رواية#طريق_الى_النار
//بقلم...نرجــس صــادق //
خالد... مشتاگلك ..
والليل وحشة
ودمعتي التنزل ثكيله
وصوتها من اطيح عالي
ريم... أنام وتوصل دموعي لِذاني
ـــــــــــــــــــــــــــــــــــــــــــــــــــــــــــــــ
خالد...
جان ابوها يتوسل حتى استر عليها وابقيها عندي على الأقل 6 أشهر
ما جنت مستوعب اخليها يمي بعد سوايتها لعبت نفسي منها وما اريد اشوفها ولا طايقها...جان فاضل رافض بقائها بس للحظة حسيت بانكسار والدها وعجزه فقررت انطي فرصة اخيرة مو علمودها علمود ابوها...
ام سرى...ليش تتوسل بي خلي يولي بنتي ما غلطانة
ابو سرى... انتي بالذات تسكتين كله بسببج تربيتج السزز هذي
ام سرى... اني شعليه تذبها براسي مو بس بنتي هي
ابو سرى...بوية خالد الله يوفقك لخاطري
خالد...خلاص عمي تبقى عندي 6 أشهر بس وبعدها اطلكها
ابو سرى...الله يوفقك بوية عسى ما 4 أشهر متفضل علينه بوية
خالد... ماشي بس بشرط تاخذوها يمكم لأن مطايق اشوف وجها كبالي
ابو سرى... خوش بوية ناخذها هالشهرين وبعدين نرجعها
خالد... تمام
راحوا واخذوها وياهم وبقت بس علا وفاضل... كمت واني راسي موتني...
طلعت وبوجهي على علاء... جانت الساعة ب7 الصبح... دكيت الباب وبعد دقايق طلعلي علاء وهو بعده نعسان...
علاء... خير ولك شكو من الصبح
خالد... دكول صباح الخير من الصبح
علاء... مو صدمتني شعندك من الصبح
خالد.. نجب واخذلي طريق يله
علاء... تعال تفضل
دخلت جوة وراح علاء شويه ورجع... كعد كبالي وهو يسألني...
علاء... خالد شبيك مبين ضايج
خالد... اي والله كولش تعبان اريد ارتاح شردت من البيت
علاء... شكو شصاير
سولفت لعلاء كولشي وهو نصدم... كوتله...
خالد... ما اعرف إذا جان قراري صح
علاء... ما اعرف شاكولك بس لو اني بدالك ما ابقيها عندي
خالد... سويت الي عليه بس اني جايك اريد ارتاح شويه خابر على عباس خلي يجي
علاء... تمام
بعد دقايق واجه عباس وكعدنا سوية... صار من زمان مكاعد وياهم واخر فترة كرهت حتى نفسي.
ريم...
مرت الأيام والوضع طبيعي ووسام جان مشغول بمشروعه الجديد الي دخل بشراكة ويه ولد ما اعرفه من اهل بغداد...علاوي كل يوم يزيد تعلقه بوسام وزنوبة دخلتها روضة وسجاد كبر حبيبي وصار عمره سنة وكلما يكبر كلما يصير احلى وابو الأكبر الي شالع كلبي بسبب دلال وسام عمره 7 أشهر ووكح كولش...
ليليان صار عدها حمل وفرحانة بي ما اعرف شبيها متشبع من الأطفال... الكل بالبيت فرحان حتى إذا يصير عدهم جيش أطفال مو مهم كولش يحبون الأطفال...
لحد ما بيوم كاعدة اكلب بالموبايل اجاني طلب على الفيسبوك...تفاجئت لان اني محد يعرف حسابي...ترددت اوافق علي لو لا بعدين وافقت...
اول ما وافقت اجتني رسالة مكتوب بيها...
ـ هلوو شلونج
ضليت افكر معقولة يعرفني منو هذا...جاوبت علي..
