كوكايين

الحلقة السابعة و التسعون

🔸️حلقة 97
🔸️فهد_يحكي:
حليت عينيا شوية...أصلا منعرفش على روحي كيفاش غفيت...نزلت راسي نغزرلها...تبسمت بالوقت...أصلا كل مرة نقربلها نحسها أول مرة...بالرسمي منعرفش شنية ممكن يصير فيا...كان تخمم أنها تبعد عليا و تخليني ليلة أمس كانت كافية باش تخليني نحس بحبها مرة أخرى...و لي مستحيل تتخلى عليا مهما صار...عديت صوابعي على خدها...و جبدت روحي منها شوية..مديت يدي نلبس في سروالي و نغزرلها فرد وقت...نزلت عليها شوية...بستها من جبينها...و هزيت روحي وقفت...نغزر لدنيا لي داخلة بعضها..حليت البالكون و خرجت..خذيت نفس من النسمة الباردة...و هزيت راسي نغزر لشمس لي بدات تضوي...يمكن هذا أحسن حل خممت فيه لتوا...و لي باش يخليني نحافظ عليها من اللي دايرين بيها الكل فقت من سرحتي كي حسيت بيديها زوز لي دارو على كرشي...حطت راسها على ظهري...تحكي
روجين:صباح الحب...شتعمل هوني ياخي ؟
خذيت نفس...و تلفت عندها...عديت عينيا على وجها و نزلت بيهم لرقبتها و أول صدرها...تبسمت عالمخلفات لي خليتهم عليها...و شخت أكثر على الغطا لي لفت روحها في وسطو...عديت صوابعي على خصلات شعرها نحكي
أنا:أدخل البس حاجة تو تاخو برد
روجين:أنت زادة ماكش لابس
أنا:مانيش مراض كيفك...هيا أسمع الكلام
قربتلي أكثر...دخلت في حضني...لي خلاني نعنقها بالوقت...كبست عليا تحكي
روجين:نحب نبقى معاك أنا...و زيد شبيك قمت و خليتني
أنا:خاطرني منجمش نخمم و إنتي في حملتي
روجين:و فاش قاعد تخمم ؟
أنا:فيك إنتي ؟ و في حياتنا مبعد ؟
روجين:نجم نعرف أنا زادة ؟
أنا:كلشي لازمك تعرفو...هو أنك باش تبعد من هوني في أقرب وقت يا روحي
هزت راسها شوية...غزرتلي مستغربة...و ضيقت عينيها تحكي
روجين:شقصدك ؟
أنا:إنتي باش تسافر من هوني روجين
روجين:شنوووة ؟ فهد فاااش تحكي ياخي...سفر شنية لي تحكي عليه أنت ؟
أنا:هذا أحسن حل توا...إنتي باش تسبقني لإيطاليا...و تبعد على كلشي قاعد يصير هوني
روجين:مفهمتكش
خذيت نفس طويل...حتى أنا صعيب عليا باش نبعدها من هوني...و نتحرم منها...عديت عينيا على وجها نحكي
أنا:أسمعني...طول ما إنتي هوني...و طول ما إنتي بجنبي...ماكش باش ترتاح جملة
روجين:و هذااا لي طلعت بيه...تحب تبعدني عليك ؟ فيسع سلمت و تحب ترتاح مني ؟
أنا:شنية ●●●● الكلام هذا عالصباح...إمتى حبيت نرتاح منك أنا ؟ ياخي في بالك الحكاية ساهلة بالنسبة ليا ؟ أما هذا احسن قرار لينا زوز...أنا باش نبعدك من هوني باش تلقى كلشي حاضر غديكا كيما خططنالو قبل..حتى باش نوفرلك كلشي...كرهبة و حرس و حتى باش تتعلم التصميم في أشهر دار ازياء عندهم
روجين:شكون قلك لأنا نحب هذا الكل...كيفاش يجي في بالك تخليني وحدي غديكا
أنا:ماكش وحدك...أنا باش نريقل الأمور هوني و نخلط عليك
روجين:و قداش لازمهم أمورك ؟ عام و لا عامين ؟ و لا ديما أنت لي تقرر و أنا نفذ ؟
أنا:ماكش باش تناقشني فيه القرار هذا...آخر الاسبوع تكون حاضرة باش تسافر
