"ဗျာ!!!... "
မင်းရဲမာန်၏အသံက အိမ်ထဲတွင် ဟိန်းထွက်သွားသည်....။
ရှေ့တွင် ဝမ်းနည်းနေသည့်မျက်နှာဖြင့် ထိုင်နေသည့် မိခင်ဖြစ်သူ ဒေါ်နန်းမာလာကတော့ ခေါင်းငုံလျှက်ပင်....။
"အမေ...ဒါ..ဒါက ဘယ်လိုဖြစ်တာလဲ..ဘာစကားလဲ...အမေ့မှာ ကျွန်တော့်အပြင် သားတစ်ယောက်ရှိသေးတယ်ဆိုတာကြီးက....ဟာဗျာ..!!.."
ဒေါ်နန်းမာလာ အသက်ကို ရှူထုတ်လိုက်ပြီး.....နံရံထက်မှ ဓါတ်ပုံတစ်ပုံကိုကြည့်လိုက်သည်....။
ထိုဓါတ်ပုံထဲက အမျိုးသားလေးက ဖြူနုပြီး ငယ်ရွယ်ချောမောလှသလို နွဲ့နှောင်းနှောင်းပုံစံရှိ၏ .....။
"အမေ သားကို အကုန်လုံးပြောပြပါရစေ...."
မင်းရဲမာန် မျက်လုံးအဝိုင်းသားဖြင့် နားထောင်နေလိုက်သည်.....။
ဒေါ်နန်းမာလာ နံရံပေါ်မှ ကောင်လေးပုံကို ညွှန်ပြရင်း.....
"ဒီဇာတ်လမ်းက..ဟောဒီပုံထဲက သားဦးလေး အမေ့မောင်ကနေ စရမှာပဲ........."
○○○○○○○○○○○○○○○○○○
××××....လွန်ခဲ့သော နှစ်၃၀ကျော်ခန့်က....××××
"မမရေ...အဟီး..ပျော်လိုက်တာ...မမရေ လို့..."
လက်ထဲတွင် တောပန်းလေးတွေကိုင်ကာ ခုန်ပေါက်ပြေးလွှားလာသည့်...အသက်၁၈ ၁၉ဝန်းကျင်အရွယ် နုနုဖက်ဖက် ကောင်လေးတစ်ယောက်...ပြုံးပျော်ကာဖြင့် အော်ခေါ်နေသည်...။
"အေး...စိုင်းသုတရေ..မမဒီမှာ..."
ခြေတံရှည် သစ်သားအိမ်ကလေး၏ အနောက်ဖက်မှ ထွက်ပေါ်လာသည့်အသံပိုင်ရှင်အား...စိုင်းသုတ လှမ်းကြည့်ပြီး အိမ်ပေါ်တက်သွားသည်....။
ရှမ်းပြည်နယ်တွင်းရှိ မြို့နှင့်နီးသည့် တောရွာကလေးတစ်ရွာက စိမ်းစိုစိုဖြင့် လှပလှသည်....။လူသူ အနည်းငယ်စည်ကားသလို ရိုးသားနွမ်းပါးသည့် ရွာသူရွာသားတွေကလည်းစည်းလုံးကြ၏....။
"မမ...ပျော်စရာကြီး သိလား..."
စိုင်းသုတ ထမင်းအိုးတည်နေသည့် အစ်မဖြစ်သူဘေးတွင်ကပ်ထိုင်ကာ ပြောလာသည်...။
ထင်းမီးကို ခပ်ပြင်းပြင်းထိုးရင်း...ချွေးစို့နေသည့် နဖူးပြင်အား အင်္ကျီလက်မောင်း၌ ကုန်းသုတ်လိုက်ပြီး...မောင်ဖြစ်သူကို အပြုံးဖြင့်ကြည့်လာသည့် ချောမောလှပသည့် မိန်းမငယ်လေးက နန်းမာလာဆိုသော အမျိုးသမီးလေး.....။
ESTÁS LEYENDO
⚠BECAUSE...⁉ {U+Z} (Completed)
Romanceဘာကြောင့်ချစ်မိသွားသလဲ..... ဘာကြောင့်စွဲလမ်းမိသွားသလဲ..... မာနတွေ..အမုန်းတွေကရော..ဘယ်ကိုရောက်သွားသလဲ... အဘယ်ကြောင့်ဆိုသော်.............
