طريق إلى النار

بارت 51

رواية #طريق_إلى_النار
//بقلم.. نرجــس صــادق //

خالد... عودتني ..
او واعدتنـَي ..

تـّالـَي منٌ ردتـگ مشيت
وفـِارگتني !

كل شـي عشتـهّ
وبرحيلڪ گبـّرتنـي

ريم... ويا هلي ..
لو ضعت منكم ؟
عني لتنشدون وادم
مالي بلوادم ربع
روحو خمو اعيون كل متعوب
تلگوني دمع

ـــــــــــــــــــــــــــــــــــــــــــــــــــــــــــــــ
إيمان...
بعد ما قرر الدكتور بإنه لازم ننطي كلية وحالته تدهورت كولش... دخل علاء لصالة العمليات واجتي ودق وخالتي ام ستار وصار قلقنا وخوفنا على علاء الي بدون تفكير قرر انه ينطي خالد وحدة من كلياته...
بعد 3 ساعات كملت عملية علاء والحمدلله جان بصحة زينة.. ركضنا كلنا دخلنا يمه وجانت ودق تبجي...
انطانه الدكتور وصايا لازم نعتني بعلاء وتغذيته...

بعد مرور 4 ساعات تقريباً كملت عملية خالد وطلع الدكتور وبشرنا بأنه عملية خالد نحجت والحمدلله وسمحلنا نشوفه بعد ما يصحى..

مرت 5 ساعات تقريباً واحنه ننتظر يصحى خالد وعباس راح لعلاء واني رحت اطمأن على علاء...
عباس... علاء حبيبي يله خلي اخذك للبيت
علاء... ما اروح إلا يطلع خالد
عباس... لا تعاند وكوم انت هسة طالع من عملية
علاء... كوتلك ما اروح والله
عباس... لا تجبرني ازعلك كوم يله وإن شاءلله تتحسن باجر نجيبك لخالد

عباس جبر علاء واخذه للبيت والي فرحنا انه علاء حالته ممتازة وماكو اي آثار جانبية...

بقينه اني وفاضل وبيت عمو ننتظر خالد يصحى... شوية وطلعت الممرضة وكالت..
ـ المريض كعد وتكدرون تشوفو

دخلنا على خالد وجان ذبلان وكوة يتنفس.. باوعلي وابتسم وهو كوة ينطق..
خالد... شلونج
إيمان... يروحي من شفتك صرت بخير
خالد... منو تبرعلي بالكلية
إيمان... علاء
ابتسم ونزلت دمعة من عيونه.. نزلت دموعي واني اشوف اخوي ذبلان ومو ذاك خالد ابو ضحكة الحلوة..
تقرب يمه فاضل وضل يسأله ويسولفون واني كلبي ينعصر كلما اباوعله واشوفه متمدد كبالي... اسم الله على اسمه جان بحلك الموت والحمدلله من رجعلنا.

ودق...
بعد ما طلعنا علاء للبيت وهو ضايج كولش لان جبره عباس يطلع حتى يرتاح..
مر اسبوع على عملية خالد وعلاء وكل يوم علاء وعباس يروحون لخالد للمستشفى وبالليل يله يرجعون... وبهذا الوقت اني جنت هاملة نفسي وحتى موعد الدكتورة جان لازم اروح وما كدرت اروح بسبب وضع علاء... اني اعرف حبهم وعلاقتهم بس ما جنت متوقعة علاء هيج يضحي علمود خالد...
حسيت بألم بطني كولش قوي تجاهلته ورحت يم علاء لكيته نايم.. رجعت لماما وكوتلها على الألم..
ام ستار... يمه امشي اخذج للدكتورة هم نسويلج سونار وهم نطمأن على الطفل
ودق... ما اكدر اعوف علاء ماما
ام ستار... نخلي عباس ياخذنه ما نتأخر يمه
ودق... لا ما اعوف علاء ماما