كوكايين

الحلقة السادسة و التسعون

🔸️حلقة 96
🔸️ياسين_يحكي:
عديت يدي على وجهي و حليت الباب نزلت...أصلا حد ما ينجم يتوقع شنية لي باش يصير ليلة...جات عيني على جمال لي باش يركب...غزرتلو نحكي
أنا:وصلت لي قتلك عليه جمال
جمال:وصلتو و هاني توا باش نمشي نجيب مدام فتون
أنا:برا إرتاح انت...نجيبها أنا مبعد
جمال:باهي سي ياسين
طلعت بالزربة...منعرفش علاش فرحت خاطرها لتوا مجاتش...أصلا من آخر مرة..معادش حكيت معاها حتى جواد نشوفو إذا لحقت بكري لهوني و مدامها عطلة اليوم باش تحضر للخطبة من دارها...عملت دوش إرتحت بيه...بدلت دبشي و نزلت...تقريبا كملو التحضيرات الكل...حاولت نفركس عليه أما ريحتو مفماش...و الله يستر من اللي باش يعملو ليلة...رجعت لكرهبتي و شديت الثنية لعندها...توحشتها غير العادة فرد وقت منجمتش ننسى لي صار...لتوا مخي محبش يتقبل أنو هي عملت لي في راسها و رجعت تخدم عندو...تفكيري في اللي صاار خلاني نحرق الطريق في دقايق...لدرجة منعرفش على روحي كيفاش وصلت شديت الفران...خذيت نفس طويل و نزلت...بيني و بين روحي نحسب في الوقت باش نشوفها...و نضيع في تفاصيلها مرة أخرى...تفاصيلها لي منحبهمش يغيبو عليا نهار واحد...مديت يدي دقيت الباب...دقايق و حلاتو هزيت راسي شوية شوية نثبت فيها...للحظة حسيت دقات قلبي باش تفضحني قدامها...حتى منعرفش شبيني منجمتش نتحرك من بقعتي...الروبة خلات كل تفصيلة في بدنها منحوتة...كابسة على الفاست متاع جواد في يدها...نزلت بعينيا شوية نثبت فيها فيها..هوكا طلعت حفيانة من فوق...كان مش في بالها أنو جمال لي باش يجيها...نقول لي خرجتلي هكا بلعاني...فقت من سرحتي على صوتها تحكي
فتون:تفضل
أنا:كانك حاضرة...خلينا نمشيو
فتون:مزال شوية...كنت باش نلبس لجواد الفاست متاعو و نكمل نحضر روحي زادة
أنا:باهي...هات عليك أنا نكمل نلبسلو و إنتي برا حضر روحك
فتون:باهي
شديت عليها الفاست...غزرتلي ندرا كيف و عطاتني بظهرها...رغم إني حسيتها ضعفت شوية أما شي ما تبدل فيها...خذيت نفس نحكي
أنا:أستنى لحظة
فتون:شفما ؟
أنا:آخر مرة تحل الباب بالمنظر هذا و آخر مرة تحلو من غير ما تسأل شكون وراه...مش كل مرة نعاودهالك الحكاية
فتون:باهي كيما تحب
هزيت حاجبي مستغرب..ولات تسمع الكلام زادة..كبست عالفاست و دخلت لبيتو من غير ما نزيد معاها حرف آخر...لقيتو في وسط فرشو...يدور في اللعبة بين يديه الصغرونين...ضحكت بالوقت نحكي
أنا:جوااادي
هز راسو غزرلي...طيشها من يديه و هزهم لعندي يضحك...هزيتو في حملتي نبوس فيه و نحكي فرد وقت
أنا:محلى زين ولدي...ياخي توحش باباتو هو
جواد:بابا
مد يدو حطها على لحيتي وين شاخ أكثر...بستو مرة أخرى نحكي
أنا:حاضر صغروني باش يمشي معايا
رجعتو لبلاصتو نلبسلو في الفاست...وين بدا يبكي بالوقت...يحب يرجع لعندي...دوب كملتلو...رجعتو لحضني و خرجت من البيت نسكت فيه...هزيت راسي على صوت الكعب متاعها...توا كملت بالروج لي على شفايفها...عديت يدي على جبيني نهدي في روحي غزرت لجواد تحكي
فتون:حاضرة
