رواية #طريق_الى_النار
//بقلم.. نرجــس صــادق //
ريم.. ذبلوني ..
وچفلو من عيني حتى النوم ..
طار .. وماخفگ جنحة اعله جفني
يوم الموادع نسوني ..
وحتى روحي المشت وياهم نست ما ودعتني
ودق.. وتاخذني بدفو عيونك
واختل جوه جفنك طيف
ـــــــــــــــــــــــــــــــــــــــــــــــــــــــــــــــ
علاء.. بعد ما طلعت ويه عباس لبيت ستار واني ما اعرف شي
ـ عباس شنو الصاير
ـ علاء هذا ستار راح يقتل أبن عمه
ـ شنووو وليش
ـ ما اعرف بس على الاغلب بسبب ريم.. لأن صباح رادها وستار رفض
ـ أوف يالله شنو الي جاي يصير
ـ خلي نوصل بلكت احصل رقم عباس واحذره
وصلنا لبيت ستار نزلت ونزل عباس وراية.. دكيت الباب ماكو جواب كانه البيت فارغ
وين راحوو.. معقولة طالعيين..
رجعت دكيت الباب.. اجاني صوتها اي اني اعرفه صوتها.. صوت الي خذت كلبي بعيونها..
ودق.. منو
علاء.. اني ودق افتحي الباب بسرعه
ودق.. انت خير شكو
علاء... امج وين
ودق.. راحت لبيت جيرانه أم علي
علاء... خرب متعرفين رقم ابن عمج صباح
ودق.. لا ما اعرف ليش شكو
علاء... اخوج راح يقتل صباح بس دير بالج تجيبين طاري انه احنه كلنالج.
ودق.. لا ما اكول بس فهمني شنو صاير
علاء.. بعدين افهمج المهم هسة تدخلين جوة وممنوع تفتحين الباب لاحد.
ودق.. ماشي
رحت لعباس وكوتله ماكو احد ما موجودين..
عباس.. علاء لازم ننقذ الولد
علاء.. شنسوي يعني نروح لامها امشي
عباس.. امها وين
علاء.. رايحة لبيت أم علي هذوله وراهم
عباس امشي بسرعه
رحت اني وعباس ركض لبيت أم علي.. وصلنا ودكينا الباب طلع ابنهم علي...
علي... هلا حبيبي علاء
علاء... علاوي فدوة صيح أم ستار يمكم هي
علي... اي يمنا كاعدة ويه أمي هسة اصيحلها
علاء.. بسرعه فدوة
راح صاحها واجه.. اجتي أم ستار تركض عبالها بنتها بيها شي..
أم ستار.. ها يمه علاء خير شكو
علاء... خالة ما نكدر نحجي بالشارع
أم ستار... دخيلك ربي خوفتني خالة
اخذنا ام ستار ورجعنا لبيتها.. نزلنا..
علاء... خالة بسرعه إذا عندج رقم صباح زوج المرحومة
أم ستار.. اي خالة عندي رقمه بس ليش
علاء.. افهمج بعدين بس انطينيا فدوة بسرعة
أم ستار... اي يمه هاك اخذه من موبايلي
علاء..
اخذت موبايلها سحبت الرقم منه وسجلته عندي..
اتصلت علي.. الجهاز مغلق
اتصلت مرة ثانية.. نفس الشي الجهاز مغلق
لا يالله ليكون تأخرنا... ركضت لعباس واكف يم السيارة..
ـ عباس جهازه مغلق
ـ شلون هسة معقولة سواها النذل
ـ اعتقد
ـ خرب شلون نعرف هسة
ـ راح اخلي أم ستار.. تتصل عليهم ونشوف الوضع.
رحت لكيت أم ستار واكفة بالباب..
ـ خالة فدوة اتصلي على أي شخص منهم عندج رقمه واطمئني على صباح
ـ يمه شبيكم شصاير وكعتو كلبي
ـ خالة ستار ابنج يريد يقتل أبن عمه صباح
ـ يمه دخيلك ربي سودة بوجهي وليش يريد يكتله.
ـ والله خالة ما اعرف المهم هسة اطمئني على صباح.
ـ اي خالة هسة اتصل على مرت اخوو
اخذت الموبايل واتصلت..
أم ستار... الوو ها جنات شلونج
جنات.. ولج أم ستار اللحكي مصيبة ووكعت على روسنا.
أم ستار... ولج شكو احجي
جنات... صباح مات يخيه لكو مقتول ومشمور بالباب
أم ستار... ولج سودة بوجهي ولج شلون مات.
جنات... والله يخيتي علمي علمج.. هسة عمتي ذبحت روحها ووكعت واخذوها للمستشفى.
أنت تقرأ
طريق إلى النار
قصص عامةمزيج من الألم لحكاية تروي لنا كيف هي مصائب الدنيا وكيف يُقسم الله الأقدار فَمنا من يكون نصيبه الفراق ومنا من يبقى تحت الاختبار حتى يتفوق فيه.. رواية #طريق_الى_النار تحكي عن فتاة في عمر الأحلام رأت اختها تحترق امامها.. وحينها تكتشف حب كان مخبأ في...