روجين:باااهي...باش نمشي من هوووني...أما حتى أنت منحبش نشوفك مرة أخرى...من غير مااا تخلط عليا خليك هوني مع مرتك و أمورك
دورت وجهي بالوقت...منحبش نضعف قدام دموعها قربت مني شوية تحكي
روجين:هذا آخر كلام عندك ؟
كبست عالحديدة متاع البالكون...من غير ما نجاوبها..ولا حتى نغزرلها...بردت أكثر كي بعدت عليا...و تلفت على صياحها...نغزرلها مصدوم...عفست عالبلار من غير ما تاخو بالها...هزت ساقها شوية موجوعة...قربت منها بالوقت هزيتها بين يديا...ضربتني لكتفي تحكي
روجين:سيييبني و أبعد عليااا
حطيتها على طرف السرير...حاولت تقوم...قحرتلها نحكي
أنا:جرررب قوووم...ساااقك نقصها توااا
روجين:متصييحش عليااا...أصلا أنا الغالطة خاااطرني جيت لعندك
خذيت نفس و قعدت على ركبتي بجنبها...هزيت ساقها و حطيتها على ساقي...مقصرتش و عفست على أكبر قطعة...مديت يدي نحيتها...صاحت فرد صيحة تحكي
روجين:علااااش هكااا...شنية عملتلك أنا ؟ تحب تسفرني و توا تعاملني هكا
عديت عينيا على وجها...منعرفش من وين ليها الطاقة هاذي صباح ربي...باش تبكي هكا...هزيت روحي وقفت نحكي
أنا:رد بالك تتحرك
دخلت لبيت البانو هزيت البوات فرماسي و رجعت بجنبها...غزرتلي تحكي
روجين:ن..نحب نمشي من هوني توا
أنا:أسكت شوية
روجين:م..مانيش باش نسكت متنساش كي تبعثني من هوني...أبعث دبشي لي هوني الكل...خاطرني مانيش باش نرجع لا لتونس و لا دارك زادة
كبست على الجرح شوية...على أساس باش تسكت شوية ياخي فحمت أكثر...لفيتو...و هزيت روحي قعدت بجنبها...عديت صوابعي على خدها نحكي
أنا:يزززي كهو...تو الحكاية تستهل منك هذا الكل ؟
روجين:م..منحبش نمشي...منحبش نبعد عليك...أصلا حتى حد ما عندو مصلحة يأذيني من غير هارون
غزرتلها مستغرب...ضيقت عينيا و جبدت يدي منها نحكي
أنا:شقصدك ؟
هزت راسها غزرتلي ندرا كيف...و مدت يديها زوز..تمسح في دموعها و تحكي فرد وقت
روجين:هو السبب ورا الحادثة...و هو لي جبرني على الخطبة زادة باش نبعد عليك...هارون قاعد يهدد فيا بيك و بكل حد قريب مني...فتون و جواد...حتى ياسين و لجين زادة...شنية كنت تحبني نعمل...و قداش لازمني نتحمل منكم أكثر...قداش مني أنا باش الكل يحب يأمر أنا تعبت برشا فهد...معااادش نجم نتحمل أكثر من هكا
بقيت نغزرلها من غير حتى كلمة...محاولة مني باش نستوعب الكلام لي قالتو...حطت وجها بين يديها تبكي بالشهقة...لي خلاني نقربلها بالوقت...هزيتلها راسها شوية نحكي
انا:رووجين...إنتي واعية للكلام لي قلتو ؟
هزتلي براسها ايه...و كبست على يدي بالوقت...تحكي
روجين:س..سمعتو بالصدفة و هو يحكي في التليفون جيت باش نخبرك...طلع متفاهم مع بلقيس...لي حاولت تبين أنو أنت عديت ليلة معاها...حبني نعرف باش ينجم يستغلني...حتى فما شكون يسكن فوق فتون باش يراقبها...و بعثو باش يقتلها كان أنا موافقتش على العرض متاعو...و هددني بالدليل لي شادو عليك زادة أكا علاش أنا وافقت
جبدت يدي منها بالوقت...لدرجة منعرفش على روحي كيفاش وقفت...عديت يدي على وجهي نحكي
أنا:كييفااااش تخبي علياااا حاجة هكااا روجين كيفاااش تتصرف وحدددك مع ساااقط كيفووو تكلم