أنا:تفضل ملا
كبست على صاكها و سبقتني من غير ما تغزرلي...تعمل العملة و تتغشش من فوق زادة...خلطت عليها...من غير حتى كلمة...فكرة أنها تبقى هكا قدام الضيوف...خلاتني نحل فلس سوريتي بالوقت...أصلا منعرفش شنوة باش يصير فينا اكثر...جراير الساقط متاع عرفها...حطيت جواد في كرسيه و مديت يدي حليتلها الباب نحكي
انا:أركب
فتون:نركب مع جواد
انا:مانيش الشوفور متاعك...هيا أركب
فتون:مقتلكش إيجا وصلني
ركبت و جبدت الباب معاها...نفخت بالقاوي و خلطت عليها...دورت وجها للبلار متحبش تغزرلي...خدمت الكرهبة من غير ما نزيد عليها...لقيت روحي نطلع و نهبط...معادش نعرف في شنوة قاعد نخمم بالظبط شديت الفران بالقاوي...تلفتتلي مفجوعة...تحكي
فتون:شفمااا؟
دورت راسي نغزرلها...تعدي في عينيا على وجهي مصدومة...حتى جواد بدا يبكي بالوقت...حلت الحزام تحكي
فتون:أنا باش نركب بجنبو و لا ماهوش باش يسكت
جبدتها من يدها بالوقت...غزرتلي مصدومة...و جات باش تحكي...نزلت بيديا زوز لأجنابها و هزيتها عندي عينيها وساعو بالوقت...كبست على صدري...تحكي
فتون:ي..ياسين فاااش تعمل أنت...ياخي هبلت سيبني مديت يدي...رجعت الكرسي شوية لتالي...وين فقدت توازنها و كبشت فيا أكثر تحكي
فتون:يا ياااسين فاااش تعمل ياااخي ؟
تكيتها عالفولون و قربتلها أكثر...بيدي منعرفش فاش قاعد نعمل...عديت عينيا على وجها و كبست على جنبها أكثر...نحكي
أنا:مخممتش فيا قبل ما تخرج هكا ؟
فتون:ع..علاش شنية عملت أنا ؟
أنا:شنية عملت ؟ تسأل فيا زادة ؟
هزتلي براسها إيه...ملامح الخوف ظهرت على وجها و هي تغزرلي...أنفاسها بدات تقوى في وجهي...لدرجة خلاتني نفقد تركيزي أكثر...نزلت بعينيا شوية نغزر لشفايفها و نسمع فيها فرد وقت
فتون:ي..ياسين سيبني شبيك ياخي ؟
أنا:مجاوبتنيش
فتون:خاطرني مفهمتش شنية عملتلك
مديت يدي شوية...عديت صوابعي على شفايفها شوية نحكي
أنا:هذا أول سبب
مديت يدي من جنبها...لظهرها من تالي...تحت الفاست و جبدتها عندي أكثر...نحكي
أنا:واللي لبستو أكبر سبب زادة
فتون:خ..خاطر عندنا مناسبة كان نسيت
أنا:لا منسيتش...أما منحبش لي داخل و لي خارج...يغزر لبدن مرتي
فتون:و أنا مانيش مرتك
أنا:أما باش تكون...خاطرك في الأول و في الأخير متاعي أنا
فتون:و مانيش متاعك
أنا:متأكدة
قحرتلي و جات باش تحكي...نزلت على شفايفها بالوقت كبست عليا أكثر...محاولة منها باش تبعدني عليها حصرتها مع الفولون و غطست فيهم أكثر...لدرجة حسيتها بدات تسلم...جبدت روحي شوية نحكي
أنا:شنعمل فيك توا ؟
فتون:س..سيبني و كهو...علاش تبوس فيا توا ؟
أنا:خاطرني معادش نجم نصبر عليك أكثر من هكا
فتون:تكذذب...مش صحيح
أنا:شنية لي مش صحيح ؟
هزيت راسي شوية نغزرلها...شفايفها لي تبلبزو بالروج شهااوني أكثر...أصلا منهم نحس روحي سكرت خلي الباقي...غزرتلي ندرا كيف تحكي
فتون:س..سيبني خليني نمشي بحذا جواد
دورت راسي شوية نغزلو...غطس في نوم و فهم روحو...تبسمت نحكي
أنا:خليك من جواد توا...و فهمني لي قاعد يصير