ـ اهلا منو
ـ حاب اتعرف
ـ اني متزوجة وعيب عليك تحجي هيج
ـ اعرف متزوجة واني جايج خصوصي لأن عاجبتني
ـ منو انت
ـ ريم حيل يعجبني اسمج... اسمج اسم غزال وشكلج بعد احلى من الغزال
ـ منو انت اريد اعرف يعني انت تعرفني
ـ واعرفج كلش زين
طلعت من المحادثة واني ارجف ثواني واجتني رسالته...
ـ ليش ترجفين إذا تصيرين حبابة ومطيعة ما أذيج
باوعت لنفسي صدك ارجف معقولة يراقبني شمدري اني ارجف...طلعت من الفيس وسديت النت وكلبي يدك بالثانية الف...ضليت افكر متو هذا وشيريد مني وشلون يعرفني ما حسيت على الوقت غير صاير الليل...
خليت الموبايل بالكنتور خفت وسام يشوفه ...
طلعت بوجهي للمطبخ لكيت ليليان تحضر بالعشه... شافتني وحست بيه..
ليليان...شبيج وجهج اصفر خير شصاير
ريم... لا ماكو شي حبي
ليليان...لعد شبيج ترجفين خير ريم شكو
ريم... لا ابد ماكو شي
ليليان...ولج تعلميني بيج
ريم...كتلج ماكو شي شبيج ليليان
ليليان...براحتج حبي
خلينه العشه والكل كعد ووسام بعده مجاي...شويه ودخل وسام وعلاوي ركض علي ووسام عوده كلما يجي لازم جايبله شي وياا..
نزل وسام على رجليه وصار بمستوى علاوي وحضنه...
علاوي... وين كيكة
وسام... حبيبي معقولة انساك هذي كيكة وعصير وكلشي.
اجه وسام وكعد يتعشى واني جان مل تفكيري بهذا الشخص الي ما اعرفه...
كملنا عشة وكملت تنظيف المطبخ ورجعت لغرفتي وجان ابالي اطلع الموبايل واشوف هذا الشخص شنو داز...دخلت وتفاجئت وسام كاعد بالغرفة...باوعلي وحس بيه مرتبكة...
وسام...شبيج حبيبتي
ريم... ما بيه شي بس راسي يوجعني شويه
وسام...تعالي اكعدي يمي
رحت كعدت يمه واني اديه ترجف وحاسه نفسي توترت حس عليه وكلي..
وسام...حياتي اخذتي علاجج
ريم...لا
وسام...ليش ما اخذتي علاج
ريم...نسيته
وسام.. حبيبتي ليش متهتمين بصحتج ميصير انتي مو زغيرة
ريم...هسة اخذ العلاج
اجيت اكوم حتى اجيب علاجي لزم ايدي وكلي...
وسام...اكعدي حبي اني اجيبه الج
راح يجيب مي ويجيب علاجي واني طفرت طلعت موبايلي من الكنتور...فتحت نت وبدت تجيني الرسائل رجعت سديت النت...
شويه واجه وسام وهو جايبلي العلاج....
وسام...معاجبني وضعج باجر اخذج للدكتور
ريم... لا ما بيه شي بس اخذ علاجي اصير احسن
وسام....هاج اخذي
بعد ما اخذت العلاج...وسام جان يشتغل على الحاسبة ما اعرف شنو...شويه واخذ موبايله واتصل...
سده وباوعلي...
وسام...حبيبي انطيني جهازج اني خلصت رصيد
ارتبكت وما اعرف شاسوي ضليت متصنمة شلون انطي جهازي واكيد راح يشوف كلشي...كتله...
ريم....اني هم ما عندي رصيد
وسام....يووو هسة شلون اخابر علي
كام وطلع واني تنفست وكدرت اخذ نفس الحمدلله لو ما مجذبة جان هسة شاف كلشي...
أنت تقرأ
طريق إلى النار
Ficção Geralمزيج من الألم لحكاية تروي لنا كيف هي مصائب الدنيا وكيف يُقسم الله الأقدار فَمنا من يكون نصيبه الفراق ومنا من يبقى تحت الاختبار حتى يتفوق فيه.. رواية #طريق_الى_النار تحكي عن فتاة في عمر الأحلام رأت اختها تحترق امامها.. وحينها تكتشف حب كان مخبأ في...
