ချစ်စရာကောင်လေးအဖြစ် ကမ္ဘာကူးပြောင်းမယ့် အရှင်သခင်ကြီး

19

ညနေပိုင်းတွင်

Qing Yun က သူ့မွေးရပ်မြေသို့ မပြန်ခင် နောက်ရက်များအတွက် အလုပ်များကို စီစဉ်နေသည်။

သူက မီးဖွင့်လိုက်ကာ သူသယ်သွားရန် လိုအပ်သော အရာများကို ထုပ်ပိုးရန် ပြင်ဆင်လိုက်သည်။

Qing Yun ၏ ဘဝက ထူးခြားစွာ စည်းကမ်းကြီးသည်မှာ သူယခု နေနေသော နေအိမ်ကဲ့သို့ပင်။ သူဤနေရာတွင်  ေနသည်မှာ သုံးနှစ်ကျော်ပြီဖြစ်သော်လည်း ပထမတစ်ချက်အကြည့်မှာပင် မည်သူမျှမနေသကဲ့သို့ ထင်ရသည်။ အရာအားလုံး သေသပ်စွာ နေရာကျနေပြီး ၕည့်ခန်းမှ အိပ်ခန်းအထိ အရာအားလုံး အညစ်အကြေးအစက်အပြောက် ကင်းနေသည်။

သို့သော် ထောင့်တစ်ခုတွင် ကွဲပြားသောလက်မှတ်များကို ပြသထားသော သီးခြားဖြစ်နေသည့် နေရာတစ်ခုရှိသည်။

၎င်းတို့ အားလုံးသည် Zou Chem ၏ လက်ရာများပင်။

Qing Yun က ထိုစာအုပ်စင်ဘက်ကို လျှောက်လာကာ လက်ထဲတွင်ဆော့ကစားရန် ထူးခြားသည့်စက်ရုပ်တစ်ခုကို ကောက်ယူလိုက်သည်။

ထိုလူက သူတစ်ခုခုထူးခြားတာတွေ့တိုင်း Qing Yun ဆီတစ်ခုပို့ရန် ဘယ်တုန်းကမှ မမေ့ခဲ့ပေ။ ထိုရက်စက်ပြီး နတ်ဆိုးဆန်သော မျက်နှာသေဖြင့် ဒီလို ကလေးဆန်သည့်အရာများကို စုဆောင်းတတ်သည့် Zou Chen ၏ အမူအကျင့်က အခြားသူများကို ကြောက်ရွံ့စေသလား Qing Yun မသိတော့ပေ။

Qing Yun ၏ မျက်ဝန်းတွင် မတတ်သာဘဲ အပြုံးတစ်ခု လက်သွားသည်။

ယခုတစ်ကြိမ်တွင် သူပြန်သွားသောအခါ ထိုတိုင်းပြည်တွင် အချိန်အတော်ကြာနေမည်ဖြစ်သည်။ အချိန်ခဏမျှ စဉ်းစားနေပြီးနောက် Qing Yun က စာအုပ်စင်ပေါ်မှ ပစ္စည်းသေးသေးလေးများကို စတင်ထုပ်ပိုးလိုက်သည်။ သူတို့ကို ဘူးတွေထဲထည့်ပြီး ခရီးသွားအိတ်ထဲ စီထည့်လိုက်သည်။

သူ သိမ်းဆည်းပြီးနောက် ဖုန်းမြည်လာသည်။ ၎င်းက Zou Chen ပင်။

Qing Yun မျက်မှောင်ကြုတ်လိုက်သည်။ ဘယ်လိုလုပ် တိုက်တိုက်ဆိုင်ဆိုင် ဒီလူက ဒီအချိန်မှာ ခေါ်ရတာလဲ။

တုန်ခါနေသော ဖုန်းကိုေငးကြည့်ေနရင်း Qing Yun၏ မျက်ဝန်းများက ကျဉ်းမြောင်းလာပြီး စိတ်ပုပ်ပုပ်ဖြင့် ဖုန်းချလိုက်သည်။