فتون:أنا متغشة منك ياسين...و منحبش نحكي معاك جملة...و كان جا كلامك صحيح...متبعدش عليا مرة أخرى
أنا:مش إنتي لي بعدتني عليك ؟
فتون:أنت حبيت تفكلي جواد
انا:بالله ؟ ياخي نجم نعمل فيك هكا ؟
فتون:أما أنت قلت هكا
كبست على يدها لي فوق صدري...بستها منها و غزرتلها نحكي
أنا:فتون يا عمري...أنا نحبك تحكيلي كلشي قاعد يصير معاك...مش تتصرف من راسك...نعرف روحي غلطت و ميجيش لي عملتو...أما إنتي زادة مخليتش فيا عقل نخمم بيه
فتون:أنا مرتاحة في خدمتي
أنا:نعمل روحي صدقتك...أما كان نعرف لإنتي خبيت عليا حاجة وقتها ما تلوم كان روحك...و بخصوص لي صار مزلت متغشش منو و مانيش باش نعديهولك بالساهل
فتون:المهم خليلي ولدي
أنا:حتى حد ماهو باش يفكلك ولدك تهنى
فتون:حتى أنت ؟
أنا:أنا نحب على أمو
جات باش تحكي...صبري ناحيتها وفى..لدرجة منعرفش كيفاش عاودت غطست في شفايفها...كبست عالفاست متاعها نزلتها...هزت راسها مستغربة...تبسمت نحكي
أنا:متخافش...نحب نشبع منك شوية...على خاطر كي توصل للفيلا تبدلها
فتون:ع..علاش ؟ ساعة أنا حبيتها عاللخر و اخترتها مع روجين زادة
قصيت عليها بعضة خفيفة و كبست على جنبها...نحكي
أنا:صحيح وتاتك و خذيتلي عقلي بيها...و عشقت لونها عليك أما منحبش حد غيري يحس نفس الشي و هو يغزرلك...مفهوم كلامي
هزتلي براسها لا...مديت يدي شوية...حطيتها على فخذها تحت الروبة...قرصتها بالوقت...عينيها وساعو حلت فمها مصدومة و حطت يدها فوق يدي تحكي
فتون:و..وجعتني...سيبني
أنا:دبشك مزال في بيتك تبدلها و تلبس أي حاجة أخرى مكانش وقتها متلومينش على اللي باش يصير...مفهوم كلامي توا
فتون:م..مفهووم
عديت صوابعي فوق القرصة و تبسمت بالوقت نحكي
أنا:أيامات و ترتاح
غزرتلي ندرا كيف...لدرجة حسيت بدموعها لي باش ينزلو في أي لحظة...حطيتلها شعرها على جنب و نزلت عليها شوية...بستها من رقبتها...وين بدنها رعش بين يديا...توحشتها و توحشت كل قطعة فيها...أصلا في كل مرة كنت نمسها بدافع اني قاعد ننتقم منها...حقيقتو كانت إني أدمنت عليها و على تفاصيلها...حقيقتو هي أنو مهما عملت و مهما حاولت نهرب منها...أنا ضعيف قدامها و قدام أنوثتها...من بوسة لقيت روحي نعض فيها...خذيت نفس طويل من ريحتها نحكي
أنا:أيا ارجع لبلاصتك...خاطرني منجمش نقاوم مفاتنك أكثر من هكا يا فتون
مدت يدها حطتها على رقبتها و هزت راسها قحرتلي تحكي
فتون:متوحش
انا:بالله تحب تجرب بطريقة أخرى
ضحكت و أنا نغزرلها كيفاش تحاول تسلك روحها كبست عليها و رجعتها لبلاصتها نحكي
أنا:حتى هي أيامات و تنقص
فتون:قتلك معاادش تعضني
أنا:ملا شنعملك ؟
فتون:والله لا تحشمها
أنا:شنعمل كي إنتي بنينة هكا ؟
فتون:بطينا عالخطبة
أنا:والله انا لي بطيت باش نعاود نعرس
فتون:شكون شدك ؟
أنا:والله فما شكون لتوا لا حبت ترضى بيا
فتون:خاطرك منحرف و متحشمش
أنا:هاك إنتي تحبني رغم إني منحرف و منحشمش زادة
