طريق إلى النار

البارت السادس عشر

رواية #طريق_الى_النار
//بقلم.. نرجــس صــادق //

خالد.. سِچـه ..
ولو دستني آرتاح ماگول اخ ، هنَّ ضلوعي الك كَسرهن ، اسحگهن !

ريم..
ذبحوني نذر ع الماي
رسموني  حزن ممنوع
ترسوني حياطين وسچچ واعيون
ـــــــــــــــــــــــــــــــــــــــــــــــــــــــــــــــ
عباس.. بعد ما طلعت من يم سحر،، اتجهت لبيت خالد
واني بالسيارة..اجاني اتصال
باوعتله شفت أبن عمي ديتصل عليه..
ـ الو ها غيث
ـ عباس سويت الي كتلك علي.. انطيت المعلومات لهذي البنية
ـ اي حبيبي انطيتهن
ـ تمام بعد يومين نداهم البيت
ـ الله يقويكم
ـ عبوسي حبيبي طبعاً اني فخور بيك
ـ حبيبي ابو محمد هذا واجبي
ـ يله اخذ راحتك وديربالك على نفسك.
ـ في امان الله
غلقت الاتصال منه..ورجعت افكر شلون راح اكدر انقذ ابن عمها لريم.
وصلت لبيت خالد نزلت ودكيت الباب..ثواني وطلعلي خالد
دخلت جوة واني مشتعل نار..
عباس.. خالد عندك رقم ريم
خالد.. لا ليش شكو
عباس.. حجيت كولشي سمعته لخالد
خالد لازم ننقذ الولد ماله ذنب.. ستار طلع مجرم مو بس ك****

خالد.. تتوقع ستار صدوك منتمي لمجموعة ار__ها__بي_ة
عباس.. اتوقع لأن الي اعرفه أبو محمود عنده نفوذ بالموصل واكو اخبار عن ظهور مجاميع ارــ هاــ بيـ ـ ة اسمها دا__ع_ش بالموصل.
خالد.. ما اعرف شاكولك دخت والله وطلعت مو قليل يستار
عباس.. فوك هذا كله منطي ريم لابن ابو محمود
خالد.. شنو يعني فهمني
عباس.. إذا توقعنا صحيح معناها ريم بخطر واي حركة راح تنهي حياتها..
احنه دنتعامل ويه مجرمين مو بشر لازم تتذكر هالشي
خالد.. ميهمني شي المهم ريم وبس والباقيين عسى ما يحتركون
عباس.. خالد انت تفهم الي احجي
لا تلعب بالنار..لازم اكو خطة نتبعها حتى ما نضيع انفسنا
خالد.. انت شدتحجي تطلب مني انتظر واصبر واني روحي راح تروح مني.
عباس.. لعد تريد تخسر حياتك
خالد..عباس حياتي مو مهمة مقابل حياة ريم
عباس.. لا صدوك انت مريض،، اعرف بيك تحبها بس لا تتصرف بجنون
خالد... تره انت جاي تستفزني
عباس.. لا استفزك ولا شي بس اهدأ إن شاء الله ماكو شي
خالد.. عباس شلون تريدني اهدأ بعد الي سمعته.
عباس.. شبيك رحمة للاسلام اهدأ وخلينه نفكر
حاولت اخلي خالد يهدأ لان اعرفه إذا تهور؟راح يتصرف بغباء.

ريم.. صحيت الصبح على صوت ماما وهي دكولي..
أم ستار.. يمه ريم كومي راح يجن النسوان علمود يجي الشيخ يعقدلكم.
ريم.. ماما شدتحجين باجر اربعين هبة شلون ترديني اعقد اليوم.
ام ستار... يمه شو دكليلي عبالك الحجي بايدي
خابرني اخوج وكلي تحضر نفسها راح يجي الشيخ يعقدلهم وباجر يجون ياخذوها.
ريم..
خلاص  لهنا وانتهت حياتي كانما الزمن توقف واني افكر لو يعرف خالد شراح يسوي.. شنو راح تكون حالته،، ياربي سامحني لأن ضلمته وياية..
أكيد راح يكرهني لأن كذبت علي وما كوتله بأنه اليوم هو يوم زواجي.. اوف ياربي ارحمني محد رحمني ومحد حن عليه..
اريدك انت ترحمني وتحن عليه
حضنت مخدتي واني ابجي..حسيت حرارة نزلت على خدي تلمست خدي بأيدي  كان دم..  دم منين دم ركضت للمراية كان خشمي ينزف دم..
باوعت لنفسي بالمراية... هذا شكل عروس
عيوني مورمة ووجهي كله كدمات زرك وحلكي مشكوك وكلبي ينزف.. حتى  بهاي ما مقسوملي افرح مثل البنات..
واني اباوع لنفسي بالمراية... دخلت عليه  ودق وهي تركض
ـ ريم ماما دكول خلي تستعجل لأن على ساعة يجون
ـ ودق روحي لبيت خالد ووصليله رسالتي...
ـ ريم شاكوله
ـ خلي اكتبلج الرسالة وتوصليها اله.. تنطيهيا بايده
ـ ماشي
اخذت ورقة وقلم من دفتري الخاص  ..

