رواية #طريق_إلى_النار
//بقلم.. نرجــس صــادق //
خالد... الرسايل كلهن انكتبن عليك
وانت ذاك الماشفتهن
جم ضرف وديت وعيونك جزتهن
وانت ذاك الشككتني وشككتهن
ريم... أغـربُل ماي اشـوه ولا اگـول أنساك
ـــــــــــــــــــــــــــــــــــــــــــــــــــــــــــــــ
ريم...
جنت بالمطبخ اسوي عشة ووسام ما رجع اليوم وبالي ضل يمه لأن هو زعلان مني ومحد فهمني.. رحت للحجية لكيتها تصلي.. دخلت وكعدت يمها...
كملت صلاة وباوعتلي وهي ضايجة مني..
ريم.. حجية ليش محد يفهمني أقسم بالله مو قصدي هيج
الحجية... يمه انتي جرحتي حتى إذا مو قصدج وهالتشوفين اليوم الولد هاج ما هو
ريم.. اتصل علي ميجاوبني
الحجية... اي لا هو ولا خالج ولا الولد غير نفتهم شكو
ريم... اتصلي عليهم انتي فدوة
انطيتها موبايلها واتصلت على وسام... شويه وجاوبها...
وسام... الوو ها حجية
الحجية... وينك حبيبي شو ما اجيت اليوم
وسام... اي اليوم طلعت لبغداد كملت كلشي وراح استلم حصتي وارجع باجر أن شآء الله.
الحجية... صلوات على محمد يمه بالخير عليك حتى تفصل اهل البنية وتخلص
وسام... أن شآء الله
الحجية... يمه مريتك تتصل عليك ليش متجاوبها
وسام... هسة راح اتصل عليها
الححية... ماشي يمه بالسلامة
سدته من وسام وباوعتلي وهي دكولي....
الحجية... خلي موبايلج بايدج خاف يدك عليج وطيبي خاطره.
ريم... ليش هو وين هسة
الحجية... بغداد
ريم... شنوو شيسوي بغداد
الحجية... يستلم حصته غير خو ما يعوفها لمرت ابو الحية
ريم... اها اي ماشي
طلعت منها واني روحي اشتعلت نار ياربي بس لا يسويها الحقير ويكوله... شلون بيه شاسوي هسة ياربي.
ركضت لموبايلي واني اسمعه يرن... باوعت شفته وسام...
وسام... الوو ها ريم شلونج
ريم... وينك وسام ليش خليت بالي يمك
وسام... ما عبالي راح يضل بالج يمي
ريم... ليش شتوقعت لعد
وسام... لا هيج المهم شلونج
ريم... الحمدلله وانت شلونك شوكت ترجع
وسام... الحمدلله اني باجر ارجع أن شآء الله
ريم... أنت وين هسة
وسام... بيت اهلي
ريم... وام محمود وين وكلهم وين
وسام... موجودين
ريم... تمام
ضلينه نسولف وهو يسألني على علاوي لان البارحه زعله.. شويه وترخصت ورجعت اكمل طبخ واني عقلي دمرني التفكير شراح يصير ياربي.
بعد ساعتين رجعت ليليان وحسن وخالتي من الطبيب ورجع خالو وخليتلهم عشه وكعدنا نتعشه بس علاوي ميقبل ياكل إلا وسام... كمت اخذت موبايلي واتصلت على وسام وفتحت الصوت...
وسام... ها حياتي ريم
علاوي.... بابا ات وين
وسام... حبيبي علاوي شبيك ليش تبجي
ريم... وسام ميرضى ياكل إلا أنت موجود
وسام... لا حبيبي اكل حتى اجيبلك هديه وياي باجر اجي اني
علاوي... اريد مسدس
وسام... ههههههه اشوفك تصير مجرم انت تدلل حبيبي
ضل يسولف ويه ابوو وقنعه ياكل وراح... الحمدلله اقتنع وكام ياكل وكل شويه يكولي باجر بابا يجي... والكل يضحك على سوالفه وعلى حبه لوسام.
أنت تقرأ
طريق إلى النار
General Fictionمزيج من الألم لحكاية تروي لنا كيف هي مصائب الدنيا وكيف يُقسم الله الأقدار فَمنا من يكون نصيبه الفراق ومنا من يبقى تحت الاختبار حتى يتفوق فيه.. رواية #طريق_الى_النار تحكي عن فتاة في عمر الأحلام رأت اختها تحترق امامها.. وحينها تكتشف حب كان مخبأ في...