ضحكت لتبسيمتها و خدمت الكرهبة...الليلة بالظبط ما نحب نخمم في حتى شي من اللي صار...و لا في اللي باش يصير...من غير لي عشتو معاها توا و كهو...شديت الفران و دورت راسي غزرتلها...تلبس في الفاست متاعها قربتلها شوية...و مديت يدي...عديت صوابعي جمب شفايفها...مسحت بقية الروج لي قعد عليهم...و غزرتلها نحكي
أنا:ديراكت للبيت...تبدل دبشك قبل ما تهبط بحذاهم
فتون:أنا نحب نبقى بيها
أنا:وقتها أنا مانيش مسؤول عاللي باش يصير
فتون:افففف منك
أنا:زيد تأفأف
فتون:حتى مكياجي فسد جرايرك
أنا:تنجم تعاودو
قحرتلي و هزت روحها نزلت...خلطت عليها بالوقت حليت الباب و هزيتو بين يديا...حل عينيه شوية غزرلي و عاود حط راسو على صدري يكمل في نومتو..ضحكت تحكي
فتون:ماهوش باش يفيق توا
أنا:ملا باش نحطو في بيتو...خلي يرتاح في سريرو
فتون:شكون يهتم بيه ؟
أنا:هدى موجودة هوني...خاطر لازم شكون يبقى معاه
فتون:باهي برشا ملا
أنا:هيا ايجا و متنساش لي قلتو
فتون:باهي تهنى...و أنت كل شوية تعاود فيه
أنا:خاطرني نعرفك متسمعش الكلام
فتون:هاني باش نسمع تنجم ترتاح
تبسمت و خلطت عليها...طلعت من غير ما تتلفت وراها دخلت لبيتي و سكرت الباب في وجهي...خذيت نفس و دخلت لبيت جواد...حطيتو في وسط سريرو...ورجعتلو السوسات لي طاحت من فمو...عديت دقايق و أنا نغزرلو منحبش نضيع دقيقة بعيد عليه و هو يكبر...مديت يدي شوية...عديت صوابعي على خدو...كان بسنتين خرجو عمل فينا هذا الكل...ربي يقدر عاللي جاي...غزرت لساعة و خرجت من البيت ماشي لعندها...هزيت راسي على حلة الباب نغزرلها...عديت عينيا عليها...تقريبا شي ما تبدل...كان الروبة أطول شوية...طلعت حاجبي عالروج لي عاوداتو...قربت منها بخطوات ثابتة...أما حبست كي جات عيني عليها...غزرتلها مستغرب و مصدوم فرد وقت...آخر وحدة توقعت إني نشوفها بعد الوقت هذا حتى تكلمت من غير ما نحس
انا:سااارة ؟
عديت عينيا على وجها...متبدلتش برشا على آخر مرة ريتها فيها...حتى ملامحها زادة...و قبل ما نستوعب لي قاعد يصير بالظبط...و لا فاش تعمل هوني...لقيتها في حضني...أصلا منعرفش كيفاش وصلت عندي...كبست عليا...تحكي
سارة:ياااسيين
هزيت راسي شوية نغزرلها...عدات عينيها على وجهي كأنها تسأل و تلوم فيا فرد وقت...جيت باش نحكي قحرتلي و نزلت الدروج بالزربة...مديت يديا زوز حطيتهم على أجنابها بعدتها عليا نحكي
أنا:أهلا بيك
سارة:متوقعتش إني باش نشوفك مرة أخرى
أنا:شتعمل هوني سارة ؟
سارة:ج..جيت مع بابا...سي هارون استدعاه للخطبة...و محبيتش نفوت فرصة إني نشوفك أنت و بلقيس
انا:بلقيس ؟
سارة:نائل يكون راجل خالتي
طلعت حاجبي مستغرب...حتى محاولتش نفهم برشا لي قاعد يصير...خاطر تفكيري مش معاها توا...خذيت نفس نحكي
أنا:فرحت خاطرني شفتك مرة أخرى سارة...و تمنيت نحكي معاك أكثر...أما لازمني نمشي توا
سارة:سمعت لي ولى عندك صغير
أنا:صحيح
سارة:نجم نشوفو ؟
أنا:أكيد...كي يفيق نعطيك خبر
خليتها و جيت باش ننزل...وقفتني كي قربت مني تحكي
سارة:ياسين...أنت قاعد تتهرب مني
تبسمت على جنب و عاودت تلفت عندها...غزرتلها نحكي
أنا:لاا...مفماش علاش...أما عندي حاجة أهم من كلشي تستنى فيا توا