(مضمون الرسالة)
الى بطلي..
لم اكن اضن في يوم من الأيام بأنك تحبني ولم أكنّ أعلم بأنك تكن لي هذا القدر من المشاعر..
أما بعد يا ابتسامتي المسروقة.. فقد حان موعد الرحيل
ها هو الفراق يطرق الابواب ليسكن بجوارنا.. كنت أتمنى ان تكون لحظات الوداع بغمرة تحتضن بها قلبي المكسور  أو قبلة تترك اثرها في جبهتي...لكن دوماً يكون للقدر كلمة تخالف امنياتي.

لن اقول لك وداعاً لانني ساترك قلبي لديك اعتني به جيداً.
حان الوقت فقد سرقوا كفي ووضعوه في كف رجلاٌ لا اعرفه ولم أراه ولكنهم أرغموني عليه..
سامحني أرجوك.
من عاشقةٌ إلى معشوقها.

ريم.. ودق هذي الرسالة تاخذيها وتخلي بأيده اذا ما موجود تنتظري يرجع وتنطيهيا.
ودق.. ماشي بس
ريم.. بس شنو
ودق.. ماكو شي بس امسحي دموعج
ريم.. روحي ودق وكوليله تركتلك كلبها بهذي الرسالة.

راحت ودق واخذت روحي وياها.. ياربي اختبارك صعب مو حمل هذا الامتحان اللهي.
كمت دخلت للحمام حتى اسبح واتحضر لعذابي وحزني القادم..
طلعت وبدلت ورتبت نفسي وكعدت انتظر.. العد التنازلي لحياتي.

ودق.. اخذت رسالة ريم ورحت لبيت خالد
دكيت الباب طلعتلي إيمان..
إيمان.. هلاو ودق حبيبتي تفضلي
ودق.. لا حبي بس خالد موجود
إيمان.. لا والله ما موجود
ودق.. شوكت يرجع
إيمان...ساعة ويرجع
ودق..ماشي راح انتظره يمكم
إيمان.. خير حبي اكو شي تعالي ادخلي جوة سولفيلي.
ودق.. دخلت جوة اني وايمان وكانت خالتي أم خالد كاعدة سلمت عليها وطلعت بالحديقة...كعدنا اني وايمان.

إيمان...حبي خوفتيني اكو شي.. وجهج اصفر وترجفين
ودق.. ايمان الصراحة خايفة على اختي
ايمان.. ليش شكو شبيها ريم
ودق.. اليوم زواجها
ايمان.. شنو ولج شدتحجين ولج وخالد
ودق... ما قبلت نكوله تخاف يتهور ويسوي شي وستار ياذي 
ايمان... ولج والله يموت بدونها
ودق.. هي دزتني اسلمه هذي الرسالة وامنتني انطيهيا بأيده
ايمان.. اوف ياربي ما اعرف شنو راح يسوي

ودق.. كعدت انتظر رجعت خالد
مر تقريباً ساعة ونص ونفتحت الباب ودخل خالد..
خالد.. ادخلن جوة وياية جماعتي

دخلنا جوة ودخلوا اصدقائه كان واحد منهم إلي كان واكف ويا ذاك اليوم والثاني ما اعرفه...

اجه خالد ليجوة وكال..
خالد... ها ودق شبيج
ودق... خالد تعال برة اريد احجي وياك
خالد.. ماشي تعالي

طلعت اني وخالد برة وكلبي يدك بالثانية الف وجسمي يرجف..
ودق..خالد هذي الرسالة من ريم
حجيتها بتلعثهم واني وجهي كام ينطي اللوان
اخذ الرسالة خالد..
وفتحها وهو ديقرأ بيها صرخ.... لاااااااااااااااا
طلعوا أصدقائه على صرخته وهمة يصيحون..
عباس... شكو شبيك
ودق.. كان خالد يرجف.. وكع على رجليه وصار يبجي بصوت يكطع الكلب... واني دموعي نهارن على وضعه.

عباس... ولك شبيك تبجي مثل النسوان..احجي شكو شصاير.
ودق... سحبه صديقه وكومه وهو يبجي ويصيح
خذوها مني المايخافون الله
لحظات وهمة لازمي يهدأون بي وهو يدفع بيهم ويصرخ فجاة وكع خالد وركضوا أصدقائه شالوا وخلوا بالسيارة وبعدها طلعت ايمان تبجي وتصيح...
ايمان... ولج ودق شكوتلج اني راح اخوية من ادينا
ـــــــــــــــــــــــــــــــــــــــــــــــــــــــــــــــ

البارت قصير لأن بارت مفاجئ...
إن شاء الله اعوضكم بعدين..
توقعاتكم للقادم
نرجــس صــادق