طريق إلى النار
جدول المحتويات

    أنت تقرأ

    طريق إلى النار

    General Fiction

    مزيج من الألم لحكاية تروي لنا كيف هي مصائب الدنيا وكيف يُقسم الله الأقدار فَمنا من يكون نصيبه الفراق ومنا من يبقى تحت الاختبار حتى يتفوق فيه.. رواية #طريق_الى_النار تحكي عن فتاة في عمر الأحلام رأت اختها تحترق امامها.. وحينها تكتشف حب كان مخبأ في...

    #النار #الى #طريق

    بارت 37

    16 1 0 
                                            
    
                                                  
    رواية #طريق_إلى_النار
    //بقلم.. نرجــس صــادق //
    
                              
    خالد... انه شلي بديره ما شمت هواك 
    انته تدري بغربتي لو شح ضواك 
    ياحبيبي ؟ كليبي عيشني عليك 
    انه وانته وجم حلم مامش وراك
    
                              
    ريم... واعــدتنــي وگتـــلي اعــود
    وڪلشــي رد
    خــوفـي ...حـــسرتي ...الحـــيرة...  الظـــنون .....العــــذاب
    ڪــلها ردت 
    الا انـــت 
    شمــا اصـــد لدربـــك 
    الگـــه الصـــورة تتحـــول ضبــــاب
    ـــــــــــــــــــــــــــــــــــــــــــــــــــــــــــــــ
    علاء...شنو سوالفها شايفين عليها شي مثلاً
    ابو علاء.. حظرة جنابك الي مأمن الها وحدة ك*** وادبسزز 
    علاء... كافي كافي خافوا الله شوية
    ابو علاء... لك هذي الادبسزز تراسل باخوك وتدزله صورها وفيديواتها.
    علاء... شنو هالتأليف اصلا ودق ما عدها موبايل
    ابو علاء...يالغبي هاي ت*** براسك 
    علاء... كافي بعد ما اتحمل ليوين تردون توصلون 
    بهاء... شوف علاء اني بالبداية عبالي وحدة غريبة الي تراسلني بعدين من دزتلي فيديو الها وهي عارية تخبلت واكثر من مرة حاولت ابعدها وهي تتقربلي وإذا تتذكر من كوتلك اكو وحدة خانت زوجها ويه حماها وقتلوها جنت اريدها تبتعد عني وتخاف على نفسها بس ما تابت.
    
                              
    ودق.. اني الدموع تجري ومصدومة من كولشي جاي يصير... معقولة اكو ناس متخاف الله...
    بهاء اخذ موبايله وفتح فيديو ما اعرف المن بس اني الي جنت بي... بس ما عندي هيج فيديو.
    باوعلي علاء وهو عيونه دم واني تجمدت ما اكدر احجي حرف واحد...
    ما حسيت الراشدي منين اجاني... لزمت خدي وباوعت لعلاء...
    ـ علاءءء والله مو اني والله ممسوية شي
    لزمني من ايدي واخذني للغرفة... اجتي عمتي تركض وكلتلي...
    
                              
    ام علاء... وين الموبايل الي جاي تصخمين بي 
    ودق... ما عندي موبايل والله ليش محد يصدكني 
    
                              
    علاء ساكت ما نطق ولا حرف...بعدها راح للكنتور وفتحه...كام يطلع بالملابس ويشمر بيهن ويدور على الموبايل... واني ارجف وعلاء احس بصوت انفاسه تخترق اذني...
    شال ملابسي وشمرهم ونصدمت لمن شفت اكو موبايل جوة ملابسي...بس مو اني مخليته ولا إلي..
    طلعه علاء واجه يمي وصاح...
    علاء... افتحييييييي
    ودق... والله ما اعرف مو مالتي
    لزمني من ايدي وهمس باذني ماشي اني اعرف شلون اتصرف..
    طلع وبعدها ما رجع...
    واني متصنمة بمكاني وعمتي تسب وتغلط عليه... ربع ساعة ورجع...
    فتح الموبايل ويكلب بي ولكه مراسلة ويه بهاء...بيها حجي يخزي وفشاير وصوري وفيديوات.
    اجه عمي وبهاء ومهدي وعمتي وكلهم واكفين كبالي..
    
                              
    ابو علاء... مو كوتلكم هذي ك*** محد صدكني اعرفهن بنات جمال.
    ام علاء... والله عبالي براسها حظ طلعت صدوك ادبسزز
    
                              
    علاء... اطلعوا بره وعوفوني ويه مرتي، ما اريد اي أحد يبقى.
    ابو علاء... بس لا تصير غبي وتخليها تضحك عليك
    علاء... اني اعرف شلون اتصرف.. كولت اطلعوا بره.
    طريق إلى النار حيث تعيش القصص. اكتشف الآن