هزت روحها وقفت قربت مني بالوقت...مدت يدها باش تشدني وخرت لتالي نحكي
أنا:ابعععد عليااا أحسن ما نزيد نضرك
قربت من القارد روب نجبد في دبشي...خلطت عليا بالوقت...شدتني من يدي تحكي
روجين:محبيتش نخبرك خاطر هاااذي باش تكوون ردة فعلك...خفت منك تقتلو يا فهد
أنا:و هذا لي باش يصير توا زااادة
مديت يدي جبدت الفرد...أصلا كان خليتو يزيد نفس آخر...تكون دعاتلو أمو بكري...عينيها وساعو بالوقت قربت مني أكثر تحكي
روجين:لاااا ماااكش باش تعملهاااا...أنت ماااكش مجرم يااا فهدد...تيي مرررة وحدة خمم فيا...علاااااش هكااا
كبست على يدها بالوقت...دزيتها عالقارد روب و نزلت عليها نحكي
أنا:كااان باش يقتلك...و يحرمني منك...إنتي كنت باااااش تموت بين يديا...و هو كاااان السبب في كلشي صاااار...و إنتي خبيت علياااا...على أساااس كي نعرف مبعد باش نعديهااالو...هاني باش نقتل ●●●●● و نرتح الكل من شرووو
كبست على يدي أكثر...حتى استغربت كيفاش مزلت واقف قدامها لتوا...غزرتلي تحكي
روجين:خمم فياا فهد...أنت كي تقتلو توا و تباصي عليه أنا شكون بيا مبعد...هذا الحل الوحيد لي لقيتو ؟ علاش ديما تتسرع في قرارتك...من غير ما تخمم...أنا نحبك تاخو الدليل و تخليه يدخل الحبس...مش توسخ يديك بدمو...أسمعني أمااانك...أسمعني عيش حبي
مديت يدي عديتها على وجهي...نحس في بدني يرعش بصفة غريبة...دوب نجمت نركز مع كلامها...عنقتني بالوقت تحكي
روجين:معااادش تتصرف بالطريقة هاذي...مش كلشي يتحل هكا...أنت توا بحاجتي و بحاجة ياسين زادة..إحنا مع بعضنا باش نحطو حد لحكاية هارون
بقيت نسمع فيها من غير حتى كلمة...كبست عليا أكثر تحكي
روجين:هدي رووحك توا...و نوعدك باش نحكيو في كلشي من الأول
حسيت بيدها لي تحطت عالفرد...غزرتلي ندرا كيف...و هزتلي براسها باهي...رخفت عليه من غير ما نحس طيشاتو عالارض...و رجعت لحضني...كبست عليها بيديا زوز...بقوة الخوف لي حسيو ليلتها...ليلة لي كان باش يفكها مني...رغم يعرف أنو حياتي مربوطة بيها...يعرف لأنا منجمش نعيش من غيرها...و لا ناخو نفس كي العباد...و رغم هكا حاول يقتلهالي من غير ما يخمم في شنية اللي باش يصير فيا...و توا يحب يعرسلها قدام عينيا...جرد فكرة خلاتني نكبس عليها أكثر...كأنو باش يفكها من بين يديا توا...غمضت عينيا على كبسة يديها و بوستها على صدري...كأنها تهدي فيا...أما اللي متعرفوش...أنو البركان لي تحير داخلي...ماهوش باش يهدى قبل ما ناخو الروح متاعو بيديا زوز...وقتها كهو نكون وفيت بالوعد لي عطيتو لروحي...وقت خلاها بين حياة و موت...و واقف بجنبي يستنى في أخبارها...كل مرة تتعدا حكاية بين عينيا نحس روحي باش نهبل أكثر...جاب ربي...راهي بين يديا توا..حالتها تخلي كلشي يستنى لبعد...حتى بلقيس طلعت تخدم في مخها معاها رغم تعرف أنها خط احمر بالنسبة ليا...توا بالظبط معادش نعرف شكون نلوم اكثر..نلومها هي خاطر خبات عليا و لا نلوم روحي خاطرني غفلت عليها المدة هاذي الكل...و كنت السبب في كلشي تعدات بيه لتوا...حليت عينيا شوية شوية...كأني بديت نستوعب في اللي صار الكل...و تذكرت حالتها بكري زادة...نزلت راسي شوية نغزرلها...باقي كابسة عليا بيديها زوز...خذيت نفس طويل...و جبدتها من عندي شوية...عديت صوابعي على خدها نحكي
