كوكايين

الحلقة الرابعة و الخمسون

🔸️حلقة 54
حليت عينيا شوية شوية...دورت راسي...ملقيتوش بجنبي...كبست على طرف الفرش و هزيت روحي تقعدت...وجيعة قوية حسيتها في يدي...لتوا منعرفش كيفاش صار هذا الكل...تذكرت يحيى لي يبدا خدمتو اليوم...هزيت راسي على صوت الباب لي تحل...تبسمت و انا نغزرلها...قربت مني تحكي
روجين:صباح الخير
انا:صباح النور
روجين:هاني جبتلك دبشك معايا...و تليفونك زادة
انا:تحكي بالرسمي ؟
روجين:إي لحظة...كنت نعرف لانتي بحاجتو
مديت يدي شديتو عليها...و حليتو بالزربة...نغزر لكمية المكالمات و الميساجات لي وصلتني منو...منجمتش نقرا الكل...كلشي يهمني توا إني نحكي معاه و نسمع صوتو تبسمت تحكي
روجين:أنا باش نخبر ياسين لإنتي فقت
هزيتلها براسي باهي...أول ما خرجت...طلبتو...هز عليا بالوقت يحكي
يحيى:لججيين...يا روحي وينك ياخي ؟
أنا:هوني يا روحي
يحيى:صارت حاجة لجين ؟
أنا:لااا...جيست مريضة شوية و كهو
يحيى:متأكدة ؟
أنا:متأكدة...خبرني عليك...شنية صار بالنسبة لأول نهار ؟
يحيى:منعرفش توا وصلت
انا:توا ؟
يحيى:مشيت للفاك...على أمل إني نلقاك
أنا:يحيى...سامحني يا روحي...منقصدش اللي صار
يحيى:هدي روحك عزيزتي
انا:أكيد باش تخسر خدمتك من أول نهار جرايري أماانك سامحني
يحيى:ما خسرت شي...هاني باش نبدا توا
انا:كلشي لباس مش هكا ؟
يحيى:أكيد يا عمري...حاول ترتاح توا...و خلي تليفونك بجنبك...باهي
انا:أكيد يا روحي...تذكر لأنا معاك ديما
يحيى:نحبك
انا:انا اكثر
علقت عليه و نزلت تليفوني قبل ما يدخل فهد و روجين فرد وقت...قربت مني  تحكي
روجين:منجمتش ندخل لياسين...أصلا لازمني نمشي توا
فهد:روووجين
انا:شنية لي صار شبيكم ؟
روجين:اسألو هو
فهد:من غير ما تحط ذنب عليا...مدام الساقط هذاكا معاه ماااكش باش تدخل عندو...و كان نعرف لانتي حكيت معاه...ما تلوم كان روحك
روجين:محكيتش معاااه...أصلا مكنتش نعرف لي هو هوني
انا:على شكون تحكيو ياخي ؟
روجين:لجين بالله سامحني عيش أختي
انا:فهد مش على أساس معادش تغششها
فهد:أسألها هي شعملت
روجين:ما عملت حتى شي
كبس على يدو...عرفتو باش يفقد أعصابو...جاب ربي دخل ياسين بالوقت...بقى يغزرلهم مستغرب...خذيت نفس نحكي
أنا:أحسن شي انك جيت
ياسين:شفما...شبيكم ؟
فهد:بالله...صاحبك مش عندو كلينيك شيعمل عندك ؟
ياسين:على شكون تحكي ؟
روجين:يقصد في غسان
فهد:سكر فمك إنتي
ياسين:فما حالة هوني...حبيتو يفحصها...وين المشكلة
فهد:ملا كان سمحت...حضر اوراق اختك...خليني نخرج من هوني أحسن ما نستجرم فيه
روجين:زايد معاك
ياسين:إيجا معايا توا
قحرلها و هز روحو خرج...اصلا من المرات القليلة لي يعصب فيها لهدرجة...غزرتلها نحكي
انا:شبيه ؟
روجين:متحطش في بالك...جيست خاطرو محذرني منحكيش مع غسان
انا:شمدخلو فيك هو...شبيه ميعملش نفس الشي مع بلقيس
دورت راسها غزرتي ندرا كيف...ضيقت عينيها...تحكي
روجين:تو نرجعلك
خرجت قبل ما نلحق اني نجاوبها...كبست على تليفوني و رجعت نقرا في لي ميساج متاع يحيى...فرد وقت زدت بعثتلو...اصلا ما نجم نخمم في حتى حد من غيرو توا.