــ
ودق...
رجعت من الصالون واني مقررة احضر مفاجئة لعلاء.. اخذت الغراض الي اشتريتهم ورتبتهم بغرفتي...
اخذت ملابس الي اشتريتهم ورحت للحمام سبحت وبدلت وطلعت وماما تصنف عليه... ساعة تضحك وساعة دكولي الله يديم العقل.
تذكرت باجر إعلان النتائج واني خايفة لأنه ما قريت زين... انتظرت يجي علاء... لحد الساعه ب6 دخل علاء...
علاء... السلام عليكم
ام ستار... وعليكم السلام هلا يمه
كمت وتقربت يمه وهو عيونه مفاركتني... حضنته..
ودق... هلا بحبيبي وزوجي
علاء... شلونج حب
ودق... بشوفتك بخير
علاء... فدوة لهالعيون
ودق... امممم
علاء... ها راح تخلصيها امممات
ودق... لا بس هم اجتك ليلى اليوم
علاء... هسة شجاب قندرة بالنص عوفينه من طاريها وتعالي كوليلي شنو هالجمال اليوم.
ودق... حبيت اغير عجبك
علاء... مو بس عجبني واخذ عقلي وكلبي.
ودق...احبك
علاء...حياتي يله راح اسبح وابدل ميت تعب
صعد علاء فوك وماما اشرتلي اصعدي وراا... صعدت للغرفة ولكيته ديبدل ملابسه... كعد على الجرباية وصاحني اكعد يمه... رحت كعدت يمه وحسيته مهموم...
علاء... حياتي الوالد كولش تعبان والدكتور كال إلا عملية بالهند.
ودق... اي عادي خلي نودي للهند
علاء... تكلف هواية واخوتي ما عدهم بس اني معناها العملية كلهة راح تصير عليه ومهدي يتبرع بجزء منها.
ودق... عادي بس انت هم ما عندك
علاء... ابيع السيارة والقطعة مالتي
ودق... اي حبيبي هذا واجبك
علاء... ان شاء الله بس اخاف نتأخر بالبيع والدكتور كال ضروري خلال شهر تنقلوا للهند
ودق... لا حبيبي كول ان شاء الله تبيعهن بسرعة
علاء... ان شاء الله
حضرتله ملابسه وراح يسبح واني اخذت الملابس ورحت للحمام.. خليتهم اله بالحمام وطلعت اركض بس يشوفني يجلب بيه...
رجعت للغرفة وكعدت على الجرباية انتبهت موبايله ما بي شحن... كمت اخذت الشاحنة وخليته على الشحن.. رن بايدي واني فزيت.. باوعت المتصل مهدي..
كلبي نغزني وحسيت لازم اجاوب على المكالمة... فتحت المكالمة...
واجتني صرخة مهدي وهو يصيح ويبجي ...
مهدي.... علاء خويه ابونا مات ظهري نكسر علاء
بدون ما احس، والموبايل وكع مني ولحد الآن ما مستوعبة الصدمة... لحظات واني احاول استوعب واني واكفة... وكعت على رجلية بعد ما اكدر اوكف... رجعت اخذت الموبايل جان مهدي ساد المكالمة...
رجعت اتصلت علي ماكو ميجاوب... كررت الاتصال واجاني صوته وهو ينحب...
مهدي... علاء وينك
ودق... حجيتها بشكة
ـ خويه صدك عمي مات
مهدي... اي ودق اي ابوي مات
سديته واني اباوع للموبايل ومثل الي ما مصدكه واكول هسة يتصل مهدي ويكول جذب ما ميت.
مصدومة وحتى دمعة ما نزلت ما مصدكة مستحيل شلون مات وليش مات... واني اسأل بنفسي كل شوية ما حسيت بعلاء من دخل للغرفة... حس عليه وهو يشوفني كاعدة بالكاع ولازمة الموبايل واباوعله... اجاني يركض..
علاء... شبيج حبيبتي ليش وجهج أصفر
باوعتله ونزلت دمعتي وكوتله بصوت مبحوح...
ودق... علاء عمي مات
باوعلي للحظات مثل الي ما مصدك وهو يباوع لعيوني وشاف دموعي وصدمتي صرخ بكل صوته....
علاء.... انتييييييي شتحجيييييين شنووووو مااااات
ودق... مهدي كال
كام وهو يريد يطلع... وكع على الباب وسيطر على نفسه ورجع كام... ركضت ورا بس ما لحكت علي... طلع يركض وهو ما مسيطر على نفسه... زاد خوفي علي وحسيت رجليه بعد ما يشيلني...
وكعت بالكاع وماما اجت تركض وهي تلطم...
ام ستار... ولج يمه شبيج
ودق... صرخت بكل صوتي واني ابجي...
ـ يمه عمي مات
أم ستار... ولج يمه صدك تحجين
ودق... اي
صرخت امي ولطمت على صدرها واني فقدت اللطم وابجي وكلبي ينغزني على علاء وخايفة يوكع ويصير بي شي...
ركضت للبيت واخذت موبايل ماما... واتصلت على عباس..
ماكو جواب... رجعت اتصلت وجاوبني...
ودق... خويه فدوة انت وين
عباس... اعرف تردين توصيني على علاء اني رايح ورا للمستشفى ادري بي ما يتحمل.
ودق... الله يخليك تعال اخذني وياك ما اكدر ابقى بعيدة عنه
عباس... راح ادزلج خالد
ودق... ماشي
ربع ساعة وسمعت صوت سيارة برة... عرفت اجه خالد.. ركضت لبست اسود وماما بدلت وطلعنا... صعدنا ويه خالد وهو سلم عليه..
