كوكايين

الحلقة الخمسون

🔸️حلقة 50
🔸️روجين_تحكي:
نزلت وراهم...نمد في الخطوة بالسيف...منحبهمش يمشيو من توا...خاصة بعد اللي صار صباح...و الحالة لي هو فيها توا...اول ما وصلنا للكرهبة...قربت منها حضنتها نحكي
انا:فتون...ابقى ليلة هاذي زادة
فتون:روجين يزي يا روحي...إنتي باش تكون لباس
أنا:أماانك
فتون:هدي روحك...إنتي جيست معادش تجبد غسان قدامو
انا:مانيش باش نجبدو...أما نعرف لهو باش يكبش فيها الحكاية
فتون:ساعة مكنتش نعرف لإنتي تخاف منو لهدرجة...و زادة هاذي فرصة ليكم...باش تحكيو في كلشي و تحلو أموركم قبل ما ترجعو
انا:باهي
جبدت روحي منها...و قربت من ياسين...حضني بالوقت يحكي
ياسين:هيا صغرون...نحبك قوية..و كان صار شي كلمني باهي
انا:باهي
مديت يديا زوز...بست جواد و جبدت روحي لتالي دورت راسي شوية نغزرلو...واقف بحذا الباب...أصلا توقعت منو لي ماهوش باش يودعهم...بقيت نتبع فيهم بعينيا لين بعدو و عطيتها على ساقيا للإسطبل..منحبش نواجهو و لا نحكي معاه...المطر لي بدا يصب خلاني نزرب اكثر...دخلت بالزربة و رجعت شعري لتالي...قربت من ليزا...نمسح عليها...كبست عليها كي حسيت بيه ورايا...قرب مني يحكي
فهد:شتعمل هوني ؟
انا:أموري
فهد:هيا إيجا...الوقت متأخر...و الجو بارد هوني
أنا:منحبش
فهد:روجين...ياخي ناوية تهبلني إنتي؟
انا:شيهمك فيا ؟
هزيت عينيا شوية...كي حسيت بيه واقف ورايا بالظبط عدا صوابعو على رقبتي...و حطلي شعري على جنب يحكي
فهد:من غير ما تقاوم...قعدتك هوني تخليك تمرض
انا:قتلك منحبش
فهد:ناوية تعدي ليلة هوني ؟
أنا:أموري
خذيت نفس طويل...و تلفت عندو...هزيت عينيا في وجهو...عدا صوابعو على خدي يحكي
فهد:خلينا نرجعو لدار...مزال عندنا وقت...و تو نحلو فيه مشاكلنا الكل
عديت عينيا على وجهو...و هزيتلو براسي لا...نحكي
انا:مشاكلنا...ماهيش باش تتحل جملة
جبدت روحي منو...و خرجت نجري...دموعي سبقوني بالوقت...يمكن خاطرني بالرسمي تعبت من اللي قاعد يصير...المطر لي قوات مع الظلام...خلاتني عاجزة باش نثبت في الثنية..وقفت في بلاصتي نرد في النفس..يدو لي دارت على كرشي في لحظة...خلاتني نتلفت عندو بالوقت...ريحتو كانت كافية...باش تهدي دقات الخوف لي حسيت بيها...نزل راسو شوية...يحكي
فهد:وين ماشية ؟
انا:م..منعرفش
فهد:يمكن تضيع وحدك في الوقت هذا
انا:سيبني
فهد:منحبش
هزيت راسي شوية...دوب نجمت نثبت فيه مع الضو متاع الاسطبل...قطرات الما نزلت من شعرو على وجهو عدا صوابعو على خدي يحكي
فهد:تحب تمرض ياخي ؟
انا:مانيش باش نمرض
فهد:نذكرك شنية صار فيك آخر مرة لعبت فيها تحت المطر
انا:كنت صغيرة وقتها
فهد:و مزلت صغيرة
جيت باش نحكي...نزل بصوابعو لشفايفي سكتني يحكي
فهد:يزي كهو...خلينا نرجعو توا
هزيتلو براسي باهي...نحى الفاست متاعو...و حطها على راسي يحكي
فهد:هيا ازرب روحك
انا:و انت ؟
فهد:الفايدة فيك إنتي
مديت يديا زوز...حطيتهم فوق يديه...و هزيت راسي شوية غزرتلو...شعل تليفونو...يحكي
فهد:إيجا من هوني