أنا:يزي كهو
روجين:خ..خليك معايا
هزيتلها براسي باهي و قربتلها أكثر...هزيتها في حملتي و رجعتها لسرير...نزلت راسي نغزر لساقها لي ولات كلها دم مرة أخرى...رجعت بجنبها و عاودت عقمت الجرح مرة أخرى...من غير حتى كلمة...أصلا معادش نعرف شنية نقول بالظبط...هزيت روحي وقفت غزرتلي مصدومة تحكي
روجين:وين باش تمشي ؟
أنا:شد بلاصتك...و معادش تعفس على ساقك مرة أخرى
روجين:فههد أسمعني
أنا:روووجين...يزي صغروتني
حليت القارد روب لبست مريولي...و جبدت أول روبة جات على يدي...و رجعتلها...قعدت بجنبها و مديت يدي نزلت الغطا...و نزلت عينيا معاه للجرح...قلبي خض بالقاوي مرة أخرى...عديت صوابعي عليه...نحكي
أنا:يا ريتك تكلمت من الأول
روجين:خفت عليك...خفت إني نخسرك
أنا:معناها قبلت تعيش الخوف هذا الكل...و أنا موجود قدامك
روجين:خوفي عليك أهم مني يا روحي
أنا:إيجا تلبس...تو تاخو برد
قربتلها أكثر نلبس فيها...منحبش نخمم أكثر في اللي صار و لا باش نفقد أعصابي مرة أخرى...بستها من جبينها و هزيت روحي وقفت...غزرتلي مصدومة تحكي
روجين:بااش تخرج ياخي ؟
أنا:رووجين...يزي كهو...ما عندي وين نمشي...هاني باش نحضرلك حاجة تاكلها
روجين:نفطرو مع بعضنا ملا
أنا:باهي
دوب تبسمت و جبدت روحي منها...لميت البلار لي عالأرض...و دخلت نحضر في الفطور...باقي تغزرلي من بعيد...خايفة مني لا نخرج...نفخت بالقاوي تحكي
روجين:فههههد...يااا فهد
أنا:شبيك تصيح ؟
روجين:نحب ندخل لتوالات
أنا:اصبر شوية
روجين:تحصرت...ياخي باش نبقى نستنى فيك أنا توااا
حطيت من يدي...و قربت منها...مدتلي يديها زوز بالوقت...تبسمت عالفازة...و هزيتها بين يديا...دخلتها لبيت البانو...و حطيتها نحكي
أنا:تحب حاجة أخرى
روجين:لاا
أنا:باهي
كبست عالبواني باش نسكر الباب...وقفتني تصيح
روجين:متسكرهاااااش
أنا:رووجين يززي من صيااح شبيك
روجين:خليها هكا
أنا:علاش ؟
روجين:باش إذا خممت تخرج نسمعك
أنا:الصبر يا ربي...ياخي أنا نجم عليك توا
روجين:فهههد
أنا:شنوة زادة ؟
روجين:حضرلي العصير كيما نحبو
أنا:باهي...و حاول ترتاح...مانيش باش نخليك
روجين:باهي
رجعت للفطور نكمل فيه...و هزيت راسي على صوتها تحكي
روجين:فههههد
أنا:شنييية تحب ؟
روجين:شي نحب نثبت لأنت مزلت هووني يا روحي
استندت بيديا الزوز عالرخامة...و تبسمت بالوقت...أصلا مستغرب في روحي كيفاش مزلت هوني لتوا من غير ردة فعل...هزيت راسي كي حسيت بيها خرجت...قربت منها بالوقت...هزيتها في حملتي نحكي
أنا:مش قتلك متعفسش على ساقك
روجين:توجع فيا
أنا:في رايي نتعداو للكلينيك احسن
روجين:لا متستهلش هذا الكل...صحيح توجع أما منحبش ندخل للكلينيك مرة أخرى
هزيتلها براسي باهي...أصلا استوعبت خوفها بعد اللي صار معاها...كبست عليها و بستها من خدها...حطيتها عالرخامة نحكي