خالد... شلونج خويه البقاء بحياتج
ودق... الله يسلمك البقاء لله
خالد... اول شي انتي حامل لا تضغطين على نفسج وثاني شي لازم تصيرين قوية ولا تضعفين كبال علاء لأن هو محتاجج هسة.
ودق... ان شاء الله
وصلني للمستشفى ونزل ونزلت وراا وماما وياي... دخلت لكيت المستشفى مكلوبة وكلهت ملتمة على عمي وفاطمة وعمتي كطعن نفسهن تكطع.. وعلاء ما موجود تخبلت ركضت لمهدي واني اكوله...
ودق... علاء وين خويه
مهدي... علاء صعد ضغطه ووكع وكوة شلنا وهسة بذيج الغرفة شدوله مغذي... والدكتور كال مدام منطي كلية ميصير يصعد ضغطه كل شويه.
ركضت وره خالد الي جان يمشي قبلي ودخل الغرفة... واشوف عباس واكف فوك راسه وعلاء متمدد ومغمض عيونه ومخليله مغذي...
ركضت اله واني وصلت للسدية واني وكعت من طولي الموقف مرعب واني اسمع الصريخ واشوف علاء كبالي ممدد.. وكعت ولزمني خالد وهو يكولي...
خالد... اسم الله خويه على كيفج مو زين هيج
كمت وتقربت يمه ونزلت دموعي واني اتمنى يفتح عيونه... بعد ساعة الكل هدأ وكلهم طلعوا لأن عمي طلعوا واخذوا للمغيسل.. بقه بس عباس وخالد يم علاء...
فتح عيونه علاء وطفر ولزموا عباس وخالد...
عباس... اكعد لا دكوم على كيفك ضغطك صاعد
علاء... وخرر عني ابوي وين
حضنوا عباس وخالد وهو لكاها فرصة وكام يصرخ واول مرة اشوف علاء يبجي بهاي الطريقة... بجيت على صوته وحركة كلبه.
وخروا عنه وكام وهو يستند على خالد... طلعه خالد وما قبل عباس اروح وياهم..
رجعت صعدت ويه عباس الي رجعني لبيت عمي وجان البيت مكلوب... اخواته واخوانه واقاربهم والجيران والكل وحتى البيت ما بي مكان من كد العالم الي اللتمت...
خواته لعمي كطعن نفسهن باللطم والبجي... والعالم كلها تبجي علي... بعد 3 ساعات تقريباً..
رجعوا وجابوا التابوت ودخلوا جوة... ذبت نفسها فاطمة على التابوت وشكت ملابسها وركض زوجها لزمها وهو يهدء بيها... نام علاء على التابوت هو ومهدي وصريخهم مسموع... وبهاء جان واكف بعيد ويبجي...
أول مره اشوف حال علاء هيج... حاضنين التابوت ويبجون... صاحت عمتي...
ام علاء... وين عفتني ورحت ياابو بيتي وين رحت
جان حالهم يكطع الكلب.. رحت يم علاء وحضنت ايده واني ابجي... انتبهلي وحضني وهو يبجي ويصرخ...
بعد ساعات هدأو وكعد علاء ومهدي يقرون قران يم راسه... وعلاء طول ما هو يقره قران ما وكفت دموعه... رحت جبت قران وكعدت يمه وكمت اقرأ...
وفاطمة نايمة بحضن عمتي وتبجي والليل كله ما وكفت دموعها
كمنا صلينه ورجعنا... فاطمة نامت وعمتي هم نامت وجانت حالتهن ما تتسولف... علاء كعد ومدد رجليه ورجع راسه للحايط ودموعه ما وكفت... رحت كعدت يمه واني لازمة ايده..
ودق.. البقاء بحياتك يروحي
علاء... صح هو راضي عليه بس احس قصرت وياا واحس اذيته راح واني ما عوضته عن الأيام الي عفته بيهن راح وما شبعت منه.
ودق... ميصير هيج تأذي نفسك علاء مو زين عليك ضغطك يصعد منو الي إذا صار بيك شي لا سامح الله.
علاء... انتي ديربالج على نفسج ولا تنسين انتي حامل
ودق... اني بخير من اشوفك انت بخير
ضل كاعد ويبجي واني خليت راسي على صدره واشهك على صوته...
دخل مهدي واني وخرت عن علاء... اجه وكعد يم علاء بالجهة الثانية..
مهدي... كوم ب8 الدفنة
علاء... مهدي تعبان شويه مو هسة نطلع
مهدي... علاء تره امي وفاطمة منهارات إذا يشوفنك هيج يتخبلن بالزايد قوي نفسك
علاء... مهدي اني احس بالذنب افهمني ما اكدر اسيطر على نفسي
مهدي... على شنو تحس بالذنب ابوي بالايام الاخيرة يبجي عليك ويكول كلوله خلي يسامحني اني ضلمته اني أذيته.
علاء... والله ما شلت بكلبي علي واني اريده يسامحني
مهدي... إذا اني وياك نضعف منو يشيل الفاتحة كوم حبيبي
أنت تقرأ
طريق إلى النار
General Fictionمزيج من الألم لحكاية تروي لنا كيف هي مصائب الدنيا وكيف يُقسم الله الأقدار فَمنا من يكون نصيبه الفراق ومنا من يبقى تحت الاختبار حتى يتفوق فيه.. رواية #طريق_الى_النار تحكي عن فتاة في عمر الأحلام رأت اختها تحترق امامها.. وحينها تكتشف حب كان مخبأ في...