بقيت نتبع فيه من غير حتى كلمة...منعرفش أصلا كيفاش هديت...يمكن خاطرني نعرف لي مزال تاعب...و ميجيش يبقى في الجو هذا هو زادة...دقايق عديتهم ساكتة...غاطسة في افكاري...اول ما وصلنا لدار...جبدت روحي منو...و هزيت راسي نحكي
انا:هاني دخلت لدار كيما طلبت...أكا علاش نحب نقعد وحدي
حطيت الفاست في يدو...و هزيت روحي طلعت نجري من غير ما نحاول نغزرلو مرة أخرى...منعرفش كيفاش وصلت للبيت...دخلت لبيت البانو...هزيت المنشفة في يدي و خرجت...محاولة مني باش نشيح شعري...هزيت راسي نغزرلو...نحى مريولو طيشو عالفوتاي...قحرتلو نحكي
انا:قتلك نحب نقعد وحدي
قرب مني بالوقت...عديت عينيا على وجهو...محاولة مني باش نستوعب آخر خطوة منو...وخرت لتالي باش نمشي...خطفني من يدي...و حط يدو على آخر ظهري جبدني عندو...مديت يديا زوز...حطيتهم على صدرو نبعد فيه...كبس عليا اكثر...جيت باش نحكي نزل على شفايفي بالوقت...بوسات متقطعة...يهدي فيا بيهم...آخر بوسة منو خلات المنشفة طيح من يدي...و سلمت لإحساسي معاه مرة اخرى...مديت يدي بالسيف حطيتها على رقبتو...منعرفش اذا هذا لي بحاجتو انا زادة...اما متأكدة إني مهما بعدت عليه باش نرجع لحضنو مرة أخرى...جبد روحو شوية...غزرلي ندرا كيف...حتى صوتي نحس فيه ضايع في حضورو...قطرة الما لي نزلت على خدي...لقات مصيرها بين شفايفو غمضت عينيا بالوقت...كأني نحب منو أكثر...يمكن توا مناش بحاجة كلام...و لا عركة...قد ما احنا بحاجة بعضنا الخطوة لي عملها ناحيتي...رجعتني لتالي...ضربت في الحيط بالوقت...جبد روحو لتالي...و نزل بعينيه من وجهي...لبدني...لي خلى صدري يطلع و يهبط من أنفاسي لي ضاقت...حط يدو بحذا راسي...و مد يدو لاخرى لخدي...نزل بصوابعو مع كل قطرة تنزل من شعري...لخدي...لرقبتي...وصل بيهم لاول فلس من شوميز متاعي...نزل عليهم ورا بعضهم في لحظة...كبس على جنبي و عاود غطس في شفايفي...جبدني عندو أكثر...نزل من شفايفي لرقبتي...لي خلى يديه تسرح على أكتافي...هبط شوميز بالوقت...حل البياس لي تحتها...و هز راسو يحكي
فهد:الليلة بالظبط...ما نحبك تخمم في حتى شي آخر..لا لي تعدا علينا...و لا حتى لي جاي زادة.
عديت عينيا على وجهو...معادش نعرف قداش تعدا على آخر ليلة بيناتنا...من وقتها متوقعتش إني باش نسلملو مرة اخرى...منسيتش لي صار...و مزال يوجعني بصفة غريبة...أما الراجل لي واقف قدامي توا...رغم كلشي...مزلت نعتبرو حب حياتي...مزلت نحبو كيما قبل و أكثر...و رغم نعرف إني باش نخسر برشا بعد الليلة هاذي...أما منحبش نبعد عليه...منحبش نضيع اللحظات هذوما زادة...مديت يدي بالوقت...نزلت بيها مع قطرة الما لي هبطت من شعرو على كتفو...تبعتها بصوابعي لتاتواج لي على زندو...و نزلت معاها لاخر يدو...قعد يغزرلي من غير حتى كلمة...مديت يدي لاخرى نزلت بيها البياس الفوقانية رميتها عالارض...و قربت منو أكثر...نحكي
انا:معادش نحبك تبعد عليا...مهما كان سبب لي يجبرك اوعدني
عدا صوابعو على خدي...و غزرلي ندرا كيف...غزرة مكنتش نعرف المعنى وراها كيما كل مرة...أما فما لمعة أخرى...لمعة حزن...حزن غريب برشا بالنسبة ليه هو عنقني بالوقت...كأنو يخفي فيها عليا...كبس على ظهري يحكي
