" သခင် Qing က Nie မိသားစုဝင်တစ်ယောက် လိုပဲလေ။ မင်းရဲ့ ကျေးဇူးရှင်လို့တောင် ပြောလို့ရတယ်။ မင်းသူ့ကို ဘယ်လိုလုပ် ဒီလိုဆက်ဆံရဲရတာလဲ။ " Nie Songping က ရှေးရိုးစွဲသော ယောက်ျားတစ်ယောက်ပင်။ သူ ဒီဓာတ်ပုံများကို တွေ့စဉ်က Nie Chenyuan ကိုပင် လည်ပင်းညှစ်ချင်မိသည်။ သူက သူ့မြေးကို ဝက်ဝံကြီးမှန်း သိသော်လည်း ဤအတိုင်းအတာထိ ဝက်ဝံဆန်မှန်း မသိခဲ့ပေ။ (ဝက်ဝံဆန် = ပြဿနာရှာ)
" ကျွန်တော်သိပါတယ်။ "Nie Chenyuan က ခိုင်ခိုင်မာမာ ပြောလိုက်သည်။ " ကျွန်တော်က တကယ်သူ့ကို ရဖို့ ကြိုးစားလိုက်နေတုန်းပါ။ အဖိုးကသာ ပြဿနာ မရှာပါနဲ့။ "
"လိုက်နေတာလား။ " Nie Songping က ကြောင်သွားသည်။ Nie Chenyuan က ထိုအချိန်တွင် လက်ထဲ၌ ဓာတ်ပုံများကို သယ်ပြီး ထွက်ပြေးသွားပြီ ဖြစ်သည်။
Nie Chenyuan က သူ့အခန်းကို ပြန်သွားပြီး ဓာတ်ပုံထဲမှ ခြေချင်းဝတ်ဖြူဖြူလေးကို စိတ်မထိန်းနိုင်ဘဲ နှစ်ခါနမ်းပြီး အမှောင်ခန်းထဲ၌ သိမ်းထားလိုက်သည်။
Nie Chenyuan က Nie Songping ကို ပြောခဲ့သည့်အတိုင်းပင် သူ Qing Yun ကို လိုက်နေသည်မှာ ၂ နှစ်ခန့်ရှိပြီဖြစ်သည်။
ဒီ ၃နှစ်အတွင်း သူက Qing Yun အလှတိုးပြီး လျှမ်းလျှမ်းတောက်လာတာကို စောင့်ကြည့်နေရင်း သူစိတ်လှုပ်ရှားခဲ့ရသည်။ Nie မိသားစုထဲတွင် သူ့ အဖိုးမှလွဲ၍ အားလုံး သိနေကြသည်။
မဟုတ်သေး။ အခြားတစ်ယောက် ရှိသေးသည်။
ဓာတ်ပုံများကို စီနေသော Nie Chenyuan ၏ လက်များရပ်တန့်သွားပြီး သူ့မျက်လုံးများထဲတွင် စိတ်ဓာတ်ကျနေပုံ ပေါ်လာသည်။ သူ ဖြားယောင်းနေသော သူကလည်း သိမည့်ပုံ မပေါ်ပေ။
*********
စာသင်ခန်းထဲတွင်
ရှေ့မှလူများ၏ နောက်ကျောများက ကွယ်နေသဖြင့် Nie Chenyuan လက်ဆန့်တန်းလိုက်တာကို ကွယ်ထားသည်။ Qing Yun က ညှင်းညှင်းရယ်လိုက်သည်။ " ဘာလဲ။ ဒီတစ်ခါကော ဘာပစ္စည်းလဲ ။ "
Nie Chenyuan က အရှေ့မှ လက်ကို ရွေ့လိုက်ကာ လက်ဖြန့်လိုက်သောအခါ လှပသော စက်ရုပ်လေးကို တွေ့လိုက်ရသည်။ Qing Yun က ဒီတစ်လော စက်ပစ္စည်းများကို ပိုမိုစိတ်ဝင်စားနေသည်။
![](https://img.wattpad.com/cover/273923360-288-k132657.jpg)
YOU ARE READING
ချစ်စရာကောင်လေးအဖြစ် ကမ္ဘာကူးပြောင်းမယ့် အရှင်သခင်ကြီး
Romanceဤမျှ ဆိုးရွားစွာခံစားရသောဗီလိန်သည် သူတစ်ယောက်သာရှိမည်ဟု ချင်းယွင်ထင်သည်။ နှစ်ရာချီအောင်ပင် ဇာတ်လိုက်တစ်ယောက်က သူ့ကိုဟောင်နေပြီး အန္တရာယ်ပေးဖို့ရန်ကြိုးစားနေသည်။ သူ့ကိုမသတ်နိုင်သေးခြင်းသာ။ မကျန်းမာ၍အိပ်ရာထဲတွင် လူသေကောင်ကဲ့သို့လှဲနေစဉ်က သူ့ဘဝသည် သေသည...