أنا:خليك هوني...لين نكمل
روجين:لتوا مكملتش ياخي
حطيت قطعة جبن في فمها...سكتت بالوقت...كملت نقص في الطماطم...جبدتني من مريولي تحكي
روجين:إيجا هوني تراه
استندت بيديا زوز عالرخامة...و عديت عينيا على وجها غزرتلي ندرا كيف تحكي
روجين:ياخي أنت بالرسمي تنجم تبعد عليا
أنا:وين تحب توصل ؟
روجين:شي...أما فكرة السفر ماهيش خايبة برشا
أنا:صااار ؟
روجين:مممم كلشي في إيطاليا يستدعي الإكتشاف يا عَزيزي
أنا:بالله و شنية مزال مكتاشفتوش إنتي ؟
روجين:و أنت شبيك تحب تعرف كلشي
أنا:قوم تفطر خير
روجين:ساقي مضروبة يا عمري
أنا:إيجا هوني...و معادش نسمع حسك مرة أخرى
حطت يدها على فمها...جبدتها عندي حطيتها عالكرسي و حطيت الصحن بجنبها...و كملت حطيت البقية..قعدت بجنبها مستغرب من سكاتها...ضيقت عينيا نحكي
انا:فاش تخمم ؟ و لا نسيت حاجة مخبرتنيش بيها ؟
حطت من يدها و هزت روحها وقفت..جيت باش نحكي أما سكت كي قعدت في حملتي...مديت يدي حطيتها على جنبها...نزلت بصوابعها على خدي تحكي
روجين:باهي...نعرف روحي غلطت و برشا زادة...أما منحبكش تبقى متغشش بالطريقة هاذي
أنا:في رايك إنتي باش تنجم على هارون وحدك ؟ تعرف إنتي قداش ماتت ناس جرايرو...تعرفو شنية مستعد يعمل باش يوصل للي يحب عليه ؟ باهي إنتي خممت فيا ؟ خممت شنية يصير فيا كان عملك حاجة و لا وصل ضرك ؟ جاوبني روجين ؟
روجين:فههد...أسمعني أنت تعبت برشا باش توصل لهوني...منحبش هارون يضرك مرة أخرى
أنا:هارون مينجمش يضرني عزيزتي...خاطرو مينجمش يعمل خطوة وحدة من غيري
روجين:ي..يعني باش تبقى في المستنقع هذا فهد ؟ تبقى تهز سلاحك كل ما تواجهك مشكلة ؟ باش نعديو حياتنا هكا إحنا ؟
مديت يدي شوية...عديت صوابعي على خدها...و نزلت بيهم لشفايفها...حقيقتي لي كنت خايف منها ديما...أنها تظهر قدامها و تخليها تبعد عليا...لقيت روحي قاعد قدامها من غير أسرار...أما لإمتى ؟ لإمتى باش تبقى تعاني هكا جرايري...و لإمتى باش تبقى عايشة هذا الخوف الكل...خذيت نفس طويل نحكي
أنا:إنتي شنية تحب ؟
روجين:نحبك تكون فهد كهو...فهد اللي رباني و علمني عكس لي تعمل فيه توا...نحب تكون عندنا حياتنا الخاصة...من غير خوف...و من غير أسلحة زادة...حتى من غير ما نكونو منها عيلة الصياد جملة
أنا:باهي باش يصير...وعد مني إنتي باش تعيش كلشي حرمتك منو
روجين:نعيشو فهد...نعيشو مع بعضنا
أنا:باهي يا روحي
روجين:عندي طلب آخر
غزرتلي ندرا كيف...و نزلت بيدها شوية...كبست على رقبتي تحكي
روجين:خبر ياسين بكلشي قاعد يصير...خاطرو الوحيد لي باش ياقف معاك و يساندك...ماكش باش تلقى لي قتل بوك من غير ياسين
أنا:ياسين عندو عيلة روجين...عندو صغير زادة...أنا منحبش خويا يتحرم من هذا الكل جرايري
روجين:و أنت كان باش يولي عندك صغير زادة...و حتى حد ماهو باش يكون ضحية المرة هاذي...ياسين لازمو يعرف باللي صار مع فتون...خاطرو الوحيد لي ينجم يحميها يا روحي