فهد:كان بعدت عليك...باش يكون في مصلحتك...أما تأكد في الاخير باش نرجعلك ديما
دورت يديا زوز على ظهرو...و هزيت راسي شوية غزرتلو نحكي
انا:متبعدش و كهو...و معادش تصيح عليا بالطريقة هذيكا
فهد:إيجا هوني
نزل عليا بالوقت...هزني في حملتو...و باسني من خدي يحكي
فهد:تستغل في الفرصة كي عادتك
حطني في وسط السرير...و نزل بالوقت...استند على يدو و غرسها في شعري...و حط يدو لاخرى على خدي يحكي
فهد:عندك أوامر اخرى
هزيتلو براسي لا...رغم انو كان فما برشا كلام نحب نقولو...و أول حاجة نحبو ينهي علاقتو بيها...يمكن عرسو مع بلقيس هو الحاجة الوحيدة لي باش تبقى بيني و بينو...و منعرفش اذا باش يجي نهار و يظطر يختار بيناتنا...بين الحب و المصلحة...حطيت يدي على خدو...و نزلت بيها لرقبتو...و جبدتو عندي...بستو من شفايفو...و تبسمت نحكي
انا:نحب نقلك حاجة أخرى
فهد:ليلة الاعترافات هاذي
انا:مزال عليها أكا ليلة...أما جيست حبيت نوضحلك...انو غيرتك باش تفضحك في نهار من نهارات
فهد:نعرف يا روحي...أما كان انتي تخفف عليا شوية يكون أحسن لينا زوز
أنا:أنا و غسان جيست أصحاب
فهد:روجين يا عمري...متخلينيش نكرز توا...قتلك و باش نعاودلك...ما نحب حتى ذكر يدور بيك...و معادش نسمع منك كلمة أصحاب...و لا راني باش نرزي ■■■■■ في عمرو
انا:باهي...هدي روحك...على أساس ماكش باش تعصب
فهد:باهي
جبد روحو شوية...كبست على يدو بالوقت رجعتو عندي...و دزيتو لتالي...هزيت روحي شوية...استندت بيدي على صدرو...و غزرتلو نحكي
انا:باهي...ما نقصد شي...من غير ما تتغشش مني توا
فهد:مش دقايق لتالي كنت نرضي فيك
انا:هاك قلبت عليا الطرح...و رصاتلي انا نرضي فيك
عدا صوابعو على طول ظهري...و تبسم على جنب يحكي
فهد:توحشتك
عديت عينيا على وجهو...من غير حتى كلمة...كبس على ظهري...و عاود قلبني تحتو يحكي
فهد:توحشت كلشي فيك روجين
غمضت عينيا على شفايفو لي تحطت على شفايفي مرة أخرى...حتى أنا توحشتو بنفس الطريقة و أكثر...حتى ملقيتش جهد باش نحكي و لا نجاوب على كلامو كلشي عملتو إني حطيت خوفي...وجيعتي...و الماضي على جنب...من غير حتى ما نخمم في اللي عملو معايا قبل و لا لي باش يصير فينا مبعد...يمكن حتى ليلة هاذي مسروقة من وسط وجيعتي...خاطر وضعنا...و حياتنا...يفرض عكس لي إحنا نحبو عليه ديما...منعرفش اذا باش نعيش نفس الليلة هاذي مع فهد مرة أخرى سلمت لكل بوسة و كل لمسة و كل إحساس...قاعدة نعيش فيه مرة أخرى...سيطرتو على عقلي و قلبي و بدني...هي لي ربحت كي العادة...رغم انو في قرارة نفسي رافضة لي قاعد يصير...خاطرني نعرف اني باش نخسر برشا...اما حاجة اقوى مني...خلاتني نحب عليه اكثر من قبل...خلاتني نسلم من غير ما نرضخ للواقع للمد و الجزر لي وليت عايشة فيه ديما...يمكن على خاطر وسط هذا الكل...مزال عندي جرعة أمل...انو هو باش يخضع لإدمانو عليا...و يرجعلي...انو ماهوش باش يسلم فيا مرة اخرى...مهما كان لي باش يكلفو...مزال عندي أمل...أنو في نهار من نهارات...كان وقف بين قرارين...خيارين...مصيرين...باش يختارني انا في كل مرة...انا و كهو.
