رواية #طريق_إلى_النار
//بقلم.. نرجــس صــادق //
خالد.... توادعنه ونسيت بوجهك عيوني
ريم... ترى انه من كثر متولعت بيك
جن وتلبست بعضاي حسيت
جابولي اليطلع يعرف الجان
غلط طلعني انه وانت ظليت
ـــــــــــــــــــــــــــــــــــــــــــــــــــــــــــــــ
ريم...
بعد ساعة رجع حسن وعلاوي بايده... ركضت وحضنته واني افرفح.. اوف يمه امانة هبة اسم الله على اسمك حبيبي..
حسن... خوية ديريبالج على الطفل لأن إذا ينشمر بعد مرة ثانية مو زين علي.
ريم... خوية شبيدي علي متعلعل على وسام من يوم راح لليوم الطفل متخبل.
حسن... خلي يحجي ويه وسام جيبي افتحله كاميرا ويه ابوو حتى يرتاح.
اتصل حسن على وسام وسلم علي وبعدين فتح وياا كاميرا وانطانياها...
بعدتها عني وخليتها على علاوي وهو نايم... وسام لمن شاف علاوي صاح بصوت...
وسام... وليدي حبيبي مشتاقلك
بمجرد ما سمع صوت وسام طفر وهو يجر مني الموبايل ويبوس بالكاميرا...
علي... بابا
وسام... حبيبي يبعد روحي شبيك
علي... اليدك
وسام... يروحي جم يوم وارجع بس اكمل عملية وارجع
علي... اعبك(احبك)
وسام... واني هم اموت عليك
ضل يسولف ويه وسام ويشكيله على كولشي ووسام منطلق يسولف وياا... بعدين كله انطيني امك..
انطاني الجهاز والكاميرا مفتوحة رحت لحسن حتى يسد الكاميرا... سدها وانطانيا...
وسام... ليش سديتي الكاميرا مشتاقلج وميت على شوفتج
ريم... شلونك شخبارك
وسام... الحمدلله بخير من سمعت صوتج
ريم... شوكت ترجع
وسام... بعد ما تكمل عمليتي
ريم... ماشي ان شاء الله خير يله اني اترخص.
وسام... بهالسرعة ما شبعت منج
ريم... علاوي لازم اوكله وانطي دوة
وسام... براحتج ديربالج على الجهال وبالخصوص علاوي وابو الأكبر
ريم... أن شاءلله
سديته ورجعت الموبايل لحسن ورحت للمطبخ اسوي اكل لعلاوي... اجتي ليليان يمي..
ليليان... ريم ليش متحبي لوسام خطيه
ريم... شنوو ما فهمت
ليليان... اني اعرف من نظرات عيونج متحبين وسام والدليل هسة حتى ما شفت الخوف بعيونج علي.
ريم... لا ما عندي شي ويااا
ليليان... اصلا تعاملينه علمود الحجي واسقاط فرض مو حباً بي... بس ريم خلي ابالج وسام ماكو مثله وحباب.. يجوز كلبج ما يحبه بس والله ميستاهل هيج جفاء منج
ريم... ليليان الحجي سهل بس الفعل صعب محد يعرف شبيه اني
ليليان... خالد السبب
نصدمت وجانت كلماتها مثل الزلزال وهزني هز.. باوعتله وتلعثمت..
ليليان... اعرف بخالد ريم بدون قصد واالله وسمعت كلامج انتي وامج ذاك اليوم
ريم... تعذريني لو هم تحمليني الذنب
ليليان... اني منو حتى احملج ذنب الله هو الي يحكم بس حاولي تضغطين على نفسج وتقدمين لوسام حب حتى إذا قليل.
ريم... حب ما أكدر انطي بس اهتمام اي
ليليان... الله يبرد كلبج حبيبتي
عافتني وراحت وجان كلامها الي مثل المجروح وخلوا على جرحه ملح..
نزلت دموعي وما حسيت على نفسي غير لمن وكع الجاي على رجلي واني صرخت...
اجه حسن وخالتي يركضون ومن شافوا رجلي ورمت.. بسرعة جابولي دهن حرق وكعدت خالتي تخلي على رجلي... وهي دكولي..
ام حسن... شبيج ما تنتبهين
أنت تقرأ
طريق إلى النار
Fiksi Umumمزيج من الألم لحكاية تروي لنا كيف هي مصائب الدنيا وكيف يُقسم الله الأقدار فَمنا من يكون نصيبه الفراق ومنا من يبقى تحت الاختبار حتى يتفوق فيه.. رواية #طريق_الى_النار تحكي عن فتاة في عمر الأحلام رأت اختها تحترق امامها.. وحينها تكتشف حب كان مخبأ في...