نزلت من غير ما نستناها تجاوبني...أصلا لا توقعت نشوفها و لا نحب نشوفها مرة أخرى...اللي صار سنين لتالي...منحبش نرجع نخمم...منعرفش على روحي كيفاش وصلت اللوطة...نفركس عليها في وسط الناس لي منعرفش شكون و علاش الاستدعائات هذوما الكل أصلا ما يكون ورا الحكاية كان هارون...ربي يستر من فهد و من اللي باش يصير...خاطرني مش مطمن حتى طرف...هزيت راسي شوية نغزرلها واقفة مع سلطانة و و منعرفش شكون زادة...ملا تعرف كيفاش تكمبس قحرتلي و دورت وجها...عديت يدي على وجها و جبدت تليفوني نطلب فيها...علقت عليا و سكرت تليفونها...ملا هكا ولينا...تخنقت أكثر بالعدد لي زاد...رجعت لفوق نفركس عليه...غزرت لبلقيس نحكي
أنا:مريتش فهد ؟
بلقيس:في البيت عالاغلب ماهو باش ينزل
هزيتلها براسي باهي و مشيت لبيتو...حليت الباب نغزرلو...مسطح على طرف السرير...و حط يدو على عينيه...نفخت بالقاوي نحكي
أنا:شتعمل هوني أنت ؟
فهد:نحضر في روحي
أنا:هاني نشوف فيك حاضر من بكري...شبيك منزلتش لتوا ؟
فهد:مش حتى تنزل هي
أنا:الصبر يا ربي...أسمعني من غير فضايح...عمك عمل اللازم و استدعى الكل...في بالو هو باش يعرس
فهد:نردهالو في عرسو...أصلا يحبني نريض كي نشوف العباد لي جابهم
أنا:و هذا لي باش تعملو...تذكر لي غسان ما عندو حتى ذنب في اللي قاعد يصير
فهد:عندك أوامر أخرى سي خويا ؟
أنا:تعرف لي سارة هوني ؟
فهد:شكون سارة ؟
أنا:سارة بنت سي عادل
فهد:شتعمل هووني هاذي ؟
أنا:طلعت بنت خالة مرتك
فهد:توا كمل الفيلم...على أساس ناقصين عبد جديد إحنا
أنا:مش مهم...اما في الوقت هذا حاول تلقى مخرج...و خلينا نحلوها الحكاية...هارون ميلزمش يبقى بيناتنا اكثر من هكا
فهد:هارون مفكر روحو يحرك في اللعب...نحط يدي عالنار أنو قاعد يحفرلك توا...و لا مكانتش باش يرجعها لحياتك في الوقت هذا
أنا:ميهمش برشا...لي ميعرفوش هارون...إني تعديت الحكاية هاذي في نفس الليلة لي إختارت انها تمشي على روحها
فهد:ملا مهمتك ولات صعيبة
تبسمت خاطرني فهمتو يقصد في فتون...خذيت نفس و قربت من الباب نحكي
أنا:متنساش كلامي
فهد:إن شاء الله
خرجت و رجعت لبيت جواد...لي لتوا غاطس في النوم غزرت لهدى نحكي
انا:هدى
هدى:تفضل سي ياسين
أنا:تنزل اللوطة توا...و تخبر المدام فتون لي جواد تاعب و ميحبش يسكت
غزرتلي مستغربة...و هزتلي براسها باهي...قربت من سريرو نغزرلو...أصلا هو الوحيد لي باش يعاون بوه على أمو...تبسمت على صوت الكعب متاعها قربت من الباب بالوقت...نستنى فيها...دخلت مصدومة...تغزر لسرير متاع جواد...خطفتها من كرشها بالوقت...كبست عليها و سكرت الباب...خذيت نفس من ريحتها لي تسكرني في كل مرة...حاولت تجبد روحها...تحكي
فتون:سييبني...كان لازم نعرف لأنت ورا الحكاية
دورتها عندي...و دزيتها عالباب...عديت عينيا على وجها نحكي
أنا:شنية هذا لي تعمل فيه ؟
فتون:أسأل روحك ؟
أنا:شنية عملت أنا ؟
فتون:لا ما عملت شي...أنا نظلم فيك توا...كان لازمني نعرف أنو ماضيك حافل بالنسا
أنا:هكا تقول لراجلك ؟
