طريق إلى النار

البارت الثامن عشر

رواية #طريق_ال_النار
//الكاتبة.. نرجــس صــادق //

خالد.. بچيتـــک  مــن شفــت
روحــي اشــتهت صــوتک
بچيــتك يل متــت بيــه
وشلــت بعــيوني تابــوتـک

ريم...يچــذبنـــي
و اچــذبـه
و بــ العشــگ نحلـــف
و فــنه الــ گـــال احـــبك دون ما يــرجــف

ـــــــــــــــــــــــــــــــــــــــــــــــــــــــــــــــ
إيمان.. دخلت على خالد بعد ما أصدقائه راحوا
تقربت يمه واني اشوفه الحزن طاغي على ملامحه وهو مغمض عيونه.. دنكت علي وبسته من خده وهو فز..
ـ سودة عليه حبيبي كعدتك
ـ لا أصلا اني ما نايم بس ما حسيت عليج من دخلتي
ـ مصار هواي من دخلت هستوني.. شلون صرت
ـ على الله
ـ خالد ماما كلبها نار عليك وهي متدري بيك والله.. كوتلها هبط ضغطه وراح للمستشفى.
ـ وينها خلي تجي اريد اشوفها
ـ هسة تجي ما تدري انه جماعتك راحوا
رايحة اصيحها واجي.
ركضت صحت لماما واجيت.. دخلت ماما وهي تبجي
أم خالد.. ولك يمه ليش تخوفني عليك
خالد... الغالية حبيبتي ما بيه شي هو ضغطي هبط
ام خالد.. يمه لأن ما تاكل هبط ضغطك
خالد.. لا يمه مو على الأكل بس بسبب التعب
أم خالد.. يمه مو اكلك ارتاح شويه اكعد كم يوم هنا وارتاح.
خالد.. إن شاءلله خير
أم خالد.. يمه شتريد اسويلك غده حبيبي
خالد.. ما اريد شي يمه ما اشتهي
أم خالد.. لا يمه لازم تاكل حتى تشيل روحك شويه
خالد.. يمه ما اشتهي هسة
أم خالد.. يله يحبيبي ارتاح.. كومي ايمان خلي اخوج يرتاح
خالد.. خلي ايمان يمي شويه
أم خالد.. خوش يمه بس مو تصرعين اخوج بطلباتج
ايمان.. يمه شبيج قابل صغيرة
أم خالد... مو اعرفج واعرف سوالفج..

ايمان...
طلعت ماما واني تقربت يم خالد واني اباوعله نزلت دموعه وهو يكولي..
ـ إيمان اريد اشوف ريم فدوة اخر مرة
ـ حبيبي خالد أنت تعرف ريم عقدت ميصير تشوفها.
ـ ايمان يجوز هذي اخر امنية إلي مراح تحققيها إلي
ـ اسم الله عليك يبعد اختك.. من عيوني والله تدلل
اني احاول أدبر طريقة اخليك تشوفها.
ـ بس بسرعة واليوم
ـ ليش مستعجل شكو
ـ أحسن أريد اليوم
ـ ماشي هسة راح اروح عليهم بحجة اباركلها واشوفها.
طلعت من يم خالد وروحي تلوب وكلبي ناغزني حاسه خالد براسه شي.. معقولة ينتحر؟؟
لا لا مستحيل  ميسويها خالد عاقل.
اوف ياربي اللطف... رحت لبيت أم ستار،، دكيت الباب
ثواني وطلعتلي ودق..
ـ هلو ايمان تفضلي
ـ هلو حبيبتي ريم وين
ـ ريم جوة نايمة تفضلي
ـ خير ولج ليش نايمة اكو واحد ينام بهذا الوقت
ـ ادخلي ونسولف جوة

دخلت واخذتني ودق لغرفة ريم.. سلمت على خالتي أم ستار وشفت ريم نايمة والوجه ازرك وتون بهدوء...
تقربت يمها وكوتلها...
ـ ريم حبي اكعدي اجيت اسلم عليج

فتحت عيونها وياريت ما فتحتهن.. العيون دم حمر والدموع تنزل لا ارادياً كسرت خاطري واني اشوف حزنها ماكل ملامحها..
ـ هلو ايمان حبيبتي
ـ ريومة يعمري شبيج ليش هيج مسويه بنفسج
ـ أوف ايمان الي تشوفينه ربع من عذاب كلبي.
ـ سودة عليه حبيبتي بعدوينج إن شاءلله
كعدت اسولف وياها وما كدرت افتح وياها موضوع لأن امها كاعدة.. شويه وكامت امها اجاها اتصال..
ـ ريم حبي اريد اكولج شغله
ـ كولي حبيبتي
ـ خالد يريد يشوفج
ـ شنو.. شلون يريد يشوفني
ـ راح اكول لامج ترحين وياي تغيرن جو وهناك كعدي ويا وسولفوا
ـ ايمان ما اكدر  بيا عين اشوفه فدوة
ـ اسكتي هو يريد يشوفج
ـ خاف هذا اللقاء راح يزيد جروحنا مو يطيبها
ـ ريم خالد يحبج مستحيل يأذيج
ـ ماشي بس اريد اطلب منج طلب
ـ كولي حبي
ـ تديرين بالج على خالد بغيابي
ـ حبيبتي لا توصين حريص
بعدها رحت لخالتي أم ستار اخذت أذن منها واخذت ريم ورحت لبيتنا...
دخلنا جوة كانت ماما بغرفتها...
ـ ريم روحي خالد بغرفته موجود
ـ ايمان فدوة ما اكدر وحدي
ـ ريم لا تخافين خالد متمدد بالفراش لأن مريض امشي روحي.
راحت ريم دخلت لغرفة خالد واني كعدت جوة..