حطيت يدي تحت خدي...و حليت عينيا نغزرلو...تسطح على كرشو يغزرلي...لتوا منجمتش نستوعب لي صار حتى مزلت نحس في أنفاسي رزينة...و اللي تأكدت منو بعد اللي صار...إني مزلت نحبو كيما قبل و أكثر...أما فرد وقت...برشا أفكار و أسئلة غلبت عليا...و لي خلاتني نمد يدي بالوقت...نعدي فيها عالتاتواج...لي تقريبا مرسوم بنفس شكل الكوليي متاعي...لي وقت نحيتها من رقبتي...أعلنت بيها نهاية علاقتي معاه...شنية صار توا...و علاش صار هذا الكل منعرفش...كلشي نعرفو اني جريت ورا مشاعري مرة اخرى...انو إدماني عليه غلبني و انو مهما حاولت نبعد...الرابط لي يجمعني بيه أقوى برشا مني...قوي لدرجة لا نجم نفكو و لا نفك روحي منو...حبي ليه قد ما يخليني نسلم...يفرض عليا اني نطلب منو أكثر...و قد ما فما عباد دايرين بيه...نحبو يكون ليا و كهو...يمكن خاطر لي يجمعني بيه...ماهوش حب و ماهوش عشق زادة...قد ماهو إدمان...على صوتو على ريحتو...و حضنو...إدمان يخليني نتعدا حدودي معاه في كل مرة...اما لأول مرة...نحب نعرف نوع الإدمان هذا...و لوين باش يوصلني...خذيت نفس طويل و هزيت عينيا من التاتو...لوجهو...نحكي
انا:فهد
قلت اسمو و انا نغزر لعينيه...نحاول نلقى روحي فيهم نحاول نمحي منهم غزرة أكا ليلة...و نمحي الإحساس لي عشتو زادة...يمكن خاطرني نعرف انو أسئلتي الجاية ماهيش باش تعجبو برشا...رجعلي خصلات شعري بصوابعو يحكي
فهد:مممم
انا:نحب نسألك
فهد:نسمع فيك
كبست على يدو أكثر...و تنهدت بالقاوي...محاولة مني باش نتقبل اي إجابة...ممكن انها تخرج من شفايفو غزرت لعينيه نحكي
انا:على بلقيس
فهد:شبيها ؟
عديت عينيا على وجهو...نحب نعرف سيرتها على انو نحو باش تأثر عليه...و كملت كلامي من غير ما نضيع غزرة عينيه
انا:مثلا بلقيس مرتك من شهور...ترقدو و تفيقو مع بعضكم...حتى هي معروفة بجمالها...و حبها ليك...و حد ما ينجم ينكر هذا الشي...الكل معجب بيها...امك و أمي و حتى ياسين و لجين زادة...حتى الإعلام يحكي على علاقتكم بطريقة حلوة
فهد:وين تحب توصل بكلامك ؟
انا:منحبش نوصل...نحب نعرف أنت شنية تحس معاها كيفاش منجمتش تأثر فيك...و لا نجمت تضعف قدامها يعني ولا مرة حلات في عينك ؟
فهد:علاش الاسئلة هاذي توا ؟
أنا:يمكن على خاطر آخر مرة...فهمت انو علاقتك بيها تحسنت برشا...و معاملتك معاها زادة...بالعادة أنت ما تعطي بلاصتي لحد...و ما تنبزني قدام حد زادة...قبل الحادث برشا حاجات تبدلت يا فهد...أنت و أنا و علاقتنا زادة.
عدا صوابعو على خدي...و غزرلي ندرا كيف...غزرة لقيت روحي ضايعة في تفاصيلها...من غير ما نفهم شنية لي وراها...دار على جنبو...و حط يدو ورا ظهري يحكي
فهد:إيجا هوني
قربت منو بالوقت...دخلت في حضنو...كبس عليا يحكي
فهد:مهما كان لي حكيتو عليها...ماهوش باش يهمني كلشي حرمتك منو...حرمت روحي منو انا زادة...و مستحيل نغزر لغيرك...و لا حتى نحط يدي عليها...مهما كان سبب...مستحيل نوجعك بالطريقة هاذي باهي
هزيت راسي شوية...عديت عينيا على وجهو...نحكي
انا:معناها مستحيل تحب وحدة أخرى...حتى مرتك
فهد:ماهيش مرتي...معادش تقولها الكلمة هاذي
انا:طلقها ملا
نزل عليا شوية...خطف بوسة من شفايفي...و تبسم يحكي
فهد:هذا لي باش يصير...أما نحبك تصبر شوية
أنا:قداش ؟
فهد:منعرفش يا روحي...أما لازمك تعرف انو طريقنا ماهوش باش يكون سهل
أنا:نعرف
كبس عليا اكثر...و باسني من جبيني...غرست راسي في رقبتو...و غمضت عينيا...معاد نحب نخمم في حتى شي آخر توا...عالاقل تتعدا ليلة هادية علينا...كبست يديه و انفاسو كانو كافيين باش نعدي ليلة هادية من غير ما نخمم في حتى شي آخر.