أنا:نعرف...نعرف هذا الكل يا عمري أما منحبش نخسركم زوز...لا إنتي و لا ياسين...حتى لجين ينجم يأذيها
روجين:مينجمش...إذا أنت محسستوش لي عرفت كلشي عملو
أنا:شقصدك ؟
روجين:أنا باش نقنعو إني باش نكمل مع غسان...و أنت في الوقت هذا لازمك تلقى ثغرة جديدة لهارون و تاخو الدليل
أنا:تحبني نتحمل ●●●●● هذاكا مرة أخرى
روجين:على خاطرنا لازمك تتحمل...و زيد غسان والله ما يستهل منك لي عملتو فيه
أنا:وصلنا للكلام لي يخليني نكفر...قوم عليا
روجين:يااا فهههد يزززي أماانك...شبيك هكا تسكر في مخك
أنا:الصبر يا ربي...باهي هاني نسمع كمل كلامك
روجين:هاذي الطريقة الوحيدة فهد...كان هارون حس لأنا بعيدة عليك...ماهوش باش يلتهى بيك...حتى أحسن طريقة خلي أي قضية من اللي عملها تظهر في الساحة وقتها هو يدخل بعضو و أنت تنجم تتصرف
أنا:روجين في بالي أنا معلمتكش الحاجات هذوما
روجين:الحق عليا نعطيك في أفكاري...ساعة مش لازم تعلمني كلشي أنت
أنا:مممم هاني نشوف
روجين:أمااانك...هذا هو الحل الوحيد لينا
أنا:باهي روجين باهي
روجين:عيش حبي اللي يسمع الكلام...أما فما حاجة أخرى صغرونة...و منحبكش تتغشش منها
أنا:نورني
روجين:أنا زادة طلبت حاجات منو بالمقابل
أنا:شنوووة ؟
روجين:أول حاجة طلبت منو يسقط قضية الإتهام لي وحلها في بابا...خاطر كان فما حد قتل خالي كمال هو نفسو هارون
عديت يدي على وجهي...بعد اللي سمعتو منها مستحيل نستبعد أنو هو القاتل لي قاعد نفركس عليه لتوا..خذيت نفس نحكي
أنا:و شنية زادة ؟
روجين:طلبت منو يتنازل على أملاكو لكل ليكم...نقصد تولي بإسم بوك
أنا:بالله روجين...ياخي إحنا بحاجة أملاكو ؟
روجين:لاا...أما هارون إذا تنازل على المزرعة و أراضي البور و الفيلا...و كل أملاكو...معناها يكون بدا يتجرد من السلطة لي هو فيها توا
أنا:وين تحب توصل روجين ؟
روجين:اذا هارون تنازل على هذوما و على أملاك أخرى غيرها...و الأسهم لي في سوسيتي متاعك...ماهوش باش يلقى دعم مبعد...و كان أنت وصلت للكونت متاعو لي في سويسرا...معناها تكون قضيت على أول دعم ليه
هزيتلها براسي باهي...و كبست على جنبها أكثر...نحكي
أنا:ماكش باش تتصرف من غيري بعد توا...و كلشي يصير مع هارون لازم يكون عندي علم بيه...و بالنسبة لياسين أنا لي باش نفهمو الحكاية...خاطر حتى هو مخو يتسكر في الحاجات هذوما
روجين:و كان قنعك بالعكس...تمشيو تقتلوه مع بعضكم
قحرتلها...دورت يديها زوز على رقبتي و عنقتني بالوقت تحكي
روجين:باهي...هاني باش نسكت أحسن
حطيت يدي على ظهرها...كبست عليها و نزلت راسي شوية نشم في ريحتها...يمكن منجمش نكسر ثقتها أكثر من هكا...خاصة و هي تحاول تصلح في حاجات معندهاش ذنب فيه...كبست عليا تحكي
روجين:فهد أوعدني باش تعمل لي قتلك عليه
أنا:وعد يا روح فهد
روجين:و كل مرة تهز سلاحك تذكرني باهي
أنا:معادش تخمم فيه موضوع هذا...اليوم بالظبط نحبك ترتاح من كلشي تعديت بيه يا روحي
كبست عليا أكثر من غير ما جاوبني...تنهدت بالقاوي...و غرست يدي في شعرها...توا بالظبط ما نحب نخمم في حتى شي آخر.
#روجين_فهد💔💔