رواية #طريق_إلى_النار
//بقلم.. نرجــس صــادق //
خالد... كل جروحنه وكل المعانات
من ما ورى الناس البيها نحلم
ريم... شــآيـف مــن تضل تنعاد الأيــآم ؟
نفسها وماكو شــي بــيـهـآ يتجدد
يجي شكم بــآجــر ومــآ يختلف شــي
نفس الـبـآرحـه بَــس عمرك ازيد
ـــــــــــــــــــــــــــــــــــــــــــــــــــــــــــــــ
إيمان...
كملنا كل الاجراءات وتقرر باجر سفرنا اني وخالد..متحمسة وحزينة بنفس الوقت تعودت على ودق وام ستار وما أكدر اعوف اخوية...
صار يوم السفر وطلعنا اني وخالد الصبح وودعتني ودق والموقف الي بجاني وداع علاء وعباس لخالد...جانوا حاظني وميرضون يتركوا ما جنت اعرف انه هيج علاقتهم وحبهم اكثر من اخوة
طلعنا اني وخالد وتوجهنا للمطار وبعد ساعتين ارتفع النداء حتى نصعد بالطائرة...بعد مدة اقلعت الطائرة واني احس روحي راحت عفت كولشي..
اوف العراق شكد شفنا بي قهر وعذاب بس يبقى عزيز من تسافر تحس روحك تبقى بالعراق.
بعد مرور 3 ساعات وصلنا ونزلنا بالمطار وجان ولد اسمه اوس هو وزوجته منتظرينه.. كمل خالد كل الاجراءات وطلعنا بسيارة اوس...
وصلنا للشقة ونزلنا واخذتني زوجة اوس جان اسمها نورهان..دخلنا للشقة اني وياها وكعدنا نتعرف
جانت كولش حبابة وطيبة ودكولي ما عندي هنا صديقات همزين اجيتي..
شوية واجه خالد وهي طلعت..افتريت بالشقة حلوة ومرتبة واثاثها حلوو..اجيت لخالد وكوتله...
ايمان...وين غرفتي استاذ
باوعلي وابتسم...
خالد... ماكو غرفة الج ههههههه
إيمان....خالد صدوك تحجي
خالد...لا جذب حبيبتي هنا غرفتين وحدة الج ووحدة اليه وحبابة مو تنسين اريد الطبخ من جوة ايدج ما احب الاكل من بره.
ايمان...من عيوني حبيبي
بدلت ملابسي وكمت نظفت الشقة كلها ورتبتها وخالد طلع يجيب اثاث لغرفتي واني بديت حملة تنظيف من المطبخ وبعد ساعتين من التعب والهلاك كملت وخالد لحد الان ما اجه.
رحت سبحت وبدلت وطلعت لكيت خالد يركب بالجرباية..
خالد...شنو هالنظافة والترتيب لو ادري هيج جان من زمان جبتج وياي
ايمان... طبعاً عدنا قدرات خارقة
خالد...ههههه ام القدرات بطلي وتعالي ساعديني
كملنا اني وخالد ونظفت الغرفة من التراب وحسيت جوعانة... كوتله...
ايمان... خالد جوعانة
خالد...سويلنه اكل مو قبل شويه تبيعين بطولات
ايمان...والله تعبانة مو هسة جايين من سفر
خالد...اممم قنعتيني نوعا ما وهسة شتردين اكوم اطبخ بمكانج
ايمان...اي ليش لا
خالد... تدللين ليش لا
حبيبي كمت حضنته وكوتله...
ايمان...اريد موبايل واريد اشتغل
خالد...وبعد شتردين ازوجج هم
ايمان...خالدددد عيب
خالد...خجلت يالله ليش تخجلين حبي تره الزواج سنة الحياة
ايمان... تزوج انت بالبداية
خالد...اني ما اتزوج
أنت تقرأ
طريق إلى النار
General Fictionمزيج من الألم لحكاية تروي لنا كيف هي مصائب الدنيا وكيف يُقسم الله الأقدار فَمنا من يكون نصيبه الفراق ومنا من يبقى تحت الاختبار حتى يتفوق فيه.. رواية #طريق_الى_النار تحكي عن فتاة في عمر الأحلام رأت اختها تحترق امامها.. وحينها تكتشف حب كان مخبأ في...