فتون:ماكش راجلي...و مدام رجعت صحبتك القديمة...متقصرش معاها عاد
أنا:مكنتش نعرف لإنتي باش تغير عليا لهدرجة عزيزتي
فتون:مغرتش
أنا:غرت
فتون:علاش باش نغير عليك أنا ؟
أنا:خاطرك تحبني
فتون:أبعد عليا
مدت يديها زوز حطتهم على صدري...تبعد فيا...كبست عليهم و طلعتهم الفوق نحكي
أنا:أركح احسنلك
فتون:فاش تعمل ياخي ؟
أنا:نستنى فيك جاوبني
فتون:على شنوة ؟
قربتلها أكثر...وين حسيت بأنفاسها لي ضربت في وجهي...قربت من وذنها نحكي
أنا:إعترف لإنتي غرت
فتون:مغرتش
دوب بستها و قربت لشفايفها...تبسمت بالوقت...نحكي
أنا:غرت
فتون:لاا
عاودت بستها مرة أخرى...غزرتلي ندرا كيف...نزلت لرقبتها نحكي
أنا:تعترف و لا ؟
فتون:باااهي...باااهي سيبني توا
أنا:إعترف ساعة
فتون:هاني قتلك باهي...ياخي شنية كنت تحبني نعمل و أنت لي تجي على يدك تحضنها
ضحكت بالوقت...خطفت بوسة من فوق التراص لي على رقبتها...و هزيت راسي شوية نحكي
أنا:أول حاجة محضنتهاش...و ثاني حاجة أنا ما نخمم في حتى حد غيرك
فتون:من إمتى و هي هوني ؟
أنا:منعرفش...ريتها قدامك
فتون:باش تعديها عليا توا ؟
أنا:فتوون...مفما حتى شي نعديه عليك...عرفت منها لي هي بنت خالة بلقيس...و هارون استدعاهم...غير هكا منعرفش و ميهمنيش نعرف علاش هي هوني
فتون:معناها باش تكون ديما موجودة هوني
أنا:خايفة مني ياخي ؟
فتون:علاش منخافش ؟ أنت كلشي عملتو لتوا كان على خاطر حبك القديم...باش تحاول تقنعني لأنا أهم منها توا...هاي رجعت...مش لازم تضيع وقتك معايا أكثر من هكا
رخفت على يديها زوز...و عديت صوابعي على خدها نحكي
أنا:نعرف لي عشتو جرايري مش ساهل...أما مدامني واقف قدامك توا...معناها أنا متأكد من روحي...و من مشاعري ليك...انا نحبك انتي...و حتى مرا أخرى ما تنجم تحرك فيا غرام من اللي حركتو إنتي فيا
فتون:بلكشي حنيتلها ؟
أنا:إيجا عندي تراه
غزرتلي ندرا كيف و قربت مني...دخلت في حضني من غير حتى كلمة..حتى لأول مرة تسلم و تعنقني بالطريقة هاذي...عديت يدي على شعرها نحكي
أنا:فتونتي...ياخي أنا مزلت باش نغلط في حقك و نتخلى عليك...معادش نحبك تخاف مني...و لا حتى تبعد عليا...حط في مخك الصغرون أنو ياسين عندو عشق واحد و هو إنتي...مفماش قبلك و لا بعدك زادة مفهوم يا روح ياسين
فتون:ياسين
أنا:روحي
فتون:خليك معايا...من غير ما ننزلو توا
ضيقت عينيا مستغرب و نزلت راسي شوية نغزرلها خذيت نفس نحكي
ا٦نا:تحب تخبرني بحاجة ؟
فتون:لا...كانك تحبني بالحق...خليك معايا توا
أنا:متطلعش تحب تحبسني هوني ؟
هزت راسها شوية غزرتلي ندرا كيف...و تبسمت تحكي
فتون:كان أنت تحب تكون أسير...إي نحب نحبسك هوني
أنا:علاش أنا إمتى كنت حر ؟
تبسمت بالوقت و عاودت حطت راسها على صدري عديت يدي على شعرها...من غير ما نكبش فيها أكثر منعرفش علاش متاكد أنو فما حاجة مخبيتها عليا...و ان شاء الله يطلع شكي صحيح بخصوص الساقط متاع عرفها...وقتها باش ناخو روحو بيدي...نزلت عليها شوية بستها من راسها و كبست عليها...محاولة مني باش ما نخمم في حتى شي آخر.
#ياسين_فتون❤